نامۀ اَوَلِ پِطرُس 5
5
گلۀ خدا نَه چِپونی کِنیت
1مِ که یکی وَ شیخَلُم، وِ شاهدِ عذابَلِ مسیح بییُم وِ مِنِه او جلالی که آشکار ایابو شریکُم، وَ شیخَلی که مابِینِتونِن سفارش ایکِنُم: 2گَلهای نَه که خدا دایِه وَ دَسِتون چِپونی کِنیت وِ ویردارِش بِیت، نَه وَ زور بَلکَم بِی میل و رغبت، هَموطو که خدا ایخوا؛ نَه سی طمعِ سود بَلکَم بِی شوق. 3نَه یِکِه وَ کَسَلی که وَ دَسِ ایشا دایَه وابییِنِه آقایی کِنیت، بَلکَم سی گَلَه نِمونَه بِیت. 4وُ وَختی که رئیسِ چِپونَل ظهور کِنِه، تاجِ جلالِ وَبین نَرَتنی نَه وَ دَس ایاریت.
5ایشا هَم ای جَوونَل، مطیعِ شیخَل بِیت. هَمَتون مِنِه رفتارِتون بِی یَک کوچِکنظمی نَه کِنیت وَ وَر، سییِکِه،
«خدا وَ ضِدِ آیَمَلِ غُد ایوِیسِه،
امّا وَ کوچکنظمَل فیض اییِه.»
6پَ خِتونَه زِرِ دَسِ زوردارِ خدا کوچِکنظم کِنیت تا وَ موقَش سَرفَرازِتون کِنِه. 7تَمومِ هولوهراسَلِتونَه بِئیت وَ وُّ، سییِکِه وِّ وَ فکرِتونِه.
8هشیار بِیت وِ حَواستون بو، دشمنِ ایشا اِبلیس مِی شیری که نَعرَه ایزَنِه، وَ هر لَت تُو ایخَرِه وُ وَ دینِ کسی یَه که غوتِش بییِه. 9وِیسیت وَرِش وِ مِنِه ایمون پاوَرجا بِیت، سییِکِه دونیت کَکایَلِتونَم مِنِه تَمومِ دنیا بِی هَمی عذابَل ریوَری یَن. 10بَعدَ یِچِی سختی وِ عذاب، خِدِی پُر وَ فیض که ایشا نَه مِنِه مسیح خُوندِه، تا مِنِه جلالِ ابدیِ وِّ شریک بِیت، ایشا نَه اَزنو بَنا ایکِنِه، وِ پایدار، زوردار وِ پاوَرجا ایکِنِه. 11سلطنت تا ابدالآباد این وِّ بو. آمین.
سلامَلِ آخِر
12وَ وسیلۀ سیلاس که وِّ نَه کَکایی وَفادار دونُم، خلاصَه سیتون نوِشتِمِه تا وَتون سفارش کِنُم وِ شهادت بییُم که هَمیِنِه فیضِ حقیقیِ خدا. مِنِه ای فیض پاوَرجا وِیسیت.
13دَیِهای که مِنِه بابِلِه که مِی ایشا بَرگزیدَه یَه، وَتون سلام ایرَسونِه وِ هَمیطو کِرُم مَرقس. 14وَ یَک بِی بوسی که وَ ری دوس داشتَنِه سلام کِنیت.
صلحوُسلامتی بو، وَ تَمومِ ایشا که مِنِه مسیح یِیت.
Currently Selected:
نامۀ اَوَلِ پِطرُس 5: SLB
Highlight
Share
Compare
Copy
Want to have your highlights saved across all your devices? Sign up or sign in
@ 2024 Korpu Company
