نامۀ دِوُم وَ کِلیسِی قُرَنتُس 4
4
نورِ اِنجیل
1پَ بِی داشتَنِ ای خذمت که وَ ری رحمِ خدایَه، دلسرد نیابِیم. 2امّا ایما وَ رَیَلِ نادِرُس وِ قایِمَکی دیری کِردیمِه. ایما وَ حُقَهبازی یا دَس بُردَن مِنِه کلامِ خدا دیری ایکِنیم، بلکم، بِی گُتَنِ حقیقت مِنِه حضورِ خدا، وجدانِ هَمَه، ایما نَه تصدیق ایکِنِه. 3وِ حتی اَر انجیلِ ایما پوشیدَه یَه، وَ کَسَلی پوشیدَه یَه که ری وَ نابودی یَن. 4دَرموردِ اونگَل خِدِی ای دنیا عقلِ بیایمونَلَه کور کِردِه تا نورِ انجیلِ جلالِ مسیحَ که صورتِ خدایَه، نَبینِن. 5سییِکِه ایما وَ خِمون تعریف نیکِنیم، بلکم عیسی مسیحَ وَ عنوانِ خداوند اعلام ایکِنیم، وُ وَ خِمون تِنا وَ خاطرِ عیسی، وُ وِ هَم تِنا وَ عنوانِ خادمِ ایشا گَپ ایزَنیم. 6سییِکِه هَمو خدایی که گُت: «نور وَ مِنِه تاریکی بِرچ بِزَنِه» نورِ خِشَه بِس وَ دِلِمون تا شناختِ جلالِ خدا مِنِه ری عیسی مسیح، ایما نَه نورانی کِنِه.
7امّا ایما ای گنجَه مِنِه کوزهیَلِ گِلی داریم، تا آشکار بو که ای قدرتِ عظیم وَ خدایَه نَه وَ ایما. 8ایما وَ هَرلَت مِنِه فشاریم، امّا خُرد نَوابیئیمِه؛ حیرتزَیَه یِیم، امّا نَه نااِمیدیم؛ 9آزار ایبینیم، امّا وِل نَوابیئیمِه؛ خَردیمِه وَ گِل، امّا هلاک نَوابیئیمِه. 10هَمیشَه مرگِ عیسی نَه مِنِه بَیَنِ خِمون ایبَریم تا حیات عیسی هَم مِنِه بَیَنِ ایما دیار وابو. 11سییِکِه ایما که زِندَهیِیم، هَمیشَه وَ خاطرِ عیسی ایمیریم تا حیاتِ عیسی هَم مِنِه بَیَنِ فانیِ ایما دیار وابو. 12پَ مرگ مِنِه ایما کار ایکِنِه، امّا حیات مِنِه ایشا.
13وَ وُچِه که مِنِه کِتابِ زبور نِوشتَه وابییِه، «ایمون آوُردُم، پَ گَپ زَم.» سییِکِه هَمی روحِ ایمون مِنِه ایما هَم هِسی، ایما هَم ایمون داریم پَ گَپ ایزَنیم. 14دونیم وِّ که عیسی خداوندَ وَ مُردِهیَل زِندَه کِه، ایما نَه هَم بِی عیسی زِندَه ایکِنِه وِ ایما نَه بِی ایشا ایارِه وَ حضورِش. 15اینگَل هَمَه وَ خاطرِ ایشانِه، تا فیضی که نَصیبِ عِدۀ زیادی ایابو، شکر کِردنِ مردم سی جلالِ خدا نَه بیشتر کِنِه.
16پَ دلسرد نیابِیم. هَرچَن بَیَنِمون ایپیسِه، انسانِ باطِنیمون روز وَ روز تازهتَر ایابو. 17سییِکِه ای عذابَلِ کِچِلوِ گذرا که وَ سَرِمون رَی ایابو جلالی ابدی نَصیبِمون ایکِنِه که بِی او عذابَل قابلِ قیاس نی. 18پَ تییَمون نَه وَ چییَلی یَه که ایابو بِوینیشون، بلکم وَ چییَلی یَه که نیابو بِوینیشون، سییِکِه چییَلی که ایابو بِوینیشون باقی نیوِیسِه، امّا چییَلی که نیابو بِوینیشون ابدی یَه.
Currently Selected:
نامۀ دِوُم وَ کِلیسِی قُرَنتُس 4: SLB
Highlight
Share
Compare
Copy
Want to have your highlights saved across all your devices? Sign up or sign in
@ 2024 Korpu Company
