نامۀ اَوَل وَ تیموتائوس 2
2
سی همَه دِعا کِنیت
1پَ، نِهِی هرچی، سفارش ایکِنُم که دَرخواسَل، دِعایَل، شفاعَتَل وِ شکرگزارییَل سی تَموم مردم وَجا آوُردَه وابو، 2سی پادِشایَل وِ تَمومِ صاحب مَنصَبَل، تا بِتَریم زِندِیی آروم و راحتی داشتَه بِیم که وَ هر بابَت بابِدلِ خدا وِ بِی عزت بو. 3یِه مِنِه نظرِ نجات دهندَهمون خدا، خوب وِ بابِدلِه 4که ایخوا تَمومِ مردم نجات بِجورِن وِ بِرَسِن وَ شناختِ حقیقت. 5سییِکِه تِنا یِه خدا هِسی وِ بینِ خدا وِ آیَمَل یِه واسطَه هِسی، یعنی او انسان که مسیح عیسی یَه؛ 6که بِی دایَنِ جونِ خُوش، خینبَهِی آزادیِ تَمومِ آیَمَلَه دا، که ای شهادت مِنِه وَختِ دِرِسِش دایَه وابی، 7سی هَمیو مِ تعیین وابییُم تا واعظ وِ رسول وِ معلمِ غیرِیهودییَل مِنِه ایمون وِ حقیقت بوم، (مِ راس ایگُم وِ دِرو نیکِنُم).
8پَ اُرزوم یِنِه که مِردَل مِنِه همَه جا دعا کِنِن، وِ دَسَلِ مقدسَه بیخِشم وِ جَرِدعوا وَ بالا بِلَند کِنِن. 9هَمیطو هَم ایخوام زَنَل لِباسی آبرومند وَرِشون کِنِن وِ قَشَنگیشون وَ نجابت وِ متانَتِشون بو، نَه وَ پَلَلِ بافتَه، یا طلا وِ مُرواری، یا جومۀ قیمتی، 10بَلکَم وَ کارَلِ خوب بو، هَموطو که لایقِ زَنَلی یَه که اِدِعِی خداپَرستی ایکِنِن.
11زن بایِس بیصیا بو وِ بِی اطاعتِ کامل، تعلیم بِگِرِه. 12مِ وَ زن اجازَه نییُم که تعلیم بییِه یا وَ مِرد زور وابو؛ بَلکَم بایِس بیصیا بو. 13سییِکِه اَوَل آدَم آفَرییَه وابی، اوسِه حوا. 14وِ آدَم گول نَخَه، بَلکَم زن بی که گول خَه وِ نافِرمون وابی. 15امّا زَنَل بِی وَ دنیا آوُردَنِ اولادَل، نجات ایگِرِن، اَر مِنِه ایمون وِ محبت وِ مقدس بییَن، بِی نجابت وِیسِن.
Currently Selected:
نامۀ اَوَل وَ تیموتائوس 2: SLB
Highlight
Share
Compare
Copy
Want to have your highlights saved across all your devices? Sign up or sign in
@ 2024 Korpu Company
