نامۀ دِوُم وَ کِلیسِی تسالونیکی 3
3
سیمون دعا کِنیت
1آخِرِ سَر، ای کَکایَل، سیمون دِعا کِنیت تا کلامِ خداوند زی پَخش وابو وِ حُرمتِشَه نِگَه کِنِن، هَموطو که مابینِ ایشا وابی، 2وِ تا وَ آیَمَلِ گَندَکار وِ شرور نجات بِجوریم، سییِکِه هَمَه ایمون نَیارِن. 3امّا خداوند وفادارِه؛ وِّ ایشا نَه پاوَرجا ایکِنِه وِ دَر برابرِ او شریر ویردارِتونِه. 4ایما مِنِه خداوند وَ ایشا اِطمینون داریم که اوچیئی که وَ ایشا حکم ایکِنیم اَنجوم ایئیت وُ وَجا ایاریت. 5خداوند دِلِ ایشا نَه وَ محبتِ خدا وِ صبرِ مسیح هدایت کِنِه.
هشتار وَ ضدِ تَمبَلی
6ایسو ای کَکایَل، وَ نومِ خداوندِمون عیسی مسیح وَتون حکم ایکِنیم، که وَ هر کَکایی که تَمبلی ایکِنِه وِ طبقِ تَعلیمی که وَ ایما گِرُتیتِه رفتار نیکِنِه، دیری کِنیت. 7سییِکِه ایشا خِتون دونیت که چطو بایِس وَ ایما سَرمشق بِگِریت، سییِکِه ایما وَختی که بِی ایشا بیئیم، تَمبل نَبیئیم، 8وِ نونِ کسی نَه مُفت نَخَردیم، بَلکَم شُو وِ رو کار کِردیم وِ زحمت کَشییم تا سَربارِ هیچ کویَکی وَ ایشا نَبِیم. 9نَه وَ ای خاطر که ایما ای حَقَّه نَیاشتیم، بَلکَم ایخواسیم نمونهای سی سَرمشق وَتون بِئیم. 10سییِکِه حتی وَختی که باتون بیئیم، یِنَه وَتون حکم کِردیم که: «اَر کسی نیخوا کار کِنِه، نون هَم نَخَرِه.»
11سییِکِه ایما ایشنِفیم مابینِ ایشا یِهپارهای تَمبلی ایکِنِن، اصلاً کار نیکِنِن، بَلکَم مِنِه کارَلِ بقیَه فضولی ایکِنِن. 12ایسو وَ نومِ خداوند عیسی مسیح وَ ایطو آیَمَل حکم ایکِنیم وِ تشویقِشون ایکِنیم که بیصیا کار کِنِن وِ روزیِ خِشونَه دَرارِن. 13امّا ایشا ای کَکایَل، وَ خوبی کِردَن خَسَه نَوابِیت.
14اَر کسی وَ تَعلیمَلِ ایما مِنِه ای نامَه اطاعت نَکِنِه، وِّ نَه نِشون کِنیت وِ باش اومَدِ رفت نَکِنیت تا شرمَندَه وابو. 15وِّ نَه دشمن وَ حساب نَیاریت، بَلکَم مِی کَکا وَش هُشتار بِئیت.
دِعِی خیر
16ایسو خداوندِ صلحوُسلامتی، خُوش مِنِه هر وَخت وِ مِنِه هر وَضعی وَتون صلحوُسلامتی بییِه. خداوند بِی تَمومِ ایشا بو.
17مو، پولُس، بِی خطِ خُوم ای سلامَه اینِویسُم. یِه نِشونۀ مو مِنِه تَمومِ نامهیَلِمِه. مِ ایطو اینِویسُم.
18فیضِ خداوندِ ایما عیسی مسیح بِی هَمۀ ایشا بو.
Currently Selected:
نامۀ دِوُم وَ کِلیسِی تسالونیکی 3: SLB
Highlight
Share
Compare
Copy
Want to have your highlights saved across all your devices? Sign up or sign in
@ 2024 Korpu Company
