وَحی 17
17
فاحشَه گات و جونوَر وحشی
1مِ موکَوا یکی از مِ هفتا فرشتَهوا که هفتا کَسات شُهاد، اُمَ و شُ ما گُت: «بِدا، محاکمَه مِ فاحشَه گاتا که لِی هاوِی زیاد شَستِه، تُنُشو اَتام. 2مِکِه پادشاهِی زِمی خاد آنا بیعفتی شُکِردِ و آنایایی که لِی زِمی زندگی اَکنِت از شراب بیعفتِنِ آنا مَست بُستِت.»
3مِ فرشتَهوا اُ ما تِی روح خدا شُ یَک بیابو بو. و ما یَک زِنی اُمدی که سُوار یَک جونوَر وحشِنِ سرخی که جونُش پُر از اسمِی کفرآمیز هاد، و هفتا سِرَ و ده تا شاخ اُشهاد. 4زِنِ جُمَهِ بِنَوُش و سرخ شُبار هاد و خاد طِلا و جواهریا و مرواریدیا جوهو بُستاد. یَک پیالَه طِلا پُر از زشتِنیا و ناپاکِنِی بیعفتیش شُ تِک دست هاد. 5لِی پِشانیش اِ اسم مَرموزا نوشتَه بُستاد: «بابِل گات، نَنَهِ فاحشَهیّا و زشتِنیَی زِمی.» 6ما اُمدی که مِ زِنا از خون مکدّسیا و از خون کسِی که وَخاطر عیسی شهید بُستِت مَستِه.
وَختی اُ زِنِ اُمدی بُری حیرون بُدام. 7ولی فرشتَه شُ ما گُت: «اَسِی چه حیرون بُستِش؟ ما سِرر مِ زِنا و سِرر مِ جونوَر وحشِنا که هفتا سِرَ و ده تا شاخ اُشَه و زِنِ شُ لو سُواره، اُ تا اَگام. 8مِ جونوَر وحشِنا که اُتدی، زَمونی هاد، آلَه نی، و هَمِ زودنیا از چاه هاویَه در اَدا و اُ طرف هلاکَت اَچِه. آنایاکِه لِی زِمی زندگی اَکنِت که اسمشو از شروع دنیا تِک دفتر زندگی نوشتَه نِبُدِ، از دِدَ مِ جونوَر وحشِنا حیرون اَبِت، اَسِی که آنا یَک زَمونی هاد، آلَه نی و اَدا.
9«اِ یَک عَکل با حکمت شَئِه. مِ هفتا سِرَ وا، هفتا کاوِت که مِ زِنا لِی آنایا شَستِه. 10هَمینا هم آنایا هفتا پادشاه هِت، که پنجتاشو از بین چِستِت، یکیشو هَه و یِکِیدوشو هَنو نِندِ؛ وَختی بیاد، باید وامانِه ولی فَکَط اَسِی یَک زَمون کامی. 11مِ جونوَر وحشِنا که یَک زَمونی هاد و آلَه نی، پادشاه هَشتُمِه. ولی مال مِ هَفتائِه و اُ طرف هلاکَت اَچِه.
12«مِ ده تا شاخی که اُتدی، ده تا پادشاه هِت که هَنو اُ کُدرت پادشاهی نِرَسِدِستِت، ولی آنایا باید اَسِی یَک ساعت اُمرَهِ مِ جونوَر وحشِنا وَ عنوان پادشاه اِکتدار بِگِرِت. 13اِیا هَمفکر هِت و کُوّت و اِکتدارشو اُ مِ جونوَر وحشِنا اَتِت. 14آنایا خاد مِ بَرَّهوا جنگ اَکنِت، و مِ بَرَّهوا اُ آنایا پیروز اَبِه، اَسِی که آنا خداوند خداوندیائِه و شاه شاهیائِه و کسِی که خاد آنا هِت، دعوت بُدَیّا، انتخاب بُدَیّا و وفاداریا هِت.»
15مِ فرشتَهوا شُ ما گُت: «مِ هاویائا که اُتدی، مِ جَی که فاحشَه اُدا، کومیا، جماعتیا، ملتیا و زابُنیا هِت. 16مِ ده تا شاخی که اُتدی، و مِ جونوَر وحشِنا از مِ فاحشَهوا بیزار اَبِت. آنایا اُ مِ فاحشَهوا، وِل بُدَ و لُخت و پَتی شَکنِت و گِشتُش اَخرِت و تِی تَش شَسُخِنِت. 17اَسِی که خدا اِئا شُ تِک دل آنایا نَدِ که هدفُش اُ اَنجوم بِرَسِنِت و هَمفکر بِبِت و کُدرت پادشاهیشو اُ مِ جونوَر وحشِنا هاتِت تا مِ موکَوا که کلوم خدا اُ اَنجوم بِرَسِه. 18مِ زنا که اُتدی، مِ شهر گاتائِه که اُ پادشاهِی زِمی حُکمرانی اَکو.»
Currently Selected:
وَحی 17: LAB
Highlight
Copy
Compare
Share
Want to have your highlights saved across all your devices? Sign up or sign in
@ 2024 Korpu Company
