نُومَه وِ کلیسای روم 12
12
قُرُونی زِنَه
1پس بِرارُو، وِ سُنَه رَحمَتیا خدا، دِتُو تمنا میکِم کِه بدنیا خُوتُو نِه چی قُرُونی زِنَه، مقدس وَ باوِدلِ خدا تقدیم بَکیت کِه عبادتِ روحانی شِما هِه یِنَهآ. 2هُمشکلِ ایی دنیا نوئیت، بلکِم وا تازَهبییِهنِ فکرِتُو عِوَض بایت، اوسِه تُونیت اِرادَه خدا نِه بَفَمیت، اِرادَه خو، باوِدل وَ کاملِ خدا نِه.
3سی یَکِه وِ سُنَه فیضی کِه نِصیوِم بییَه وِ هَر کُوم دِ شِما مُوئِم کِه خُوتُو نِه بیشتِر دِ او چیئی کِه هیسیت وِ حِسُو نیاریت، بلکِم هَر کُوم وِ قَدِ ایمُونی کِه خدا وِتُو دِئَه، دُرِس قضاوت بَکیت. 4سی یَکِه هِه چِنُو کِه اِیما دِ یِه بدن عُضویا زیادی داریم، وَ گِردِ ایی عُضویا کارشُو چی یَک نی، 5پس اِیما، وا یَکه زیادیم، دِ مسیح یِه بَدنیم، وَ هَر کُومِمُو تَک وِ تَک عُضویا یَکتِری هیسیم. 6پس دِ اوچِه کِه وِ طبقِ فیضی کِه وِمُو بَخشِسَه، عطایا جورواجوری داریم، بیایت وِنُو نِه وِ کار بِئیریم: اَر نبوت اَ، وِ قدِ ایمُونِمُو؛ 7اَر خدمت اَ، دِ خدمت کِردِهنِمُو؛ کسی کِه تعلیم مِیئَه، دِ تعلیم دِئِهنِش؛ 8کسی کِه تشویق میکَه، دِ تشویق کِردِهنِش؛ کسی کِه کمک میکَه، وا دَسِدِلوازی کمک بَکَه؛ کسی کِه رهبری میکَه، ایی کارِ نِه وا غیرت اَنجُوم بِئَه؛ کسی کِه رَحم وَ مِرَبُونی وِ مردِم میکَه، وَه نِه وا شایی بَکَه.
نِشُونَهیا مسیحی حقیقی
9محبت بایِس خالص با. دِ گَنی بَیئِتُو بیا؛ وِ او چیئی کِه خو اَ، قُرص بَچَسبیت. 10یَکتِری نِه هِه چی بِرار دوس داشتوئیت. دِ قُرپنِئایِه وِ یَکتِری دَسِ پیش بِئیریت. 11دِ غیرَتِتُو سی خدا سِلپِسِر نوئیت، دِ روح چی تَش اَلُو بِئیریت، خداوندِ نِه خدمت بَکیت. 12دِ اُمید شای بایت، دِ چَمَریا صُور داشتوئیت، دِ دعاکِردِه سِمِر بایت. 13دِ وِرداشتِهنِ هُوجَه ایمُوداریا وِ مسیح هُمبَر بایت وَ مِمُودوس بایت.
14برکت بِئیت وِ وِنُو کِه شِما نِه میچِزنَن؛ برکت بِئیت وَ وِنُو نِه نُفری نَکیت. 15وا وِنُونی کِه شایی میکَن شایی بَکیت، وا وِنُونی کِه میگِریوَن بَگِریویت. 16وا یَکتِری مدارا بَکیت. غورت نوئیت، وا آیِمیا ضعیف آمَدوُشُد بَکیت. هرگز خُوتُو نِه دُونا نِئینیت.
17وِ هیشکَه دِ جالِ گَنی، گَنی نَکیت، بَلکِم کاری نِه بَکیت که دِ چَشِ همَه قُرپ دارَه. 18اَر موئَه، تا اوچِه کِه وِ شِما مربوط اَ، وا همَه دِ صُولوُصفا زِنِهئی بَکیت. 19رولَهیا، هرگز خُوتُو تَقاص نِئیریت، بَلکِم وَه نِه واگذار بَکیت وِ غَضُوِ خدا، سی یَکِه دِ کِتُوِ تورات نیسَنَه بییَه کِه «خداوند مُوئَه:"تَقاص هینِ مِهنَه، مِهنِم کِه سِزا مِیئِم."» 20چُوارشَه، « اَر دُشمِهنِت گُسنَهآ، وِش خوراک بِه، اَر تِشنَهآ، چیئی بِه وِش تا وِراشِنَه؛ سی یَکِه وا ایی چِنُو دِ ری مُوریش کِه مَری بِلیزیا تَشِه کو میکی وِ ری سَرِش.» 21گَنی وِت غالُو نوئَه، بَلکِم وا خوئی وِ گَنی غالُو بو.
Currently Selected:
نُومَه وِ کلیسای روم 12: NLB
Highlight
Copy
Compare
Share
Want to have your highlights saved across all your devices? Sign up or sign in
@ 2024 Korpu Company