نامۀ دِوُم وَ کِلیسِی قُرَنتُس 5
5
حونۀ آسمونیِ ایما
1سییِکِه ایما دونیم موقِی که ای بِهونِ زمینی که مِنِش منزل داریم بِرُمبِه، عمارتی وَ خدا داریم، حونَهای که بِی دَس ساختَه نَوابییِه وِ مِنِه آسمونَل ابدی یَه. 2سییِکِه مِنِه ای بِهون هِناسَه ایکَشیم، شوق داریم که حونۀ آسمونی خِمونَه کِنیم وَرِمون. 3اَر وَراسی کِنیمِش وَرِمون، دَ نَه لُختیم. 4سییِکِه تا زمونی که مِنِه ای بِهونیم بِی دردِ گِرون هِناسَه ایکَشیم، سییِکِه نیخِیم جومۀ وَرمونَه دَرآریم، بلکم جومهای دَ ایکِنیم وَرِمون، تا حیات اوچیئی نَه که فانی یَه غوت بییِه. 5خدا یَه که ایما نَه سی ای کار آمایَه کِردِه، که روحَه وَمون بَیونَه دایِه.
6پَ همیشَه بِی دلِ جرأتیم، ایما دونیم تا زمونی که مِنِه ای حونَه مِنِه ای بَیَن منزل داریم، وَ خداوند دیریم، 7سییِکِه بِی ایمون قَیَم اییَگِریم، نَه بِی دییَن. 8بَلِه، ایما بِی دلِ جرأتیم، وِ یِنَه بِختَر دونیم، که وَ ای بَیَن دیر وابِیم وِ مِنِه حونَه طِی خداوند منزل کِنیم. 9پَ چه مِنِه حونَه منزل داشتَه بِیم وِ چه دیرَ حونَه بِیم، نیَتِمون یِنِه که وِّ نَه راضی کِنیم. 10سییِکِه تَمومِ ایما بایِس دَر برابرِ تختِ داوریِ مسیح حاضر وابِیم، تا هَر کس بَنا وَ کارَلِ خوب یا بَدی که مِنِه زَمونی که مِنِه بَیَنِش بییِه کِردِه، سِزا بِوینِه.
خِذمتِ صلح
11پَ بِی دونِسَنِ ترسِ خداوند، مَردِمَه مجاب کِنیم. امّا اوچیئی که هِسیم سی خدا آشکارِه وِ اِمیدم وَ یِنِه که سی وجدانِ ایشا هَم آشکار بو. 12ایما نیخِیم اُمبلا وَ خِمون تعریف کِنیم، بلکم ایخِیم دلیلی سیتون بیاریم که وَ ایما بِبالیت، تا بِتَریت جوابِ کَسَلی نَه بِئیت که وَ ظاهر ایبالِن، نَه وَ اوچیئی که مِنِه دِلِه. 13سییِکِه اَر عقلِمونَه وَ دَس دِیمِه، وَ خاطرِ خدایَه؛ وِ اَر عاقِلیم، وَ خاطرِ ایشانِه. 14سییِکِه محبتِ مسیح ایما نَه کنترل ایکِنِه، سییِکِه خاطِرجَمیم که یِه نفر مُرد سی هَمَه، پَ هَمَه مُردِن. 15وُ وِّ مُرد سی هَمَه تا دَ زِندِهیَل نَه سی خِشون، بلکم سی او کسی زِندِیی کِنِن که وَ خاطرشون مُرد وِ زِندَه وابی.
16پَ، ایما وَ یِه واپَس، هیشکَه نَه بِی قیاسَلِ بشری قضاوت نیکِنیم، هَرچَن زیتَر درموردِ مسیح ایطو قضاوت ایکِردیم، ایسِه دَ نَه ایطورِه. 17پَ اَر کسی مِنِه مسیح بو، خلقتی تازَه یَه. چییَلِ کُهنَه رَتِنِه؛ ایسو، هَمَه چی تازَه وابییِه! 18تَمومِ اینگَل وَ خدایَه، که وَ واسطۀ مسیح ایما نَه بِی خُوش صلح دایِه وِ خذمتِ صلحَه دایِه وَ دَسِ ایما. 19یعنی، خدا مِنِه مسیح جهانَه بِی خُوش صلح ایدا وِ گِنایَلِ مَردِمَه نیلِشت وَ حسابِشون، وِ پِیومِ صلحَه دا وَ دَسِ ایما. 20پَ سَفیرَلِ مسیح یِیم، خدا خواسِ خِشَه وَ طریقِ ایما اَنجوم اییِه. ایما وَ طرفِ مسیح وَتون تمنا ایکِنیم که بِی خدا صلح کِنیت. 21خدا کسی نَه که گِنا نَه نَشناخت، مِنِه رَه ایما گِنا کِه، تا ایما مِنِه وُّ صالحیِ خدا وابِیم.
Currently Selected:
نامۀ دِوُم وَ کِلیسِی قُرَنتُس 5: SLB
Highlight
Share
Compare
Copy
Want to have your highlights saved across all your devices? Sign up or sign in
@ 2024 Korpu Company
