تثنئیه 2
2
ائسرایئل خالقینین صحرادا دولاندیغی ائللر
1ربّئن منه امر اتدئیی کئمی قاییدیب، قیرمیزی دهنز یولو ائله صحرایا کؤچدوک. چوخ گونلر سِعئر داغینی گَزئب دولاندیق. 2رب منئمله بله دانیشیب، ددی: 3بَسدئر بو قدر بو داغی گَزئب دولانماغینیز. ائندی شئمالا طرف دؤنون. 4خالقا بله امر ات: عئسو اؤولادلارینین تورپاغیندان کی، سِعئرهده یاشایان قوحوملارینیزدیر، کچهجکسئنئز. اونلار سئزدن قورخاجاقلار، بونا گؤره چوخ دئقّتلی اولون. 5اونلارلا موناقئشه یاراتمایین، چونکی تورپاقلاریندان بئر قاریش دا سئزه ورمهیهجیم. چونکی من سِعئر داغینی عئسونون نسلئنه ورمئشم کی، اونلارا مولک اولسون. 6اونلاردان یِمهیی ده، سویو دا پوللا آلین، قوی یِیئب-ائچمهیئنئز بله اولسون.
7چونکی تارینیز رب اَلئنئزده اولان هر ائشه برکت ورئب. بو گِنئش چؤلده گَزئب-دولاندیغینیز ربّئن نظرئندهدئر. بو قیرخ ائل عرضئنده سئزئنله اولوب؛ هچ نَیه اِحتئیاجینیز اولماییب.
8بئز سِعئر داغیندا یاشایان قارداشلاریمیز عئسو اؤولادلاریندان، عَرابا یولوندان، اِیلَت و عِصیونگِبِردن گتدئک. دؤنوب موآب صحراسی یولوندان کچدئک. 9رب منه ددی: ”موآبلیلاری ائنجئتمه و اونلارلا دؤیوشه گئرمه. من اونلارین تورپاغیندان سئزه هچ مولک ورمهیهجیم، چونکی عار شهرئنی لوط اؤولادلاری اولان موآبلیلارا ورمئشم کی، اونلارا مولک اولسون.“
10اورادا اَوّل اِملیلر یاشاییردیلار؛ اونلار عَناقلیلار کئمی گوجلو، چوخ سایلی و اوجابوی بئر خالقدیرلار. 11اونلار دا عَناقلیلار کئمی رِفالیلار ساییلیر، لاکئن موآبلیلار اونلاری اِملیلر چاغیریرلار. 12سِعئرهده ده اوّللر خورلولار یاشاییردی. لاکئن عئسو اؤولادلاری اونلاری قوودولار و اونلاری قیریب، تورپاقلاریندا ساکئن اولدولار، نجه کی، ائسرایئللیلر، ربّئن اونلارا مولک وردئیی تورپاغین اهالئسئنه اتدئلر.
13”ائندی دورون و زِرِد چایینی کِچئن.“ بئز ده زِرِد چایینی کچدئک. 14قِدِشبَرنِعهدن کؤچوب زِرِد چایینی کچنهجک اوتوز سکّئز ائل چکدی. اله کی، ربّئن آند ائچدئیی کئمی دوشَرگهده اولان او دؤوردهکی نسلئن دؤیوشچولرئنئن هامیسی اؤلدولر. 15دوغرودان دا، ربّئن اَلی اونلارین ضئدّئنه ائدی کی، اونلاری اوردوگاهدان هلاک ادئب هامیسینی یوخ اتسئن.
16خالقین بوتون دؤیوش آداملاری اؤلوب-قورتاراندان سونرا، 17رب منئمله دانیشیب بله ددی: 18”سئز بو گون موآب سرحدئندن یعنی عار شهرئندن کچهجکسئنئز. 19عَمّون اؤولادلارینا یاخینلاشاندا، اونلاری ائنجئتمهیئن و موناقئشه یاراتمایین، چونکی عَمّون اؤولادلارینین تورپاغیندان سئزه هچ مولک ورمهیهجیم، اونا گؤره کی اورانی دا لوط اؤولادلاری اولان عَمّونلولارا مولک ورمئشم.“ 20(اورا رِفالیلارین تورپاغی دا ساییلیر، چونکی اَوّللر اورادا رِفالیلار یاشاییردی. عَمّونلولار اونلاری زَمزوملولار چاغیریرلار. 21اونلار عَناقلیلار کئمی گوجلو، چوخ سایلی و اوجابوی بئر خالق ائدی، آمّا رب اونلاری عَمّونلولارین قاباغیندان یوخ اتمئشدی. عَمّونلولار اونلاری قوووب، یرلرئنده ساکئن اولموشدولار. 22رب سِعئرهده یاشایان عئسو اؤولادلاری اوچون ده همئن ائشی گؤروب، خورلولاری اونلارین قاباغیندان یوخ اتمئشدی. عئسو اؤولادلاری خورلولاری قوووب، یرلرئنده بو گونه قدر ساکئندئرلر. 23کَفتوردان چیخان کَفتورلولار دا، کَندلرده یاشایان عَوّهلئلیلری، غَزّهیه قدر، قیردیلار و اونلارین یرئنده ساکئن اولدولار.)
24رب ددی: ”قالخین، کؤچون، و اَرنون درهسئندن کچئن. باخین! خِشبون پادشاهی اِمورلو سئخونو و اونون اؤلکهسئنی سئزئن اَلئنئزه ورمئشم. اورانی آلماغا باشلایین و اونلارلا دؤیوشه گئرئن. 25بو گوندن من باشلاییرام کی، سئزئن قورخو و دهشتئنئزی گؤی آلتیندا اولان بوتون خالقلارین اورهیئنه سالیم. سئزئن سوراغینیزی اشئدنلر قاباغینیزدا تئترهیئب بوزوشهجکلر.“
سئخون پادشاهین مغلوب اولماسی
(سای. ۲۱:۲۱-۳۰)
26قِدِموت صحراسیندان خِشبون پادشاهی سئخونون یانینا قاصئدلر گؤندَردئم کی، صولح بارهده دانیشسینلار. اونا ددئم: 27”ائجازه ور، سنئن تورپاغیندان کِچک. فقط گِنئش یولدان کچهجیئک، اورادان نه صاغا، نه ده سولا دؤنهجیئک. 28یِمهیئمئز اوچون بئزه یمک ساتارسینیز، ائچمهیئمئز اوچون بئزه سو ساتارسینیز. بئزه اؤلکهنی پئیادا کچمک کئفایتدئر. 29سِعئرهده یاشایان عئسو اؤولادلاری و عاردا یاشایان موآبلیلار اتدئیی کئمی، سن ده ائجازه ور کی، اوردون چاییندان تاریمیز ربّئن بئزه ورهجیی تورپاغا کِچک.“ 30لاکئن خِشبون پادشاهی سئخون بئزی تورپاغیندان کچمهیه قویمادی. چونکی تارینیز رب، سئزه تسلئم اتمک اوچون، اونون روحونو عئنادکار و اورهیئنی داش اتدی، نجه کی، بو گون اِله اولوب.
31رب منه ددی: ”باخ، سئخونو و اونون اؤلکهسئنی سنه تسلئم اتمهیه باشلامیشام. اورانی تصرّوف اتمیه باشلا کی، اونون مولکونه مالئک اولاسان.“
32سئخون بوتون خالقی ائله دؤیوشمَک اوچون یاهِصادا بئزئم قاباغیمیزا چیخدی. 33تاریمیز رب اونو بئزه تسلئم اتدی. بئز ده سئخونو، اوغوللارینی و بوتون قوشونونو قیردیق. 34او واخت اونون بوتون شهرلرئنی آلدیق. هر بئر شهری کئشی، آرواد و اوشاقلاری ائله بئرلئکده کامئل محو اتدئک. هچ کسی صاغ قویمادیق. 35آنجاق حیوانلارینی گؤتوروب، آلدیغیمیز شهرلری تالان اتدئک. 36اَرنون درهسئنئن کناریندا عَروعِردن و درهده اولان شهردن گئلعاداجاق قاباغیمیزا بئزدن گوجلو بئر شهر چیخمادی. تاریمیز رب اونلارین هامیسینی بئزه تسلئم اتدی. 37آنجاق عَمّون اؤولادلارینین اؤلکهسئنه، بوتون یَبّوق چایی کنارینا و داغلیق بؤلگهسئندهکی شهرلره و تاریمیز ربّئن قدغن اتدئیی هچ یره یاخینلاشمادینیز.
Currently Selected:
تثنئیه 2: SAB
Highlight
Copy
Compare
Share
Want to have your highlights saved across all your devices? Sign up or sign in
@ 2022 Korpu Company
