نامۀ اَوَلِ یوحنا 5
5
زور وابییَن وَ دنیا
1هرکه ایمون دارِه که عیسی هَمو مسیحِ موعودِه، وَ خدا مولود وابییِه؛ وِ هرکه بُو نَه محبت ایکِنِه، هر کسی نَه هَم که وَ وِّ مولود وابییِه محبت ایکِنِه. 2وَ وِیچِه دونیم بَچهیَلِ خدا نَه محبت ایکِنیم که خدا نَه محبت ایکِنیم وُ وَ دَستورَلِش اطاعت ایکِنیم. 3سییِکِه محبت وَ خدا هَمیِنِه که وَ دَستورَلِش اطاعت کِنیم وِ دَستورَلِش نَه بارِ گِرونی یَه. 4سییِکِه هرکه وَ خدا مولود وابییِه، وَ دنیا زور ایابو وِ یِنِه زور وابییَنی که دنیا نَه شکست دایِه، یعنی ایمونِ ایما. 5کیَه وِه که وَ دنیا زور وابو غیرَ وِه که ایمون دارِه عیسی کِرِ خدایَه؟
6وِّ کسی یَه که بِی اُو وِ خین اومَه، یعنی عیسی مسیح. نَه تِنا بِی اُو، بلکم بِی اُو وِ خین؛ وِ روحِ خدایَه که شهادت اییِه، سییِکِه روحِ خدا، حقِه. 7سییِکِه سه شاهد هِسی که شهادت اییِن: 8روحِ خدا وِ اُو وِ خین؛ وِ شهادتِ ای سه تا، مِی یَکِن. 9اَر ایما شهادت انسانَه قبول ایکِنیم، شهادت خدا گَپوتَرِه، سییِکِه شهادتی یَه که خدا خُوش درموردِ کِرِش دایِه. 10هرکه وَ کِرِ خدا ایمون دارِه، ای شهادتَه مِنِه خُوش دارِه. وِه که شهادتِ خدا نَه باوَر نیکِنِه، وِّ نَه دِروکُن دونِه، سییِکِه شهادتی نَه که خدا درموردِ کِرِش دایِه، باور نَکِردِه. 11وِ او شهادت یِنِه که خدا وَ ایما حیاتِ ابدی بَخشییِه، وِ ای حیاتِ ابدی مِنِه کِرِشِه. 12وِه که کِرِ خدا نَه دارِه، حیات دارِه وُ وِه که کِرِ خدا نَه نَیارِه وَ حیات بینَصیبِه.
آخِرِ سَر
13اینگَلَه سی ایشا نِوِشتُم که وَ نومِ کِرِ خدا ایمون آوُردیتِه، تا بِیونیت که حیاتِ ابدی نَه داریت. 14یِنِه اِطمینونی که مِنِه حضورِ وِّ داریم که هر وخت چیئی نَه طبقِ ارادۀ وِّ دَرخواس کِنیم، وِّ صیامونَه ایشنِفِه. 15وِ اَر دونیم که هر چیئی که وَش دَرخواس کِنیم وِّ صیامونَه ایشنِفِه، پَ دَ خاطِرجَمیم که اوچیئی که وَش خواسیمِه، وَ دَس آوُردیمِه.
16اَر کسی بِوینِه کَکاش گِنایی ایکِنِه که باعثِ مرگ نیابو، دعا کِنِه وِ خدا وَش حیات ایبَخشِه. یِنَه درموردِ کسی ایگُم که گِناش باعثِ مرگ نیابو. گِنایی هِسی که باعثِ مرگ ایابو. مِ درموردِ ایطو گِنایَل نیگُم که بایِس دعا کِه. 17هر عملِ نادِرِسی گِنایَه، امّا گِنایی هَم هِسی که باعثِ مرگ نیابو.
18ایما دونیم که هرکه وَ خدا مولود وابییِه، هَمیطو مِنِه گِنا زِندِیی نیکِنِه، بلکم او «مولود خدا» ویردارِشِه وِ دَسِ او شَریر وَش نیرَسِه. 19ایما دونیم که وَ خدایِیم وِ تمومیِ دنیا زِرِ سلطۀ او شریرِه. 20هَمیطو دونیم که کِرِ خدا اومَیِه وُ وَمون فَهم دایِه تا وِّ نَه بشناسیم که حقیقَتِه، وِ ایما مِنِه وِّنیم که حقیقَتِه، یعنی مِنِه کِرِش عیسی مسیح. وِّنِه خِدِی حقیقی وِ حیاتِ ابدی.
21ای اولادَلِ سَوا؛ خِتونَه وَ بُتَل دیر کِنیت.
Currently Selected:
نامۀ اَوَلِ یوحنا 5: SLB
Highlight
Share
Compare
Copy
Want to have your highlights saved across all your devices? Sign up or sign in
@ 2024 Korpu Company
