نامۀ دِوُم وَ کِلیسِی تسالونیکی 1
1
1وَ طرفِ پولُس، سیلاس وِ تیموتائوس،
وَ کلیسِی شهرِ تسالونیکی که مِنِه خدا، بُو ایما، وِ خداوند عیسی مسیح یِیت:
2فیض وِ صلحوُسلامتی وَ طرفِ خدا، بُو ایما، وِ خداوند عیسی مسیح وَ ایشا بو.
شکر کِردن
3ای کَکایَل، ایما بایِس هَمیشَه خدا نَه وَ خاطرِ ایشا شکر کِنیم، دِرِسِشَم هَمیِنِه، سییِکِه ایمونِ ایشا هَمیطو رشت ایکِنِه وِ محبتِ هر کویَکی وَ ایشا وَ یَک زیادتر ایابو. 4سی هَمیو، ایما خِمون مِنِه کلیسایَلِ خدا وَتون ایبالیم، وَ خاطرِ پاوَرجایی وِ ایمونِتون مِنِه تَمومِ عذابَل وِ تَنگییَلی که طاقت ایاریت.
داوری مِنِه زَمونِ وَرگشتَنِ مسیح
5یِه نِشونۀ داوری عادلانۀ خدایَه، تا ایشا لایقِ پادشاییِ خدا وابِیت، که وَراسی ایشا سیش عذاب ایکَشیت. 6سییِکِه خدا وَراسی یِنَه انصاف دونِه که اونگَلی نَه که وَتون عذاب اییِن، بِی عذاب عَوضِشون بییِه، 7وِ ایشا نَه که عذاب کَشیئیتِه آسودَه ایکِنِه، هَمیطو ایما نَه. وَختی که خداوند عیسی بِی فرشتهیَلِ زوردارِش مِنِه آسمون ظهور کِنِه 8مِنِه تَشی اَلوگِرُتَه، تَقاص ایگِرِه وَ خدانَشناسَل وِ کسَلی که وَ انجیلِ خداوندِ ایما عیسی اطاعت نیکِنِن. 9جَزِی اونگَل نابودیِ ابدی یَه، دیر بییَن وَ حضورِ خداوند وُ وَ جلالِ قدرتِ وُّ، 10وَختی که وِّ مِنِه او روز ایا مابینِ ایموندارَلِ خُوش جلال ایجورِه، وِ تَمومِ اونگَل که وَش ایمون آوُردِنِه، حیرت ایکِنِن، وِ ایشا هَم جُزِشونیت، سییِکِه وَ شهادتِ ایما ایمون آوُردیت.
11سی هَمیو، ایما همیشَه سیتون دعا ایکِنیم تا خِدِی ایما ایشا نَه لایقِ دعوتِ خُوش بِیونِه وِ بِی قُویَتِ خُوش هر نیتِ خوب وِ هر کاری نَه که وَ ایمون سَرچشمَه ایگِرِه، اَنجوم بییِه، 12تا نومِ خداوندِ ایما عیسی مِنِه ایشا جلال بِجورِه، وِ ایشا هَم طبقِ فیضِ خِدِی ایما وِ خداوند عیسی مسیح، مِنِه وِّ جلال بِجوریت.
Currently Selected:
نامۀ دِوُم وَ کِلیسِی تسالونیکی 1: SLB
Highlight
Share
Compare
Copy
Want to have your highlights saved across all your devices? Sign up or sign in
@ 2024 Korpu Company