تثنئیه 1
1
1بونلار موسانین بوتون ائسرایئله ددئیی سؤزلردئلر کی، اونلاری اوردون چایینین شرق طرفئنده، صحرادا پارانلا توفِل، لابان، خَصِروت و دیذاهاب آراسیندا، سوفون موقابئلئنده اولان عَرابا درهسئنده ددی. 2سِعئر داغینین یولو ائله خورِبدن قِدِشبَرنِعهیه گتمک اوچون اون بئر گون یول چکر. 3لاکئن مئصئردن چیخدیقلارینین قیرخینجی ائلئنده، اون بئرئنجی آیین بئرئنده، موسا ربّئن ائسرایئل اؤولادلارینا ورمک اوچون اونا امر اتدئیی هر شیی ددی. 4بونو او زامان اتدی کی، خِشبوندا یاشایان اِمورلولارین پادشاهی سئخونو، عَشتاروت و اِدرِهعئده ده یاشایان باشان پادشاهی عوگو مغلوب اتدی.
خورِبده
5اوردون چایینین شرق طرفئنده یِرلَشَن موآب تورپاغیندا، موسا بو قانونو تشرئح اتمهیه باشلادی.
6«خورِبده اولاندا تاریمیز رب بئزئمله دانیشیب بله ددی: ”بَسدئر بو داغدا قالدیغینیز! 7بورادان کؤچون و سفره داوام ورئب، اِمورلولارین داغلیق بؤلگهسئنه گدئن، عَرابا درهسئنده، داغلاردا، هامار بؤلگهده، نِگِبده و دهنز کناریندا یاشایان بوتون قونشو خالقلارین آراسینا گدئن، کَنَعان تورپاغینا و لوبنانا گدئن کی، بؤیوک فَرات چایینا قدر اوزانیر. 8باخین، بو تورپاقلاری سئزه وردئم؛ گدئن و بو تورپاغا کی، رب اونو آتالارینیزا، یعنی ائبراهئمه، ائسحاقا، یعقوبا و اونلاردان سونرا گلن اؤولادلارینا ورمهسئنی آند ائچئب، مالئک اولون.“
9او واخت من سئزئنله دانیشیب بله ددئم: ”تکباشینا سئزئن یوکونوزو داشیماغا قادئر دیئلم. 10تارینیز رب سئزی چوخالدیب و باخ، بو گون سئز گؤیون اولدوزلاری قدر چوخسونوز. 11قوی آتالارینیزین تاریسی رب، وعده وردئیی کئمی، سئزی اولدوغونوزدان مئن قات آرتیق چوخالتسین و سئزه برکت ورسئن. 12من سئزئن زحمتئنئزه، یوکونوزه، و داعوالارینیزا تک باشینا نجه تاب گتئره بئلهرم؟ 13اؤزونوز اوچون هر قبئلهدن حئکمتلی، بصئرتلی، و تجروبهلی کئشئلر سچئن. من اونلاری سئزه باشچی تعیئن ادهجیم.“
14سئز ده جاواب ورئب دِدئنئز: ”اتمهیئمئز اوچون سن دئیَن یاخشیدیر.“
15بلهجه من قبئلهلرئنئزئن حئکمتلی و تجروبهلی باشچیلارینی گؤتوروب سئزه مئنباشی، یوزباشی، اَلّیباشی، اونباشی و قبئله مأمورلاری تعیئن اتدئم. 16او واخت حاکئملرئنئزه امر ادئب ددئم: آرالاریندا موناقئشهسی اولان هموطنلرئنئزی اشئدئن. موناقئشه ائستر ائسرایئللی هموطنلرئنئز آراسیندا اولسون، ائستر بئر ائسرایئللی ائله یاد اِللی آراسیندا اولسون، حؤکم چیخاردارکَن عدالتلی اولون. 17هچ کئمه طرفدارلیق اتمهیئن؛ کئچئیی ده بؤیوک کئمی اشئدئب حؤکم چیخاردین. ائنساندان قورخمایین، چونکی حؤکم تارینیندیر. سئزئن اوچون چتئن اولان موناقئشهلی مَسَلهنی منئم یانیما گتئرئن. من اونلارا قولاق آسارام.
18او واخت ادهجَیئنئز شیلرئن هامیسینی سئزه امر اتدئم.
وعده ادئلَن تورپاقلارین گؤزدن کچئرئلمهسی
(سای. ۱۳:۱-۳۳)
19سونرا بئز خورِبدن کؤچدوک. تاریمیز ربّئن بئزه امر اتدئیی کئمی گؤردویونوز بؤیوک و قورخولو صحرانی کچئب، اِمورلولارین داغلیق بؤلگهسئنه طرف کؤچدوک و قِدِشبَرنِعهیه چاتدیق. 20من سئزه ددئم: ”تاریمیز ربّئن بئزه ورهجیی اِمورلولارین داغلیق بؤلگهسئنه چاتیبسینیز. 21گؤرون، تارینیز رب بو تورپاغی سئزه ورئب. قالخین و آتالارینیزین تاریسی ربّئن سئزه ددئیی کئمی اورایا مالئک اولون. هچ نهدَن قورخوب چکئنمهیئن.“
22او زامان هامینیز یانیما گلئب دِدئنئز: ”قوی اؤزوموزدن قاباق آداملار گؤندَرَک کی، تورپاغی بئزئم اوچون نظردن کچئرتسئنلر. قوی گدهجیئمئز یول و چاتاجاغیمیز شهرلر بارهده اونلار بئزه معلومات گتئرسئنلر.“
23بو فئکئر خوشوما گلدی. اون ائکی نفر گؤتوردوم یعنی هر قبئلهدن بئر نفر. 24اونلار داغلیق بؤلگهسئنه دؤنوب اورایا گتدئلر. اِشکول درهسئنه قدر گلئب اورانی گؤزدن کچئرتدئلر. 25سونرا بو تورپاغین ثمرئندن اَللرئنه گؤتوروب، یانیمیزا اِنئب قاییتدیلار و بله معلومات وردئلر: ”تاریمیز ربّئن بئزه ورهجیی تورپاق، یاخشی تورپاقدیر.“
ربّئن ضئدّئنه عاصئلئک
(سای. ۱۴:۱-۴۵)
26آمّا سئز تارینیز ربّئن امرئنه عاصی چیخیب، اورایا گتمک ائستمهدئنئز. 27اؤز چادیرلارینیزدا دیئنئب دِدئنئز: ”رب بئزدن نئفرت اتدئیی اوچون، بئزی مئصئر اؤلکهسئندن چیخارتدی کی، اِمورلولارین الئنه تسلئم ادئب بئزی هلاک اتسئن. 28آخی بئز هارا گِدئرئک؟ قارداشلاریمیز اورهیئمئزی اوزدولر. دیئرلر: او خالق ساییجا بئزدن چوخ و اوجابویدور؛ شهرلری بؤیوکدور و گؤیه چاتان دووارلاری وار. بوندان علاوه، عَناقلیلاری دا اورادا گؤردوک.“
29او واخت من سئزه ددئم: ”اونلاردان قورخمایین، چکئنمهیئن. 30قاباغینیزدا گِدن تارینیز رب اؤزو سئزئن اوچون دؤیوشهجک، نجه کی، گؤزلرئنئزئن قاباغیندا مئصئرده اتدی. 31صحرادا، یِرئدئیئنئز بوتون یولدان بو یره چاتانا قدر، گؤردونوز کی، ائنسان اؤز بالاسینی آپاردیغی کئمی، تارینیز رب ده سئزی اِله آپاردی.“
32بوتون بونلاری نظرده آلماییب تارینیز ربّه اعتئماد اتمهدئنئز، 33اونا کی، قاباغینیزجا یول گِدئر و سئزئن دوشَرگه سالماغینیز اوچون یر آختاریر؛ گجه اودلا، گوندوز ده بولودلا گدهجَیئنئز یولو سئزه گؤرسدئر. 34رب بو دانیشاجاغینیزی اشئدئب قضبلَندی و آند ائچئب ددی: 35”بو آداملارین هچ بئری، بو پئس نسئل، آتالارینیزا ورمک اوچون آند ائچدئیئم بو یاخشی تورپاغی گؤرمهیهجک، 36مگر یِفونّه اوغلو کالئب؛ کالئب اورانی گؤرهجک. آیاق باسدیغی تورپاغی اونا و اونون اؤولادلارینا ورهجیم، چونکی کامئل بئر شکئلده ربّئن دالینجا گدئب.“
37سئزه گؤره رب منه ده قضبلَندی و بله ددی: ”سن ده اورایا گئرمَیهجکسن. 38اورایا سنئن کؤمکچئن نون اوغلو یوشَع گئرهجک. اونو تشوئق ات، چونکی ائسرایئلئن اورایا مالئک اولاجاغینا او باعئث اولاجاق. 39بالالارینیز کی، دیئردئنئز اسئر اولاجاقلار، و اؤولادلارینیز کی، یاخشینی پئسدن حله آییرا بئلمئرلر، اورایا گئرهجکلر. اؤلکهنی اونلارا ورهجیم و اونلار اورایا مالئک اولاجاقلار. 40آمّا سئز دؤنون و قیرمیزی دهنز یولوندان صحرایا کؤچون.“
41سونرا سئز منه بله جاواب ورئب دِدئنئز: ”ربّئن ضئدّئنه گوناه اتمئشئک. دوغرودان دا چیخیب تاریمیز ربّئن بئزه امر اتدئیی کئمی دؤیوشهجیئک.“
هامینیز دؤیوش سئلاحلارینی گِیئندئنئز و داغلیغا چیخماغین آسان اولدوغونو دوشوندونوز. 42رب منه ددی: ”اونلارا دِه: دؤیوشه چیخمایین، من سئزئن آرانیزدا یوخام. مبادا دوشمنلرئنئزه مغلوب اولاسینیز.“
43من ده سئزه بله ددئم، آمّا سئز منئم سؤزومه قولاق آسمادینیز. ربّئن امرئنه عاصی اولوب، اؤزباشینالیق ادئب داغلیق بؤلگهیه چیخدینیز. 44بو داغلیق بؤلگهسئنده یاشایان اِمورلولار موقاوئمت گؤرسهدئب، سئزه آری کئمی هوجوم اتدئلر و سئزی سِعئردن خورمایا قدر قیردیلار. 45او واخت قاییدیب ربّئن حوضوروندا آغلادینیز، لاکئن رب سئزئن سَسئنئزی اشئتمهدی و سئزه قولاق آسمادی. 46بلهجه اوزون بئر زامان اورادا، قِدِشده قالدینیز.
Currently Selected:
تثنئیه 1: SAB
Highlight
Copy
Compare
Share
Want to have your highlights saved across all your devices? Sign up or sign in
@ 2022 Korpu Company
