نامَه اوّل یوحَنا 1
1
کلمَه زندگی
1دربارَهِ کلمَه زندگی. مِ کلمَهوا که از اوّل هاد، مِ کلمَهوا که مُشُنُفتِ و وَ چَشیامو مُدِدِ، مِ کلمَهوا که چَش مُن آنا کِه و وَ دستیامو لَمس مُکِردِ.
2زندگی ظاهر بو؛ اَما اُ آنا مُدِدِ و اُ آنا شهادت اَتِم. و زندگِنِ اَبَدِنا اُ شما اعلام اَکنِم، مِ زندگِنِ اَبَدِنی که خاد بای آسِمونی هاد و اُ اَما ظاهر بو. 3مِ کلمَهوا که مُدِدِ و مُشُنُفتِ، و اُ شما هم اعلام اَکنِم تا شما هم خاد اَما رفاکَت تُبِه؛ حکیکتاً که رفاکَت اَما خاد با و خاد پُسُش عیسی مسیحِه. 4اِ چِییَهوا اَسِی شما اَنِوِسِم تَ خارامیمو کامل بِبِه.
زندگی کِردَ تِی نور
5اِئِه پیغومی که از آنا مُشُنُفتِ و اُ شما اعلام اَکنِم که: خدا نورِه و اصلاً هیچ تاریکِنی تِی آنا نی. 6اَگَه بِگائِم خاد آنا رفاکَت مُهَه، در حالی که تِی تاریکی رَه اَچِم، دارُو اَگائِم و اُ حکیکت عمل ناکنِم. 7ولی اَگَه تِی نور رَه اُچِم، هَموناکِه آنا تِی نورِه، اُمرَییَه رفاکَت مُهَه و خون پُسُش عیسی، اُ اَما از هر گناهی پاک اَدَکو.
8اَگَه بِگائِم گناهی مُنی، اُ خومو گول زَتائِم و حکیکت تِی اَما نی. 9اَگَه اُ گناهیامو اعتراف بِکنِم، آنا اَمین و عادلِه تا گناهیامو بِبَخشِه و از هر نِ وَلمِنی پاک مُناکو. 10اَگَه بِگائِم گناه مُنِکِردِ، اُ آنا دروغگو اَکنِم و کلومُش تِی اَما نی.
Currently Selected:
نامَه اوّل یوحَنا 1: LAB
Highlight
Copy
Compare
Share
Want to have your highlights saved across all your devices? Sign up or sign in
@ 2024 Korpu Company
