۲پادشاهلار 14
14
یهودا پادشاهی اَمَصیا
(۲سال. ۲۵:۱-۲۴)
1ائسرایئل پادشاهی یِهوآخاز اوغلو یِهوآشین پادشاهلیغینین ائکئنجی ائلئنده، یهودا پادشاهی یوآشین اوغلو اَمَصیا پادشاه اولدو. 2او پادشاه اولدوغو واخت، ائیئرمی بش یاشیندا ائدی و اورشلئمده ائیئرمی دوقّوز ائل پادشاهلیق اتدی. آناسینین آدی یِهوعَدّان ائدی. یِهوعَدّان اورشلئمدن ائدی. 3اَمَصیا ربّئن گؤزونده دوغرو اولان ائشلر اتدی، لاکئن آتاسی داوود کئمی یوخ، آتاسی یوآشین بوتون اتدئکلری کئمی اتدی. 4آنجاق پرستئشگاهلار آرادان قالدیریلمادی و خالق حله ده بو پرستئشگاهلاردا قوربان گتئرئب بوخور یاندیریردی.
5پادشاهلیق اَلئنده مؤحکملَنَنده، اَمَصیا، آتاسی پادشاهی اؤلدورَن اعیانلاری اؤلدوردو. 6آنجاق موسانین شرئعت کئتابیندا یازیلدیغی کئمی، قاتئللرئن اوغوللارینی اؤلدورمهدی، چونکی رب امر ادئب دمئشدی: «اوغوللارا گؤره آتالار، آتالارا گؤره اوغوللار اؤلدورولمهسئن، هر کس اؤز گوناهینا گؤره اؤلدورولمهلیدئر.» 7او، اون مئن نفر اِدوملونو دوز درهسئنده قیریب، سِلَعی موحارئبه ائله آلدی. اونون آدینی یوقتِهاِل قویدو و بو گونه قدر ده بلهدئر.
8او واخت اَمَصیا ائسرایئل پادشاهی یِیهو اوغلو یِهوآخاز اوغلو یِهوآشین یانینا قاصئدلر گؤندَرئب ددی: «گل، اوز-اوزه گؤروشَک.» 9ائسرایئل پادشاهی یِهوآش، یهودا پادشاهی اَمَصیایا جاواب ورئب ددی: «لوبنانداکی قانقال، لوبناندا اولان سئدر آغاجینا خبر گؤندَرئب ددی: ”قیزینی اوغلوما آرواد ور.“ آمّا لوبناندا اولان بئر وحشی حیوانی اورادان کچئب، قانقالی آیاق آلتیندا تاپدالادی. 10البتّه، سن اِدوملولاری قیریبسان و اورهیئن کئبئرلهنئب. بونونلا فخر ات و اؤز اِوئنده اوتور. نه اوچون اِله بئر بلا قالدیراسان کی، یهودالیلارلا بئرلئکده سن اؤزون ده ییخیلاسان؟»
11آمّا اَمَصیا قولاق آسمادی. ائسرایئل پادشاهی یِهوآش چیخیب، یهودا پادشاهی اَمَصیا ائله یهودادا اولان بِیت شِمِشده اوز-اوزه دوردولار. 12یهودالیلار ائسرایئللیلرئن قاباغیندا مغلوب اولدولار و هر کس اؤز اِوئنه قاچدی. 13ائسرایئل پادشاهی یِهوآش، یهودا پادشاهی اَخَزیا اوغلو یوآش اوغلو اَمَصیانی بِیتشِمِشده توتدو. یِهوآش اورشلئمه گلئب، اورشلئم دووارینین اِفرایئم دروازاسیندان کونج دروازاسینا قدر دؤرد یوز قولآچینی#14.13 تقرئبن ۱۸۰ متر اوچورتدو. 14ربّئن معبدئنده و سارایین خزئنهلرئنده تاپیلان بوتون قیزیل-گوموشو، بوتون اشیالاری آپاردی. گئرووگان آلدیغی آداملاری دا گؤتوروب سامئرهیه قاییتدی.
15یِهوآشین اتدئیی قالان ائشلری، اونون قودرتی و یهودا پادشاهی اَمَصیا ائله نجه ووروشدوغو بارهده مگر ائسرایئل پادشاهلارینین سالنامهلر کئتابیندا یازیلماییبدیر؟ 16یِهوآش اؤلوب آتالاری ائله یاتدی و سامئرهده ائسرایئل پادشاهلارینین یانیندا باسدیریلدی. اونون یرئنه اوغلو یَروبعام پادشاه اولدو.
17یهودا پادشاهی یوآش اوغلو اَمَصیا ائسرایئل پادشاهی یِهوآخاز اوغلو یِهوآشین اؤلوموندن سونرا داها اون بش ائل یاشادی. 18اَمَصیانین قالان ائشلری بارهده مگر یهودا پادشاهلارینین سالنامهلر کئتابیندا یازیلماییبدیر؟ 19اَمَصیانین ضئدّئنه اورشلئمده قصد حاضیرلادیلار. او، لاکئشه قاچدی. اونون دالینجا لاکئشه آداملار گؤندَرئب، اورادا اونو اؤلدوردولر. 20اونو آت اوستونده گتئردئلر. او، اورشلئمده، داوودون شهرئنده، آتالارینین یانیندا باسدیردیلدی. 21بوتون یهودا خالقی اون آلتی یاشلی عَزَریانی #14.21 باشقا آدی «عوزّئیا». باخ: ۲پاد. ۱۵:۱۳گؤتوروب آتاسی اَمَصیانین یرئنه پادشاه اتدئلر. 22پادشاه آتالاری ائله یاتدیقدان سونرا، عَزَریا اِلاتی یهودایا قایتاریب اورانی تئکدی.
ائسرایئل پادشاهی ائکئنجی یَروبعام
23یهودا پادشاهی یوآش اوغلو اَمَصیانین پادشاهلیغینین اون بشئنجی ائلئنده، یِهوآش اوغلو یَروبعام سامئرهده ائسرایئل اوستونده پادشاه اولدو و قیرخ بئر ائل پادشاهلیق اتدی. 24او، ربّئن گؤزونده پئس اولان ائشلر اتدی و نِباط اوغلو یَروبعامین ائسرایئله اتدئردئیی بوتون گوناهلاردان اَل چکمهدی. 25او، خَمات کچئدئندن عَرَبا دهنزئنه قدر ائسرایئل تورپاقلارینی گری آلدی، نجه کی، ائسرایئلئن تاریسی رب اؤز قولو اَمئتّهی اوغلو یونوس پیغمبر واسئطهسیائله دمئشدی. یونوس گَتخِفِرلی ائدی. 26چونکی رب ائسرایئللیلرئن آجی فلاکتئنی گؤرموشدو: نه قول قالمیشدی، نه آزاد. نه ده ائسرایئل اوچون بئر کؤمکچی. 27رب دِمهمئشدی کی، ائسرایئلئن آدینی گؤیلر آلتیندان سئلهجک. بونا گؤره ده یِهوآش اوغلو یَروبعامین واسئطهسیائله اونلارا نئجات وردی.
28یَروبعامین قالان ائشلری، اتدئیی هر شی، اونون قودرتی، نجه ووروشدوغو و اَوّللر یهودایا عایید اولان دَمَشقی و خَماتی ائسرایئله نجه قایتارماسی بارهده مگر ائسرایئل پادشاهلارینین سالنامهلر کئتابیندا یازیلماییبدیر؟ 29یَروبعام اؤلوب آتالاری ائسرایئل پادشاهلاری ائله یاتدی و یرئنه اوغلو زِکَرئیّا پادشاه اولدو.
Currently Selected:
۲پادشاهلار 14: SAB
Highlight
Copy
Compare
Share
Want to have your highlights saved across all your devices? Sign up or sign in
@ 2022 Korpu Company
