نامۀ دِوِمِ پطرس 1
1
1وَ طرفِ شَمعونِ پطرس، غلام وِ رسولِ عیسی مسیح،
وَ اونگَلی که وَ وسیلۀ عدالتِ خدا وِ نجات دهندۀ ایما عیسی مسیح، ایمونی هُمتراز بِی ایمونِ ایما نَصیبِشون وابییِه:
2فیض وِ صلحوُسلامتی وَ واسطۀ شناختِ خدا وِ خداوندِ ایما عیسی، وَ فَراوونی وَ ایشا بو.
بَرگزیدِهیَلِ خدا
3قدرتِ الهیِ وُّ تَمومِ چییَلی نَه که سی حیات و دینداری لازمِه وَمون بَخشییِه، یِه وَ رَه شناختِ وِّ آمایَه وابییِه که ایما نَه خُوندِه وَ جلال وِ خوبیِ خُوش، 4که وَ واسطۀ اینگَل، وَعدهیَلِ عظیم وِ باارزشِ خِشَه وَمون بَخشییِه، تا وَ طریقِ اونگَل شریکِ طبیعتِ الهی وابِیت وُ وَ فسادی که وَ خاطرِ مِیلِ گِنا مِنِه دنیا هِسی، آزاد وابِیت.
5سی هَمیو، سخت تلاش کِنیت تا وَ ایمونِتون خوبی نَه اِضاف کِنیت، وُ وَ خوبی، شناختَه، 6وُ وَ شناخت، خودداری نَه، وُ وَ خودداری، پاوَرجایی نَه، وُ وَ پاوَرجایی، دینداری نَه، 7وُ وَ دینداری، مِهرِ کَکاگَری نَه، وُ وَ مهرِ کَکاگَری، محبتَه. 8سییِکِه اَر ای خِصلَتَل مِنِه ایشا بو وِ زیاد وابو، نیلِه مِنِه شناختِ خداوندِ ایما عیسی مسیح، بیاثر وِ بیثَمَر بِیت. 9سییِکِه هَرکه ای خِصلَتَلَه نَیارِه، ایقَه کورِه که غیرَ وَرِ پاش چیئی نیبینِه، که وَ حوشِش رَتِه که وَ گِنایَلِ قدیمیِ خُوش پاک وابییِه. 10پَ ای کَکایَل، بیشتَر تلاش کِنیت تا خُوندَه وابییَن وِ برگزیدَه وابییَنِتونَه ثابت کِنیت، سییِکِه اَر ای خِصلَتَلَه وَ کار بویَریت وَتَه نییُفتیت. 11وِ ایطوری وَتون اجازۀ کامل دایَه ایابو تا وَ پادشاییِ ابدیِ خداوند وِ نجات دهندَهمون عیسی مسیح داخل وابِیت.
12پَ مِ ایخوام ای خِصلَتَلَه هَمیشَه وَ حوشتون بیارُم، هَرچَن اونگَلَه دونیت وِ مِنِه او حقیقتی که جُسیتِه، پاوَرجایِیت. 13مِ گَمون ایکِنُم یِه دِرِسِه، تا زَمونی که مِنِه ای بَیَنُم، ای خِصلَتَلَه وَ حوشِتون ایارُم تا وَ غیرت بیارِمِتون، 14وَ وُچِه که دونُم وَ هَمی زیئی وَ ای بَیَن ایزَنُم وَدَر، هَموطو که خداوندِ ایما عیسی مسیح وَم نشون دا. 15وِ تا ایتَرُم تلاش ایکِنُم تا بعدَ رَتَنُم وَ ای دنیا مِنِه هَمَه وَخت بِتَریت ای چییَلَه وَ حوشِتون بیاریت.
16سییِکِه اوسِه که قدرت وِ اومَیَنِ خداوندِمون عیسی مسیح نَه وَتون اعلام کِردیم، وَ دینِ داستانَلِ خیالیای که بِی زِرِنگی ساختَه وابییِنِه نَرَتَه بیئیم، بَلکَم بِی تییَلِ خِمون شوکتِ وِّ نَه دییَه بیئیم. 17سییِکِه وَختی وُّ وَ طرفِ خِدِی بُو، حُرمت وِ جلال جُس وِ صیایی وَ جلالِ شوکت وَش رَسی که، «یِنِه کِرِ عزیزُم که وَش راضییَم.» 18ایما خِمون ای صیا نَه که وَ آسمون رَسی اِشنُفتیم، سییِکِه ایما وَ ری او کُو مقدّس باش بیئیم.
19وِ ایما کلامِ قابلِ اِطمینونِ پِیغَمبرَلَه داریم که خوبه وَ حوشِتون بو، سییِکِه مِی چراغی مِنِه جِی تاریکی بِرچ ایزَنِه تا اوسِه که شَفق بِزَنِه وِ ستارۀ گَلَهکَنون مِنِه دِلِتون روشن وابو. 20نِهِی هرچی، بِیونیت که هیچ کویَکی وَ نبوتَلِ کتاب مقدّس تعبیرِ خودِ پِیغَمبر نی. 21سییِکِه وَتَه هیچ نبوتی وَ ارادۀ انسان آوُردَه نَوابی، بَلکَم آیَمَل وَ واسطۀ روحالقدس وَ جانبِ خدا گَپ زَن.
Currently Selected:
نامۀ دِوِمِ پطرس 1: SLB
Highlight
Share
Compare
Copy
Want to have your highlights saved across all your devices? Sign up or sign in
@ 2024 Korpu Company
