نامۀ اَوَل وَ تیموتائوس 3
3
ناظِرَل وِ شَماسَل
1ایابو وَ ای گَپ اِطمینون کِه: که اَر کسی مِنِه اُرزویِ کارِ نظارت بو، وَ دینِ کارِ خوبی یَه. 2پَ یِه ناظر بایِس مَزِمتی وَ ریش نَبو، میرِی یِه زن بو، هوشیار بو، خوددار بو، حُرمت داشتَه بو، خَشمِمون بو وِ بِتَرِه تعلیم بییِه؛ 3نَه عَرَقخَر، نَه زورگو، بَلکَم آروم؛ وِ نَه جَرجَرو، نَه پیلدوس. 4وِّ بایِس اَهلِاَیالِ خِشَه خوب ادارَه کِنِه وِ اولادَلِشَه طوری تربیت کِنِه که بِی احترامِ کامل وَش اطاعت کِنِن. 5سییِکِه اَر کسی نُونِسَه بو چطو اَهلِاَیالِ خِشَه ادارَه کِنِه، چطو ایتَرِه ویردارِ کِلیسِی خدا بو؟ 6وِّ نَبایِس نوایمون بو، نَکِنِه غُد وابو وِ مِی اِبلیس محکوم وابو. 7غیرَ یُو وِّ بایِس مابینِ مَردمونِ وَدَرَ کِلیسا هَم خُوشنوم بو، تا نَیُفتِه مِنِه رسوایی وِ تَلۀ اِبلیس.
8هَمیطو شَماسَل بایِس سنگین بون؛ دِ ری دِ رَنگ نَبون، مِنِه بَندِ شراب نَبون، سی سودِ نادِرُس حرص نَزَنِن. 9اونگَل بایِس سِرِّ ایمونَه بِی وجدانی پاک نِگَه کِنِن. 10وِ اینگَل بایِس اَوَل امتحان وابون؛ اوسِه اَر بیعیب بییِن، بِلیت مِنِه کارِ شَماسی خذمت کِنِن. 11هَمیطو، زَنَلِشون هَم بایِس سنگین بون، بُهتونزَن نَبون، بَلکَم هوشیار وِ مِنِه هَمَه چی وَفادار بون. 12هر کویَکی وَ شَماسَل بایِس میرِی یِه زن بو، وِ اولادَل وِ اَهلِاَیالِ خِشَه وَ خوبی ادارَه کِنِه. 13سییِکِه اونگَلی که مِنِه کارِ شَماسی وَ خوبی خذمت کِنِن، وَ مقامی بالا ایرَسِن وِ مِنِه ایمونی که مِنِه مسیح عیسی یَه، اِطمینونِ گَپویی وَ دَس ایارِن.
14اِمیدِ یِنَه دارُم که وَ هَمی زیئی بیام طِیت، امّا ای چییَلَه سیت اینِویسُم تا، 15اَر دیر کِردُم، بِیونی که مِنِه اَهلِاَیالِ خدا که کِلیسِی خِدِی زِندَه وِ ستونِ و پییِۀ حقیقَتِه، چطو بایِس رفتار کِه. 16وَ یقین که سِرِّ دینداری مَهلی گَپویَه:
وِّ که مِنِه جسم ظاهر وابی،
وَ واسطۀ روحِ خدا ثابت وابی،
فرشتهیَل وِّ نَه دییِن،
مِنِه ملَتَل اعلام وابی،
مِنِه دنیا وَش ایمون آوُردِن،
مِنِه جلال، بالا بُردَه وابی.
Currently Selected:
نامۀ اَوَل وَ تیموتائوس 3: SLB
Highlight
Share
Compare
Copy
Want to have your highlights saved across all your devices? Sign up or sign in
@ 2024 Korpu Company
