نامۀ دِوُم وَ کِلیسِی تسالونیکی 2
2
مِردِ بیدین
1ایسو ای کَکایَل، دَرموردِ اومَیَنِ خداوندِمون عیسی مسیح وِ جَم وابییَنِ ایما طِی وُّ، وَتون تمنا ایکِنیم 2زی فکرِتون نَریزِه وَ یَک وِ هَراسون نَوابِیت، چه بِی یِه روح، چه بِی گَپی، چه بِی نامهای که وَ نظر بیا وَ طرفِ ایمایَه، که بِگُ روزِ ورگَشتَنِ خداوند رَسییِه. 3نَلیت هیشکَه وَ هیچ طریقی ایشا نَه گول بِزَنِه. سییِکِه او روز نیا، تا اَوَل مردم وَ ضدِ خدا وَریسِن، وِ او مِردِ بیدین که کِرِ هلاکَتِه ظهور کِنِه، 4وُّ وَ ضدِ هر چیئی یَه که وَش ایگُن خدا وِ ایپَرستِنِش، وُ وِّ خِشَه بالاتَر وَ اونگَل اینِه، طوری که مِنِه معبدِ خدا ایشینِه وِ اعلام ایکِنِه که خُوش خدا یَه.
5مَه وَ حوشِتون نیا وَختی که هَنی باتون بییُم، ای چییَلَه وَتون ایگُتُم؟ 6وِ ایشا دونیت که ایسو چه چیئی جِلو اومَیَنِشَه ایگِرِه، تا وِّ مِنِه وختِ خُوش ظهور کِنِه. 7سییِکِه ای سِرِّ شرارت هَمیسِه هَم کار ایکِنِه. تِنا تا زَمونی که وِه که تا ایسِه نَهاشَه گِرُتِه وَ مابِین وَگِرُتَه وابو. 8اوسِه او مردِ بیدین ظاهر ایابو، که خداوند عیسی بِی نَفَسِ دِهونِ خُوش وِّ نَه هلاک ایکِنِه وِ بِی بِرچِ ظهورِ خُوش وِّ نَه نابود ایکِنِه. 9ظهورِ او مردِ بیدین وَ خاطرِ کارِ شِیطونِه بِی تَمومِ قویَت وِ بِی نِشونهیَل وِ چییَلِ عجیبِ گولزَنَک، 10وِ بِی هَمَه طور شرارت کسَلی نَه که مِنِه رَه هلاکَتِن گول ایزَنِه. سییِکِه اونگَل نَخواسِن حقیقَتَه دوس داشتَه بون تا نجات بِگِرِن. 11پَ خدا اونگَلَه وَ گول خَردَنِ سختی گِرفتار ایکِنِه، طوری که اونگَل اوچیئی نَه که دِرو یَه باوَر ایکِنِن، 12تا تَمومِ کَسَلی که حقیقتَه باوَر نَکِردِن وُ وَ هر چیئی که نادِرِسِه کِیف کِردِن، محکوم وابون.
پاوَرجا وِیسیت
13امّا ای کَکایَل که عزیزِ خدایِیت، ایما بایِس هَمیشَه خدا نَه وَ خاطرِ ایشا شکر کِنیم، سییِکِه خدا ایشا نَه مِی نوبر انتخاب کِه تا وَ واسطۀ تقدیسِ روحالقدس وِ ایمونِتون وَ حقیقت نجات بِجوریت. 14سی یِه بی که وِّ ایشا نَه وَ واسطۀ انجیلِ ایما دعوت کِه تا مِنِه جلالِ خداوند ایما عیسی مسیح شریک وابِیت. 15پَ ای کَکایَل، پاوَرجا بِیت وِ بِچَسبیت وَ تعالیمی که وَمون یای گِرُتیت، چه بِی صُبَتِمون چه بِی نامَهمون.
16ایسو خداوندِمون خُوش، عیسی مسیح وِ بُو آسَمونیمون خدا، که ایما نَه دوس داشت وِ بِی فیضِ خُوش وَ ایما دلگرمیِ ابدی وِ اِمیدِ خوبی بَخشی، 17وَتون دلگرمی بییِه وِ مِنِه هر کار وِ گَپِ خوب پاوَرجا کِنِه.
Currently Selected:
نامۀ دِوُم وَ کِلیسِی تسالونیکی 2: SLB
Highlight
Share
Compare
Copy
Want to have your highlights saved across all your devices? Sign up or sign in
@ 2024 Korpu Company
