Popular Bible Verses from نؤمه رومیان ئبه 3

Share

چون همه گناه بودن و خدا جلال جلو کم ابئنن. و خدا فیض همره که یکته پیشکشه مونه و بواسطه او آزادی بها کی مسیح عیسی مئن دره، صالح به حیساب هنن.

اَ صالحی کی خُدا جی ایسه، ایمون دَاشتن به عیسی مسیحِ راه جی ایسه، تموم اوشون ئبه نصیب بنه کی ایمون ابئنن. چون هیچ فرقی ننأ.

خُدا عیسی مسیحه، گنائانِ کَفاره مورسون قرار بدا، او کَفاره ای کی اونِ خونِ همرا و ایمون راه جی بدست انه. او ای کارَ این واسی انجوم بدا کی خوشه عیدالتِ نوشون بدئه، چونکی او خوشه صبر الهی همرا، او گنائانیَ کی پیشتر ایتفاق دکته بو، ندئه بُو بیته. او ای کارَ بوده تا خو عیدالتَ ای دوره زمونه مئن نوشؤن بدئه، تا خودش عادیل ببون و تموم اوشونیَم کی عیسیَ ایمون دانن، صالح بحیساب بأن.

چونکی هیچ آدمی نیسا کی شریعت اعمال انجوم دئن اجی، خُدا دید مئن صالح ببون، چونکی شریعت، گُنا امره نشون دئنه.

هوطوکی مقّدس کتاب مئن بنویشته بوبو: «هیکّس صالح نئه، حتی یگ نفر. هیّکس فهمیده نئه، هیکّس خُدا وامتن دومبال دننئه. همه ته خدا جی رو وگردونئن، اوشون همدیگر هما باطیل راه مئن بوشون. هیکس خوبی نوکونه، حتی یگ نفر.»

چونکی اَمه اعتقاد دانیم کی آدم بدون ای کی شریعت اعماله انجوم بدئه، ایمون همأ صالح به حساب هنه.

هرگی! حتّی اگه تموم آدمون دوروغگو ببون، خُدا راستگو ایسه! هوطو کی داوود مزمور مئن بنویشته هننا: «این واسی، وقتی کی گب زئنی، راست گونی، و او زمت کی داوری کونی، تی داوری درسته.»