نامۀ اَوَلِ پِطرُس 4
4
مباشِرَلِ فیضِ خدا
1پَ وَ وُچِه که مسیح مِنِه جسم عذاب کَشی، ایشا هَم بِی هَمی طرزِ فکر آمایَه بِیت، سییِکِه او کسی که مِنِه جسم عذاب کَشییِه، دَ بِی گِنا کاری نَیارِه. 2وِ باقیِ عمرَ مِنِه جسم، نَه سی هوَسَلِ بشری، بَلکَم سی خواسِ خدا زِندِیی ایکِنِه. 3سییِکِه ایشا نَهاتَر وَ حَدِ کافی عُمرِتونَه نِهِیتِه سی کارَلی که خدانَشناسَل ایکِنِن، وِ روزِگارَ وَ بیعفتی، هوَسَل، مَهسی، هَرزهای، عیشِنوش وِ بتپرستییَلِ زشت سَر کِردیتِه. 4موقِی که ایشا مِنِه ای هَرزهایِ بیحَدِحساب باشون شریک نیابِیت، حِیرونِن وُ وَتون دِشمون اییِن. 5امّا وَ وِّ که آمادَه یَه تا وَ زِندِهیَل وِ مُردِهیَل داوری کِنِه، حساب پَس اییِن. 6سی هَمیِنِه که حتی وَ اونگَل که مُردِنِه، انجیل موعظَه وابی تا هَرچَن مِنِه جسم مِی مردم داوری وابییِن، امّا مِنِه روح وَ طریقی که خدا ایخوا زِندِیی کِنِن.
7آخِرِ هَمَه چی نِزِنگِه؛ پَ خوددار وُ وَ خاطرِ دعایَلِتون وَ هوش بِیت. 8مهمتَر وَ هَمَه، یَکَه بِی دلوُجون دوس داشتَه بِیت، سییِکِه دوس داشتَن، گِنایَلِ زیادَ ایپوشَنِه. 9یَکَه بیغُرَغُر مِمون کِنیت. 10وَ عنوانِ مباشِرَلِ خوب که فیضِ جورواجور خدا نَه جُسیتِه بِی هر عطایی که داریت یَکَه خذمت کِنیت. 11هَر کسی گَپ ایزَنِه، مِی خدا گَپ بِزَنِه؛ وِ هَر کسی خذمت ایکِنِه، بِی قدرتی که خدا ایبَخشِه خذمت کِنِه، تا مِنِه هَمَه چی، خدا وَ واسطۀ عیسی مسیح جلال بِجورِه. جلال وِ سلطنت تا ابدالآباد وَ وِّ بو. آمین.
عذاب کَشییَن وَ خاطرِ ایمون وَ مسیح
12ای عزیزَل، وَ ای تَشی که سی امتحانِ ایشا اُفتایِه مِنِتون، حیرَتزَیَه نَبِیت، که اِنگار چی عجیبی اومَیِه وَ سَرِتون. 13بَلکَم شای بِیت وَ یِکِه مِنِه عذابَلِ مسیح شریک وابیئیتِه، تا وَختی که جلالِ وِّ دیار ایابو، ایشا هَم شایی کِنیت وِ خوشحال بِیت. 14اَر وَ خاطرِ نومِ مسیح وَتون دِشمون بییِن، خَش وَ حالِتون، سییِکِه روحِ جلال، روحِ خدا مِنِه ایشا قرار ایگِرِه. 15امّا اَر یکی وَ ایشا عذاب ایکَشِه، نَکِنِه وَ نومِ قاتل، دُز، شرور یا فضول بو. 16وا ای حال اَر وَ نومِ یِه مسیحی عذاب ایکَشِه، خجالت نَکَشِه، بَلکَم مِنِه او نوم، خدا نَه جلال بییِه. 17سییِکِه زَمونِ وِه رَسییِه که داوری وَ حونۀ خدا شروع وابو؛ وِ اَر بِی ایما شروع ایابو، عاقبتِ اونگَل که وَ انجیلِ خدا اطاعت نیکِنِن، چه ایابو؟ 18وِ
«اَر آیَمِ صالح وَ سَختی نجات بِگِرِه،
خدانَشناسَل وِ گِناکارَل چه وَ سَرِشون ایا؟»
19پَ کَسَلی که وَ خواسِ خدا عذاب ایکَشِن، بایِس که جونِ خِشونَه بییِن وَ دَسِ "خالقِ وفادار" وُ وَ کارَلِ خوب ادامَه بییِن.
Currently Selected:
نامۀ اَوَلِ پِطرُس 4: SLB
Highlight
Share
Compare
Copy
Want to have your highlights saved across all your devices? Sign up or sign in
@ 2024 Korpu Company
