یوشَع 7
7
آکانین گوناه و جزاسی
1آمّا ائسرایئل اؤولادلاری حارام شیلر بارهده خیانت اتدئلر. چونکی یهودا قبئلهسئندن زِراخ اوغلو زَبدی اوغلو کَرمی اوغلو آکان حارام اولونموش شیلردن گؤتوردو. اونا گؤره ده ربّئن قضبی ائسرایئل اؤولادلارینین ضئدّئنه آلوولاندی.
2یوشَع اَرئحادان بِیتآوِنئن یانیندا اولان عای شهرئنه کی، بِیت ائلئن شرقئنده ائدی، آداملار گؤندَرئب اونلارا ددی: «گدئن، اؤلکهنی گؤزدن کچئردئن.» آداملار چیخیب عای شهرئنی گؤزدن کچئرتدئلر. 3اونلار یوشَعئن یانینا قاییدیب ددئلر: «بوتون خالق گتمهسئن، عایی وورماق اوچون آنجاق ائکی یا دا اوچ مئن نفر آداما احتیاج وار؛ بوتون خالقی اورایا گؤندَرئب یورما، چونکی اونلار آزدیرلار.» 4بلهجه، اورایا خالقدان اوچ مئن نفره قدر گتدئلر، لاکئن اونلار عای ساکئنلرئنئن قاباغیندان قاچدیلار. 5عایلیلار اونلاردان اوتوز آلتی نفر اؤلدوردولر و ائسرایئللیلری شهرئن دروازاسی قاباغیندان شِبارئمه قدر قوودولار و باییردان آشاغی قاچانلاری قیردیلار. اونا گؤره خالقین اورهیی قورخودان اَرئیئب سو کئمی اولدو.
6یوشَع پالتارینی جیردی، اؤزو و ائسرایئلئن آغساقّاللاری ربّئن ساندیغی قاباغیندا اوزو اوسته آخشاما کئمی یره سَرئردئلر؛ و باشلارینا تورپاق تؤکدولر. 7یوشَع ددی: «آه، ای پروردئگار رب، آیا بئزی اِمورلولارا تسلئم اتمک اوچون، بئزی محو اتمک اوچوندور کی، بو خالقی اوردون چاییندان کچئرتدئن؟ کاشکی اوردون چایینین او تاییندا یاشاماغا راضی اولایدیق. 8ای پروردئگار، ائسرایئللیلر دوشمنلرئنه آرخا چِوئردئکدن سونرا، من نه دئیه بئلهرم؟ 9کَنَعانلیلار و بو اؤلکهده یاشایان بوتون خالقلار بونو اشئدهجکلر، بئزی موحاصئرهیه آلیب، آدیمیزی یر اوزوندن سئلهجکلر. بس سن اؤز بؤیوک آدین اوچون نه ادهجکسن؟»
10رب یوشَعه ددی: «قالخ، نه اوچون بله اوزو اوسته ییخیلیبسان؟ 11ائسرایئللیلر گوناه ادئبلر و اونلارا امر اتدئیئم عهدئمی پوزوبلار. حتّا حارام اولونموش شیلردن گؤتوروبلر، اونلاردان هم اوغورلاییب هم ده مَکر ادئبلر. بوندان علاوه اونلاری اؤز اشیالاری آراسیندا گئزلهدئبلر. 12بونا گؤره ده ائسرایئل اؤولادلاری دوشمن قاباغیندا دورا بئلمئرلر؛ دوشمنه آرخا چِوئرئرلر. چونکی اونلار لعنته دوچار اولوبلار. اگر حارام شیلری آرانیزدان یوخ اتمیهسئنئز، بئر داها سئزئنله اولمایاجاغام. 13قالخ! خالقی تقدئس ات و دِه: ”صاباحکی گون اوچون اؤزونوزو تقدئس ادئن، چونکی ائسرایئلئن تاریسی رب بله دیئر: ای ائسرایئللیلر، آرانیزدا حارام شی وار. اونو آرانیزدان گؤتورمیهسئنئز، دوشمنلرئنئز قاباغیندا دورا بئلمزسئنئز. 14صاباح سحر قبئلهبهقبئله ربّئن حوضورونا چیخارسینیز و اونون پوشکله سچدئیی قبئله نسئلبهنسئل ائرهلی گلر. ربّئن سچدئیی نسئل، عایئلهبهعایئله ائرهلی چیخار. و ربّئن گؤرستدئیی عایئله کئشیبهکئشی قاباغا گلر. 15حارام اولونموش شیلردن گؤتورن آدام و اونا عایید اولانلارین هامیسی اوددا یاندیریلاجاق، چونکی او، ربّئن عهدئنی پوزوب و ائسرایئلده روسوایچیلیق ادئبدئر.“»
16یوشَع سحر تزدن قالخدی و ائسرایئللیلری، قبئلهبهقبئله ربّئن حوضورونا گتئردی و یهودا قبئلهسی گؤتورولدو. 17یهودا قبئلهسئنئن نسئللرئنی ائرهلی چیخارتدی و زِراخ نسلئنی گؤتوردو؛ زِراخ نسلئنی عایئلهبهعایئله ائرهلی چیخارتدی و زَبدی عایئلهسی گؤتورولدو. 18زَبدی عایئلهسئنی کئشیبهکئشی ائرهلی چیخارتدی؛ زِراخ اوغلو، زَبدی اوغلو، کَرمی اوغلو آکان کی، یهودا قبئلهسئندن ائدی، گؤتورولدو. 19یوشَع آکانا ددی: «اوغلوم، سنه یالواریرام، ائسرایئلئن تاریسی ربّی عئزّتلَندئر#7.19 بو سؤزدن بئرئنه آند ائچئرتمک اوچون ائستئفاده اولونوردو.، و اونو حمد ات؛ ائندی منه دِه گؤروم نه ادئبسن؟ مندن گئزلَتمه.» 20آکان یوشَعه جاواب وردی: «حقئقتن، من ائسرایئلئن تاریسی ربّئن ضئدّئنه گوناه اتمئشم. اتدئیئم بودور: 21او زامان کی، تالان مالی آراسیندا شئنعار مالی اولان گؤزل بئر پالتار، ائکی یوز شِکِل#7.21 تقرئبن ۳/۲ کئلو گوموش، و آغیرلیغی اَلّی شِکِل#7.21 تقرئبن ۵۷۵ گرم اولان بئر قیزیل تئکهسی گؤردوم، اونلارا طاماح سالیب گؤتوردوم. باخ، هامیسی چادیریمین اورتاسیندا تورپاغا باسدیریلیب، گوموش ده اونلارین آلتیندادیر.»
22یوشَع آداملار گؤندَردی و اونلار چادیرا قاچدیلار. باخ، شیلر اونون چادیریندا گئزلَدئلمئشدی، گوموش ده آلتیندا ائدی. 23اونلاری چادیرین ائچئندن گؤتوروب یوشَعئن و بوتون ائسرایئل اؤولادلارینین یانینا گتئردئلر و ربّئن قاباغیندا یره قویدولار. 24یوشَع و اونونلا بئرلئکده بوتون ائسرایئللیلر، زِراخ اوغلو آکانی، گوموشو، پالتاری، قیزیل تئکهنی، اوغوللارینی، قیزلارینی، اؤکوزلرئنی، اِششَکلرئنی، قویونلارینی، چادیرینی و بوتون مالینی گؤتوروب، آکور درهسئنه چیخارتدیلار. 25یوشَع ددی: «نه اوچون بئزی بلایا سالدین؟ رب بو گون سنی بلایا سالاجاق.» بوتون ائسرایئللیلر اونلاری داشا باسدیلار؛ سونرا دا اوددا یاندیردیلار. 26اونلارین اوستونه بؤیوک داش قالاغی ییغدیلار کی، بو گونه قدر دورور. بوندان سونرا ربّئن قضب آلووو سؤندو. بونون اوچون بو گونه قدر او یرئن آدینا آکور #7.26 عئبرانی دئلئنده یعنی «بلا»درهسی دیئلئر.
Currently Selected:
یوشَع 7: SAB
Highlight
Copy
Compare
Share
Want to have your highlights saved across all your devices? Sign up or sign in
@ 2022 Korpu Company
