نامۀ اَوَل وَ کِلیسِی تسالونیکی 5
5
روزِ خداوند
1ایسو ای کَکایَل، دَرموردِ وَختَل وِ زَمونَل، ایشا اِتیاجی نَیاریت تا چیئی سیتون نوشتَه وابو. 2سییِکِه ایشا خِتون خوب دونیت که روزِ وَرگَشتَنِ خداوند عیسی مِی دِزی که مِنِه شُو ایا، وَ رَه ایرَسِه. 3او موقَع که مردم ایگُن: «صلحوُسلامتی وِ اَمنوُاَمونِه»، اوسِه یِه دَفَه سَرنِگونی دامَنِشونَه ایگِرِه، هَموطو که زنِ حامِلَه نَه دردِ زِیمون ایگِرِه، وِ اونگَل نیتَرِن بِدَرِن.
4امّا ایشا ای کَکایَل، نَه مِنِه تاریکی یِیت تا او روز مِی دُز غافلگیرِتون کِنِه. 5سییِکِه ایشا هَمَتون اولادَلِ نور وِ اولادَلِ روزیت؛ ایما نَه این شُو وِ تاریکی یِیم. 6پَ مِی بَقیَه وَ خُو نَرِیم، بَلکَم دیار وُ وَ هوش بِیم. 7سییِکِه اونگَل که ایخُوسِن، موقِی شُو ایخُوسِن، وِ اونگَل که مَهس ایکِنِن، موقِی شُو مَهس ایکِنِن. 8امّا وَ وُچِه که ایما این روزیم، بییِیت وَ هوش بِیم، زِرِۀ ایمون و محبتَه کِنیم وَ وَر، وِ کِلَهخود اِمیدِ نجاتَه بِنیم وَ سَر. 9سییِکِه خدا ایما نَه تعیین نَکِردِه سی غَضب، بَلکَم تعیین کِردِه سی وَ دَس آوُردَنِ نجات وَ واسطۀ خداوندمون عیسی مسیح، 10وِّ که سی ایما مُرد، تا چه دیار بِیم وِ چه وَ خو، بِی وِّ زِندِیی کِنیم. 11پَ یَکَه تشویق کِنیت وِ مِنِه ایمون تقویت کِنیت، همیطو که ایسِه هَم ایکِنیت.
سفارِشَلِ آخِر وِ دِعِی خیر
12ای کَکایَل، ایما وَتون ایخِیم اونگَلی نَه که مابینِتون زحمت ایکَشِن وِ مِنِه خداوند رَهبَرلِ ایشانِن وِ نَصیحَتِتون ایکِنِن، حُرمت کِنیت، 13وِ مِنِه محبت، وَ خاطرِ کاری که ایکِنِن تا ایتَریت حُرمَتِشون کِنیت، بِی یَک مِنِه صلح و صفا زِندِیی کِنیت.
14ای کَکایَل، ایما وَتون تمنا ایکِنیم که آیَمَلِ تمبَلَه نصیحت کِنیت؛ زَلَهتِرویَلَه دلگرم کِنیت؛ پُشتِ ضعیفَل بِیت؛ وِ بِی هَمَه صبور بِیت. 15حَواستون بو، کسی بَدی نَه بِی بَدی جواب نَیِه، بَلکَم همیشَه وَ دینِ خوبی کِردَن وَ یَک وُ وَ تَمومِ مردم بِیت. 16همیشَه شای بِیت؛ 17همیشَه دعا کِنیت؛ 18مِنِه هر حالی شکرگزار بِیت، سییِکِه یِه ارادۀ خدا سی ایشا مِنِه مسیح عیسی یَه.
19تَشِ روحِ خدا نَه کور مَکِنیت؛ 20نبوّتَلَه خوار مَکِنیت. 21بَلکَم همَه چی نَه امتحان کِنیت؛ وَ اوچیئی که خوبه، سِفت بِچَسبیت. 22وَ هر طور بَدی دیری کِنیت.
23ایسو خِدِی صلحوُسلامتی، خُوش ایشا نَه وَ تَمومی تقدیس کِنِه وِ تَمومِ روح وِ جون وِ بَیَنِ ایشا تا اومَیَنِ خداوندمون عیسی مسیح، بیعیب پاوَرجا وِیسِه. 24وِّ که ایشا نَه ایخونِه، وفادارِه؛ وِّ حتماً ای کارَ ایکِنِه.
25ای کَکایَل، سی ایما دعا کِنیت. 26وَ تَمومِ کَکایَل بِی بوسی مقدس سلام بِرَسونیت. 27مِنِه حضورِ خداوند، قَسَمِتون اییُم که ای نامَه سی تَمومِ کَکایَل خوندَه وابو.
28فیضِ خداوندِ ایما عیسی مسیح بِی ایشا بو.
Currently Selected:
نامۀ اَوَل وَ کِلیسِی تسالونیکی 5: SLB
Highlight
Share
Compare
Copy
Want to have your highlights saved across all your devices? Sign up or sign in
@ 2024 Korpu Company
