۲پادشاهلار 13
13
ائسرایئل پادشاهی یِهوآخاز
1یهودا پادشاهی اَخَزیا اوغلو یوآشین پادشاهلیغینین ائیئرمی اوچونجو ائلئنده، یِیهونون اوغلو یِهوآخاز سامئرهده ائسرایئل اوستونده پادشاه اولدو و اون یدّی ائل پادشاهلیق اتدی. 2او، ربّئن گؤزونده پئس اولان ائشلر اتدی و نِباط اوغلو یَروبعامین ائسرایئله اتدئردئیی گوناهلارین دالینجا گتدی، اونلاردان اَل چکمهدی.
3ربّئن قضبی ائسرایئلئن ضئدّئنه آلوولاندی و اونلاری اوزون مودّت اَرام پادشاهی خَزااِلئن و خَزااِلئن اوغلو بِنهَدَدئن اَلئنه وردی. 4او واخت یِهوآخاز ربّه اوز توتوب یالواردی و رب اونو اشئتدی، چونکی ائسرایئللیلرئن عذابینی و اَرام پادشاهینین اونلارا نجه ظولم اتدئیئنی گؤردو. 5رب ائسرایئللیلره بئر قورتاریجی وردی و اونلار اَرامین اَسارَتی آلتیندان چیخدیلار. ائسرایئللیلر اَوّلکی کئمی اؤز اِولرئنده یاشادیلار. 6آنجاق اونلار یَروبعام نسلئنئن ائسرایئله اتدئردئیی گوناهلاردان اَل چکمهدئلر و بو گوناهلارین دالینجا گتدئلر، اَشِرا بوتو ده سامئرهده قالیردی. 7اَلّی آتلیدان، اون دؤیوش عاراباسیندان و اون مئن پئیادادان باشقا، یِهوآخازین داها قوشونو قالمادی، چونکی اَرام پادشاهی اونلاری محو ادئب خرمنده اولان توز کئمی اتمئشدی.
8یِهوآخازین قالان ائشلری، اتدئیی هر شی و اونون قودرتی بارهده مگر ائسرایئل پادشاهلارینین سالنامهلر کئتابیندا یازیلماییبدیر؟ 9یِهوآخاز اؤلوب آتالاری ائله یاتدی و اونو سامئرهده باسدیردیلار. اونون یرئنه اوغلو یوآش پادشاه اولدو.
ائسرایئل پادشاهی یِهوآش
10یهودا پادشاهی یوآشین پادشاهلیغینین اوتوز یدّئنجی ائلئنده، یِهوآخاز اوغلو یِهوآش سامئرهده ائسرایئل اوستونده پادشاه اولدو و اون آلتی ائل پادشاهلیق اتدی. 11او، ربّئن گؤزونده پئس اولان ائشلر اتدی؛ نِباط اوغلو یَروبعامین ائسرایئله اتدئردئیی بوتون گوناهلاردان اَل چکمهدی و بو گوناهلارین دالینجا گتدی.
12یِهوآشین قالان ائشلری، اتدئیی هر شی و یهودا پادشاهی اَمَصیا ائله دؤیوشده گؤرستدئیی قودرت بارهده مگر ائسرایئل پادشاهلارینین سالنامهلر کئتابیندا یازیلماییبدیر؟ 13یِهوآش اؤلوب آتالاری ائله یاتدی و اونون تختئنده یَروبعام#13.13 یعنی ائکئنجی یَروبعام اوتوردو. یِهوآش سامئرهده ائسرایئل پادشاهلارینین یانیندا باسدیریلدی.
یوآشین ظفرلری و اِلئشَعئن اؤلومو
14اِلئشَع اؤلومجول حالدا ناخوشلامیشدی. ائسرایئل پادشاهی یِهوآش اونا باش چکمک اوچون یانینا گلدی و اونون اوستونده آغلاییب ددی: «آتام، ای آتام! ائسرایئلئن دؤیوش عارابالاری و آتلیلاری!» 15اِلئشَع اونا ددی: «کامان و اوخلار گؤتور.» او، کامان و اوخلار گؤتوردو. 16اِلئشَع ائسرایئل پادشاهینا ددی: «کامانی چک.» او، کامانی چکدی. اِلئشَع اَللرئنی پادشاهین اَللری اوستونه قویدو. 17سونرا ددی: «شرق طرفئنه باخان پنجرهنی آچ.» او آچدی. اِلئشَع ددی: «اوخو آت.» او آتدی. اِلئشَع ددی: «بو، ربّئن قورتولوش اوخودور، حتّا اَرامین ضئدّئنه ده قورتولوش اوخودور! چونکی سن اَراملیلاری اَفِقده آخیرا قدر قیراجاقسان.» 18سونرا ددی: «اوخلاری گؤتور.» او گؤتوردو. اِلئشَع ائسرایئل پادشاهینا ددی: «یره وور.» او، یره اوچ دفه ووروب دایاندی. 19تاری آدامی اونا قضبلهنئب ددی: «بِش-آلتی دفه وورمالی ائدئن. او واخت اَراملیلاری آخیرا قدر قیرا بئلردئن، لاکئن ائندی اونلاری اوچ دفه قیراجاقسان.»
20اِلئشَع اؤلدو و اونو باسدیردیلار. موآبلیلارین دستهلری هر باهار فصلئنده اؤلکهیه هوجوم گتئرَردئلر. 21بئر دفه بئر نفری باسدیرارکَن آداملار بئر دسته گؤردولر و اؤلونو اِلئشَعئن قبئرئنه آتدیلار. اؤلو اِلئشَعئن سوموکلرئنه توخونان واخت دئرئلدی و آیاق اوسته قالخدی.
22اَرام پادشاهی خَزااِل، یِهوآخازین بوتون عؤمرو بویو ائسرایئللیلره ظولم اتدی. 23لاکئن رب ائبراهئم، ائسحاق و یعقوبلا باغلادیغی عهدئندن اؤتری لوطف و مرحمت گؤرسهدئب اونلاردان اوزونو دؤندَرمهدی، اونلاری محو اتمک ائستمهدی و ائندئیه قدر اؤز حوضوروندان آتمادی. 24اَرام پادشاهی خَزااِل اؤلدوکده، یرئنه اوغلو بِنهَدَد پادشاه اولدو. 25یِهوآخاز اوغلو یِهوآش موحارئبهده آتاسی یِهوآخازین اَلئندن آلینان شهرلری خَزااِلئن اوغلو بِنهَدَدئن اَلئندن آلدی. یِهوآش اَراملیلاری اوچ دفه قیریب ائسرایئل شهرلرئنی گری آلدی.
Currently Selected:
۲پادشاهلار 13: SAB
Highlight
Copy
Compare
Share
Want to have your highlights saved across all your devices? Sign up or sign in
@ 2022 Korpu Company
