نامۀ دِوُم وَ کِلیسِی قُرَنتُس 10
10
دفاع پولُس وَ خِذمَتِش
1مو، پولُس، خُوم بِی نَرمی وِ مِرَبونیِ مسیح وَتون تَمنا دارُم - مِنی که وختی باتون ریوَری ایابوم "کوچِکنظمُم"، امّا وختی که وَتون دیرُم باتون "تُندُم "! 2مِ وَتون التماس ایکِنُم تا وختی که طِیتونُم مجبور نَبوم باتون وَ تندی رفتار کِنُم هَموطو که مِ بِی اونگَلی که گَمون ایکِنِن ایما بِی فکرَلِ انسانی رفتار ایکِنیم، تُندی ایکِنُم. 3سییِکِه هَرچَن مِنِه جِسم زِندِیی ایکِنیم، امّا وَ طبقِ جسم نیجنگیم. 4سییِکِه سلاحِ جنگِ ایما نَه وَ جسمِه، بلکم قُویَتِ خدا نَه دارِه تا قلعَهیَلَه بِرُمبَنِه. 5ایما هر بحث وِ هر عقیدۀ گَپویی که وَ ضدِ شناختِ خدا راس وابو نابود ایکِنیم وِ هَر فِکری نَه وَ اطاعتِ وَ مسیح اسیر ایکِنیم. 6ایما آمادَه یِیم، که هر نااطاعتی نَه مجازات کِنیم، وَختی که اطاعتِ ایشا کامل وابی.
7سِیل کِنیت وِ بِوینیت چه وَرِ تییَتونِه. اَر کسی اِطمینون دارِه که این مسیح یَه، یِنَه بِیونِه که هَموطو که وِّ این مسیح یَه، ایما هَم هِسیم. 8سییِکِه شَرمُندَه نیابوم حتی اَر یِچِی بیشتَرَ قدِ اقتدارُم بِبالُم که خداوند وِه نَه سی بَنِی ایشا وَمون دایِه، نَه سی نابودیتون. 9مِ نیخوام ایطو وَ نظر بیا که ایخوام بِی نامهیَلُم زَلَتونَه بویَرُم، 10سییِکِه یِهپارهای ایگُن: «نامهیَلِش سخت وُ سنگینِه، امّا وَ ریوَری ضعیفِه وِ گَپ زَیَنِش هَم تعریفی نَیارِه.» 11بِل وِه که یِنَه ایگُ بِیونِه که هَمو چیئی که مِنِه نَبییَنُم مِنِه نامهیَلُم ایگُم، هَموِنَه موقِی اومَیَنُم، وَ کار ایبَرُم.
12نَه یِکِه ایما زَلَه ایکِنیم خِمونَه وَ دَسۀ کَسَلی بِیونیم که وَ خِشون تعریف ایکِنِن یا خِشونَه بِی یَک قیاس ایکِنِن. بَلکَم اونگَل سییِکِه خِشونَه بِی خِشون کِیل ایکِنِن وِ خِشونَه بِی خِشون قیاس ایکِنِن، احمَقِن. 13امّا ایما بیشتَرَ حَد نیبالیم، بلکم تِنا طبقِ او حدی که خدا سیمون نَهایِه، حتی ایشا هَم جُزِشیت. 14سییِکِه ایما پامونَه وَ حَدِ خِمون نَهاتَر نَنِهِیمِه، طوری که انگار وَتَه خِذمَتِتون نَکِردیمِه. سییِکِه ایما اَوَلین کَسَلی بیئیم که انجیلِ مسیحَ وَتون رَسُندیم. 15ایما وَ حَدِ خِمون نَهاتَر نیرِیم وُ وَ اوچیئی که بقیَه کِردِنِه نیبالیم، بَلکَم امیدِمون وَ یِنِه که بِی تَرقیِ ایمونِتون، حدِ خذمتِ ایما مابِینِتون مَهلی گَپوتَر وابو. 16تا بِتَریم انجیلَه مِنِه دیارَلِ دیرتَرَ ایشا اعلام کِنیم. سییِکِه نیخِیم وَ کاری بِبالیم که نَهاتَر مِنِه قَلمرو کسی دَ بییِه. 17بِل «هرکه ایبالِه، وَ خداوند بِبالِه.» 18سییِکِه وِه که وَ خُوش تعریف ایکِنِه قبول نیابو، بلکم وِه که خدا وَش تعریف کِنِه.
Currently Selected:
نامۀ دِوُم وَ کِلیسِی قُرَنتُس 10: SLB
Highlight
Share
Compare
Copy
Want to have your highlights saved across all your devices? Sign up or sign in
@ 2024 Korpu Company
