نؤمه رومیان ئبه 3
3
خُدا وفاداره
1پس یهودی بؤن فایده چیسه؟ یا ختنه بؤن چی ارزشی دانه؟ 2خیلی، هر نظر اجی. اول ای کی خُدا کلوم یهودئنه امانت بسپارده بوبو.
3اگه بعضی از ایشون وفادار نوبوبی، چی بونابو؟ مگه اوشونِ وفادار نوبون، خُدا وفادارئه باطیلَ کونه؟ 4هرگی! حتّی اگه تموم آدمون دوروغگو ببون، خُدا راستگو ایسه! هوطو کی داوود مزمور مئن بنویشته هننا:
«این واسی، وقتی کی گب زئنی، راست گونی،
و او زمت کی داوری کونی، تی داوری درسته.»
5ولی اگه امئه ناراستی خُدا راستئه آشکارَ کونه، چی خان گوتن؟ مگه خُدا او موقع کی امئه سر غضب کونه ظالیمه؟ آدم مورسون گب زِئدرم. 6هرگیز! چون او موقع خُدا چطو تینس دُنیا داوری بوکونه؟ 7ولی اگه بواسیطه می دروغ، خدا حقیقت ویشتر جلال گینه، ده مو چره یکته گُناکار مورسون محکوما بنم؟» 8و چره نوگویم کی: «باین بَدی بوکونیم تا خوبی به دست بَا»؟ هوطوکی بعضیئن امره ایفترا بزئن و ایدعا کونن کی ایطو گوته دریم؟ ایشونِ محکوما بؤن عادلونه ایسه.
هیکّس صالح نئه
9پس چی هخان گوتن؟مگر امه یهودئن وضع، غیریهودئن اجی بهتره؟ نه هرگیز! چونکی پیشتر ادعا بودیم که همه، یهود و غیریهود، هر دوته گناه بار جیر ایسان. 10هوطوکی مقّدس کتاب مئن بنویشته بوبو:
«هیکّس صالح نئه، حتی یگ نفر.
11هیّکس فهمیده نئه،
هیکّس خُدا وامتن دومبال دننئه.
12همه ته خدا جی رو وگردونئن،
اوشون همدیگر هما باطیل راه مئن بوشون.
هیکس خوبی نوکونه،
حتی یگ نفر.»
13«اوشونِ گولی یکته بازِ قبرَ مونه
خوشونِ زبونه گول زئن ئبه کاراگینن.»
«افعی زَهر، ایشونِ لبونِ جیر هننا؛»
14«ایشونِ دهن زَرخی و نیفرین اجی پُره.»
15«ایشونِ لنگون خون فودن ئبه تاتادی کونه؛
16هرجا کی شنن، ویرونی و بدبختی بجا نئنن،
17و اوشون سلامتی و صلح راه نشناسنن.»
18«اوشونِ چوشمونه خُدا ترس دننئه.»
19ایسه دونیم او چی کی شریعت گونه، اوشونِ شی ایسه کی شریعت جیر ایسان تا هر دهنی دبسته ببون و تموم دُنیا، خُدا محضر مئن جواب پس بدئن. 20چونکی هیچ آدمی نیسا کی شریعت اعمال انجوم دئن اجی، خُدا دید مئن صالح ببون، چونکی شریعت، گُنا امره نشون دئنه.
خدا صالحی، ایمون راه جی
21اما ایسه جوز شریعت، او صالحی کی خُدا جی ایسه آشکارَ بو، هوطوکی شریعت و پیغمبرون اونِ به گوائی دئنن. 22اَ صالحی کی خُدا جی ایسه، ایمون دَاشتن به عیسی مسیحِ راه جی ایسه، تموم اوشون ئبه نصیب بنه کی ایمون ابئنن. چون هیچ فرقی ننأ. 23چون همه گناه بودن و خدا جلال جلو کم ابئنن. 24و خدا فیض همره که یکته پیشکشه مونه و بواسطه او آزادی بها کی مسیح عیسی مئن دره، صالح به حیساب هنن. 25خُدا عیسی مسیحه، گنائانِ کَفاره مورسون قرار بدا، او کَفاره ای کی اونِ خونِ همرا و ایمون راه جی بدست انه. او ای کارَ این واسی انجوم بدا کی خوشه عیدالتِ نوشون بدئه، چونکی او خوشه صبر الهی همرا، او گنائانیَ کی پیشتر ایتفاق دکته بو، ندئه بُو بیته. 26او ای کارَ بوده تا خو عیدالتَ ای دوره زمونه مئن نوشؤن بدئه، تا خودش عادیل ببون و تموم اوشونیَم کی عیسیَ ایمون دانن، صالح بحیساب بأن.
27پس ده امئه ایفتخار گودن چیسه؟ اونِ به جایی نَنا! بر اساس چی؟ بر اساس شریعتِ اعمال؟ البته کی نه، بلکی بر اساس ایمون شریعت. 28چونکی اَمه اعتقاد دانیم کی آدم بدون ای کی شریعت اعماله انجوم بدئه، ایمون همأ صالح به حساب هنه. 29مگه خُدا هچی یهودیئنِ خُدا ایسه؟ مگه غیر یهودئنِ خُدا نئه؟ البته کی او، غیر یهودئنِ خُدائم ایسه. 30چونکی هچی یکته خُدا ایسا، و او خُدا ختنه بوبورونه بر طبق ایمون و ختنه نوبورونم بر طبق هو ایمون، صالح به حیساب ابئنه. 31پس اَمه ای ایمون هما شریعتَ از بین بئنیم؟ البته که نه! بر عکس، امه شریعته پابرجا کونیم.
Currently Selected:
نؤمه رومیان ئبه 3: EGB
Highlight
Share
Copy
Want to have your highlights saved across all your devices? Sign up or sign in
@ 2024 Korpu Company
