نامۀ اَوَلِ یوحنا 1
1
کلمۀ حیات
1اوچیئی که وَ اَزَل بی، اوچیئی که اِشنُفتیمِه وِ بِی تییَلِ خِمون دیمونِه، اوچیئی که سِیلَش کِردیم وِ بِی دَسَلِ خِمون دَسَش زِیم، دَرموردِ کلمۀ حیاتِه. 2ای حیات آشکار وابی؛ وِ ایما وِه نَه دیمونِه وِ وَش شهادت ایئیم وِ ایما حیاتِ ابدی نَه وَتون اعلام ایکِنیم، که بِی بُو بی وُ وَمون آشکار وابی. 3ایما اوچیئی نَه که دیمونِه وِ اِشنُفتیمِه، وَ ایشا هَم اعلام ایکِنیم تا ایشا هَم بامون رفاقَت داشتَه بِیت؛ وِ امّا رفیقیِ ایما بِی بُو وِ بِی کِرِش عیسی مسیح یَه. 4وِ ایما یِنَه سیتون اینِویسیم تا شاییمون کامل وابو.
قَیَم وَگِرُتَن مِنِه نور
5یِنِه پِیومی که وَش اِشنُفتیمِه وُ وَتون اعلام ایکِنیم: خدا نورِه وِ هیچ تاریکی مِنِش نی. 6اَر بِگِیم باش رفاقَت داریم، در حالی که مِنِه تاریکی قَیَم اییَگِریم، دِرو ایکِنیم وُ وَ راسی عمل نیکِنیم. 7امّا اَر مِنِه نور قَیَم اییَگِریم، طوری که وِّ مِنِه نورِه، بِی یَک رفاقَت داریم وِ خینِ کِرِش عیسی، ایما نَه وَ تمومِ گِنایَل پاک ایکِنِه.
8اَر بِگِیم هیچ گِنایی نَیاریم، خِمونَه گول زِیمِه وِ حقیقت مِنِه ایما نی. 9اَر وَ گِنایَلِ خِمون اعتراف کِنیم، وِّ اَمین وِ عادلِه، تا گِنایَل ایما نَه بیامُرزِه وُ وَ هر نادِرِسی پاکِمون کِنِه. 10اَر بِگِیم گِنایی نَکِردیمِه، وِّ نَه دِروکُن نِشون ایئیم وِ کلامِش جِیئی مِنِه ایما نَیارِه.
Currently Selected:
نامۀ اَوَلِ یوحنا 1: SLB
Highlight
Share
Compare
Copy
Want to have your highlights saved across all your devices? Sign up or sign in
@ 2024 Korpu Company
