تثنئیه 3
3
باشان پادشاهی عوگون مغلوب اولماسی
(سای. ۲۱:۳۱-۳۵)
1سونرا دؤنوب باشانا طرف یولا دوشدوک. باشان پادشاهی عوگ بوتون خالقی ائله برابر اِدرِهعئده بئزئمله دؤیوشه چیخدی. 2آمّا رب منه ددی: ”اوندان قورخما، چونکی من اونو، بوتون خالقینی و تورپاغینی سنئن الئنه تسلئم اتمئشم. خِشبوندا یاشایان اِمورلولارین پادشاهی سئخونون باشینا نه گتئردئنئز، اونون دا باشینا اله گتئرئن.“
3بلهجه تاریمیز رب باشان پادشاهی عوگو و بوتون خالقی بئزئم اَلئمئزه تسلئم اتدی. بئز ده هچ کسی صاغ بوراخمادان اونلاری قیردیق. 4او واخت بوتون شهرلرئنی آلدیق، اونلاردان آلمادیغیمیز بئر شهر بله قالمادی؛ آلتمیش شهر، بوتون اَرگوب دئیارینی، یعنی عوگون باشاندا اولان مملکتئنی. 5شهرلرئن هامیسی قالالی و اوجا دووارلی ائدی، دروازالاری و چَفتهلری وار ائدی. بوندان علاوه چوخلو دووارسیز کَندلر ده وار ائدی. 6خِشبون پادشاهی سئخونون باشینا گتئردئیئمئز کئمی، اونلاری دا قیریب، کئشی، آرواد و اوشاقلاری ائله برابر شهرلرئن هامیسینی کامئل محو اتدئک. 7آنجاق بوتون حیوانلاری گؤتوروب، شهرلری تالان اتدئک.
8بلهجه او واختلار اِمورلولارین ائکی پادشاهینین اَلئندن اوردون چایینین شرقئندهکی اؤلکهنی کی، اَرنون درهسئندن خِرمون داغینا قدر اوزانیردی، آلدیق. 9صئدونلولار خِرمونو سئریون چاغیریرلار. اِمورلولار دا اورایا سِنئر دیئرلر. 10درهده اولان بوتون شهرلری، بوتون گئلعادی، سَلکا و اِدرِعییه قدر بوتون باشان تورپاغینی، باشان پادشاهی عوگون مملکتئنی آلدیق.
11رِفالیلاردان آنجاق باشان پادشاهی عوگ صاغ قالمیشدی. اونون یاتاغی دمئر تخت ائدی. عَمّون اؤولادلارینین رَبّا شهرئندهدئر. بو یاتاغین اؤلچوسو، او گون ائشلهدئلَن قولآچ اؤلچوسونه گؤره، اوزونلوغوندا دوقّوز#3.11 تقرئبن ۴ متر، اِنئنده ده دؤرد قولآچ#3.11 تقرئبن ۸/۱ متر ائدی.
اوردون چایینین شرق تورپاقلارینین بؤلونمهسی
(سای. ۳۲:۱-۴۲)
12او واخت بو تورپاقلاری اؤز مالئکئیّتئمئزه گؤتوردوک: اَرنون درهسئنئن یانیندا اولان عَروعِردن باشلانان اؤلکهنی، گئلعادین داغلیق بؤلگهسئنئن یاریسینی، شهرلری ائله برابر رِعوبئنلیلره و جادلیلارا وردئم. 13گئلعادین قالان حئصّهسئنی، عوگون اؤلکهسی اولان بوتون باشانی مِنَسّه قبئلهسئنئن یاریسینا وردئم. یعنی باشان اولان بوتون اَرگوب دئیارینی کی، رِفالیلار اؤلکهسی چاغیریلیر. 14مِنَسّه اوغلو یاعئر گِشورلولار و مَعَکاتلیلارین سرحدئنه قدر بوتون اَرگوب دئیارینی آلدی. اورایا یعنی باشانا اؤز آدی اوچون خَوّوتیاعئر#3.14 یاعئرئن مسکنلری آدینی وردی کی، بو گونه قدر ده بله آدلانیر. 15گئلعادی ماکئره وردئم. 16رِعوبئنلیلرله جادلیلارا گئلعاددان اَرنون درهسئنه قدر اوزانان تورپاقلاری وردئم. درهنئن اورتاسی اونلارین سرحدی یَبّوق چایینا قدر کی، عَمّونلولارین سرحدی ائدی. 17عَرابادا سرحد اوردون چایی ائدی: کئنّرِتدن عَرابا دهنزئنه، یعنی دوز دهنزئنه، شرق طرفدهکی پئسگاه یاماجلارینین آلتینا قدر اوزانیردی.
18او واختلار سئزه#3.18 یعنی اوردون چایینین شرق سمتئنده یر ورئلَن اوچ قبئلهیه امر ادئب ددئم: ”رب تارینیز بو تورپاغی سئزه مولک اولماق اوچون ورئب؛ سئزئن بوتون جنگآورلرئنئز سئلاحلانیب قارداشلارینیز ائسرایئل اؤولادلارینین موقابئلئنده گدئن. 19لاکئن آروادلارینیز، اوشاقلارینیز، و حیوانلارینیز (بئلئرم کی، چوخ حیوانلارینیز وار) سئزه وردئیئم شهرلرده قالمالیدیرلار. 20او زاماناجاق کی، رب سئزئن کئمی، هموطنلرئنئزه ده راحاتلیق ورسئن، و اونلار دا ربّئن اوردون چایینین او تاییندا، اونلارا ورهجیی تورپاغی مالئکئیّته کچئرتسئنلر. او واخت سئز هر بئرئنئز سئزه مولک وردئیئم یره قاییدا بئلرسئنئز.“
21او واختلار یوشَعه امر ادئب ددئم: ”گؤزلرئن گؤروب کی، تارین رب بو ائکی پادشاهین باشینا نه گتئرئب! رب کچهجیئنئز بوتون اؤلکهلره ده بله ادهجک. 22اونلاردان قورخمایین، چونکی سئزئن اوچون دؤیوشَن، تارینیز رب اؤزودور!“
رب موسایا اوردون چایینی کچمهیه ائجازه ورمئر
23او زامان ربّه یالواریب ددئم: 24”ای پروردئگار رَب، سن اؤز بؤیوکلویونو و قودرتلی اَلئنی بو قولونا گؤرسدمیه باشلایبسان. گؤیده و یرده هانسی تاری وار کی، سنئن اتدئیئن بله ائشلری، قووّتلی عمللری اده بئلسئن؟ 25خاهئش ادئرم، قوی اوردون چایینی کچئب، اونون قرب طرفئنده اولان گؤزل تورپاغی یعنی او یاخشی داغلیق بؤلگهسئنی و لوبنانی گؤروم.“
26لاکئن سئزئن اوزونوزدن منه قضبلی ائدی و منه قولاق آسمیردی؛ و رب منه ددی: ”بَسدئر! بو بارهده بئر داها منئمله دانیشما! 27پئسگاه تپهسئنه چیخیب قربه، شئمالا، جنوبا و شرقه گؤز گَزدئر و اؤز گؤزلرئنله گؤر، چونکی سن اوردون چایینی کچمیهجکسن. 28یوشَعی وظئفهیه قوی، اونا اورَک ور و اونو قووّتلَندئر، چونکی بو خالقین قاباغیندا او بو چایی کچهجک و گؤرهجیئن تورپاغی اونلارا مئراث ورهجکدئر.“
29بونا گؤره ده بِیتپِعور موقابئلئنده اولان درهده دایاندیق.
Currently Selected:
تثنئیه 3: SAB
Highlight
Copy
Compare
Share
Want to have your highlights saved across all your devices? Sign up or sign in
@ 2022 Korpu Company
