۲سمویئل 1
1
شاعولون اؤلوم خبری
1شاعولون اؤلوموندن سونرا داوود عَمالِقلئلری مغلوب ادئب قاییدان زامان ائکی گون صئقلَگده قالدی. 2اوچونجو گون شاعولون یانیندان، اوردوگاهدان پالتاری جیریلمیش، باشی توز-تورپاغا باتمیش بئر آدام گلدی. او، داوودون یانینا گلدئکده قاباغیندا اوزونو یره قویوب تعظئم اتدی. 3داوود اوندان سوروشدو: «هارادان گلئرسن؟» آدام اونا ددی: «ائسرایئل اوردوگاهیندان قاچمیشام.» 4داوود اونا ددی: «اورادا نه باش ورئب؟ خاهئش ادئرم، منه دِه.» آدام ددی: «خالق دؤیوش میدانیندان قاچیبلار و اونلارین بئر چوخو قیریلیب اؤلوبلر. شاعوللا اوغلو یوناتان دا هلاک اولوب.»
5داوود اونا خبر ورن جاوان آدامدان سوروشدو: «سن هارادان بئلئرسن کی، شاعوللا یوناتان دا اؤلوب؟» 6داوودا خبر ورن جاوان بله ددی: «تصادوفَن گئلبوعا داغیندا ائدئم و گؤردوم کی، شاعول نئزهسئنه سؤیکهنئب. دؤیوش عارابالاری و آتلیلار دا اونو چوخ یاخین بئر شکئلده تعقئب ادئردئلر. 7شاعول گِرئیه باخاندا منی گؤروب چاغیردی. من ددئم: ”بویورون.“ 8منه ددی: ”سن کئمسن؟“ اونا ددئم: ”من بئر عَمالِقلییَم.“ 9او واخت شاعول منه ددی: ”گل اَیئل اوستومه، منی اؤلدور، جانیم عذاب چکئر و بو آغریلاردان قورتارماق ائستهیئرم.“ 10اله بونا گؤره ده من اونون اوستونه اَیئلئب نفسئنی کسدئم. چونکی بئلئردئم کی، ییخیلاندان سونرا آرتیق یاشایا بئلمیهجک. سونرا اونون باشینین تاجینی و قولونون دستبندئنی گؤتوردوم و بورایا، آغام اوچون گتئردئم.»
11داوود پالتارلارینی توتوب جیردی و یانینداکی بوتون آداملار دا بله اتدئلر. 12اونلار شاعول اوچون، اوغلو یوناتان اوچون، ربّئن خالقی و بوتون ائسرایئل نسلی اوچون آخشاماجاق یاس توتوب آغلادیلار و اوروج توتدولار، چونکی اونلار قیلینج آغزیندان کچئب اؤلدورولموشدولر. 13داوود احوالاتی اونا دانیشان جاواندان سوروشدو: «هارالیسان؟» او جاواب وردی: «من یاداِللییم، بئر عَمالِقلینئن اوغلویام.» 14داوود اونا ددی: «بس نئیه قورخماییب اَل قالدیردین کی، ربّئن مسح اولونموش پادشاهینی اؤلدورهسن؟» 15داوود آداملاریندان بئرئنی چاغیریب ددی: «گت، اونو اؤلدور.» او دا عَمالِقلئنی ووروب اؤلدوردو. 16داوود عَمالِقلئیه دمئشدی: «قانین اؤز باشیندادیر! چونکی اؤز آغزین سنئن ضئدّئنه شاهئدلئک ادئب ددی: ”من ربّئن مسح اولونموش پادشاهینی اؤلدوردوم.“»
داوودون شاعول و یوناتان اوچون ددئیی مرثئیه
17او واخت داوود شاعول و اوغلو یوناتانین یاسیندا بو مرثئیهنی اوخودو. 18سونرا تاپشیردی کی، «اوخآتان کامان» آدلی بو مرثئیهنی یهودا اؤولادلارینا اؤیرَتسئنلر. بو مرثئیه، یاشار کئتابیندا #1.18 باخ: یوشَع ۱۰:۱۳.یازیلیب:
19ای ائسرایئل، گؤزللئیئن اؤز اوجا یرلرئنئن اوستونده قیلینج آغزیندان کچئب!
نجه ده جنگاورلر قیریلیب دوشوب!
20بونو گَتده بئلدئرمهیئن،
اَشقِلون کوچهلرئنده یایمایین.
مبادا فئلئسطلیلرئن قیزلاری سِوئنسئنلر،
ختنهسئزلرئن قیزلاری فَرَحلَنسئنلر.
21ای گئلبوعا داغلاری،
اوستونه شِح، یاغیش دوشمهسئن،
قوی زمئلرئن محصول ورمهسئن!
چونکی اورادا لَکهلَندی ائگئدلرئن قالخانی،
شاعولون بئر داها یاغلا سئلئنمَیهجک قالخانی.
22اؤلدورولَنلرئن قانینا، ائگئدلرئن پئیئنه گؤره
یوناتانین کامانی گری دؤنمَزدی،
شاعولون قیلینجی بوش قاییتمازدی.
23شاعوللا یوناتان حیاتلاریندا نجه سِوئملی، نجه عزئز،
اؤلومده ده بئربئرئندن آیریلمادیلار!
اونلار قارتاللاردان سورعتلی ائدئلر،
آصلانلاردان قووّتلی ائدئلر.
24ای ائسرایئل قیزلاری، آغلایین شاعول اوچون.
او سئزه قئیمتلی قیرمیزی قوماشلار گِیدئرَردی،
پالتارینیزا قیزیل ناخیشلار ووراردی.
25دؤیوش میدانیندا نجه ده ائگئدلر قیریلیب دوشوب!
یوناتان سنئن اوجا یرلرئنده قیلینج آغزیندان کچئب.
26ای قارداشیم یوناتان، سنئن اوچون اورهیئم یانیر.
سن منه چوخ عزئز ائدئن.
سنئن منه اولان محبّتئن حیران ادئجی ائدی،
آرواد محبّتئندن ده اوستون ائدی.
27ائگئدلر نجه ده ییخیلیب!
دؤیوش سئلاحلاری نجه ده یوخ اولوب!
Currently Selected:
۲سمویئل 1: SAB
Highlight
Copy
Compare
Share
Want to have your highlights saved across all your devices? Sign up or sign in
@ 2022 Korpu Company
