نامۀ دِوُم وَ کِلیسِی قُرَنتُس 13
13
آخِرین هشتارَل
1یِه سومین دَفَه یَه که ایام طِیتون. «هر بُهتونی وَ گَواییِ دو یا سه شاهد، ثابت ایابو.» 2مِ وَ اونگَلی که نَهاتَر گِنا کِردَه بییِن وُ وَ تَمومِ مردم هشتار دام وِ ایسِه مِنِه نَبییَنُم وَشون هشتار اییُم، هَموطو که دَفۀ دومِ که دییِمِتون هشتار دام، که اَر اُمبلا بیام وَشون نیگذَرُم- 3سییِکِه ایشا دلیل ایخِیت وَ یِکِه مسیح وَ وسیلۀ مِ گَپ ایزَنِه. وِّ دَر قبالِ ایشا نَه ضعیفِه، بلکم مِلاتون زوردارِه. 4سییِکِه هَرچَن مِنِه ضعف وَ صلیب وابی، امّا بِی قدرتِ خدا زِندِیی ایکِنِه. سییِکِه، ایما هَم مِنِه وِّ ضعیفیم، امّا دَرموردِ ایشا بِی قدرتِ خدا زِندِیی ایکِنیم.
5خِتونَه امتحان کِنیت تا بِوینیت مَه مِنِه ایمونیت وا نَه. خِتونَه امتحان کِنیت. مَه یِنَه دَرموردِ خِتون نیفَمیت، که عیسی مسیح مِنِه ایشایَه؟ غیرَ یِکِه مِنِه ای امتحان رفوزَه وابِیت! 6امیدم وَ یِنِه که بِفَمیت ایما مِنِه ای امتحان رِفوزَه نَوابیئیمِه. 7امّا ایما وَ خدا ایخِیم که ایشا خطایی نَکِنیت؛ نَه سییِکِه معلوم وابو که ایما وَ امتحان سَرفَراز اومِیمِه وَدَر، بلکم تا ایشا اوچیئی نَه که دِرِسِه بِکِنیت، هَرچَن وَ نظر بیا که ایما رِفوزَه وابیئیمِه. 8سییِکِه ایما نیتَریم هیچ کاری بَرخلافِ حقیقت کِنیم، بلکم هرچه ایکِنیم سی حقیقَتِه. 9سییِکِه هر وخت ایما ضعیفیم وِ ایشا قوی یِیت، باعثِ شاییمون ایابو، دِعِی ایما یِنِه که ایشا اَزنو بَنا وابِیت. 10سی هَمیو، مِنِه نَبییَنُم ای چییَلَه سیتون اینِویسُم تا وختی اومَم طِیتون، مجبور نَبوم وَ اقتدارِ خُوم بِی تندی استفایَه کِنُم، اقتداری که خداوند سی بَنا کِردَن وَم دایِه نَه سی خراب کِردَن.
آخِرِ سَر
11آخِرِ سَر، ای کَکایَل، شایی کِنیت؛ فِکرتون یِه بو که اَزنو قُویَت بِگِریت؛ یَکَه تشویق کِنیت؛ بِی یَک هُمنظر بِیت؛ مِنِه صلح وُ صفا زِندِیی کِنیت، وِ خِدِی محبت وُ صلحوُسلامتی بِی ایشا بو.
12وَ یَک بِی بوسِ مقدس سلام کِنیت. 13تَمومِ ایموندارَل، وَتون سلام ایرَسونِن.
14فیضِ خداوند عیسی مسیح، محبتِ خدا وِ رفاقتِ روحالقدس بِی تَمومِ ایشا بو.
Currently Selected:
نامۀ دِوُم وَ کِلیسِی قُرَنتُس 13: SLB
Highlight
Share
Compare
Copy
Want to have your highlights saved across all your devices? Sign up or sign in
@ 2024 Korpu Company
