۲پادشاهلار 12
12
1یِیهونون پادشاهلیغینین یدّئنجی ائلئنده، یوآش پادشاه اولدو و اورشلئمده قیرخ ائل پادشاهلیق اتدی. آناسینین آدی صئبیا ائدی. صئبیا بئرشئبادان ائدی. 2یِهویاداع کاهئنئن یوآشی اؤیرَتدئیی دؤور عرضئنده، یوآش ربّئن گؤزونده دوغرو اولان ائشلر اتدی. 3لاکئن پرستئشگاهلار آرادان قالدیریلمادی، خالق حله ده پرستئشگاهلاردا قوربان گتئرئب بوخور یاندیریردی.
4یوآش کاهئنلره ددی: «موقدّس شیلر آدیندا ربّئن معبدئنه گتئرئلَن گوموشو، سئیاهییا آلما زامانی ییغیلمیش گوموشو، هر کَسئن اؤز جانی عوضئنه وردئیی گوموشو و ربّئن معبدئنه گتئرمک اوچون هر کَسئن اورهیی ائستهدئیی قدر وردئیی گوموشون هامیسینی 5کاهئنلرئن هر بئری اؤز خَزئنهداریندان گؤتورسون و معبدده هارادا اوچوق بئر یر وار، او اوچوقلاری اؤزلری تعمئر اتسئنلر.» 6آمّا یوآش پادشاهین پادشاهلیغینین ائیئرمی اوچونجو ائلئنده، کاهئنلر حله معبدئن اوچوقلارینی تعمئر اتمهمئشدئلر. 7یوآش پادشاه کاهئن یِهویاداعی و او بئری کاهئنلری چاغیریب اونلاردان سوروشدو: «نه اوچون سئز معبدئن اوچوقلارینی تعمئر اتمئرسئنئز؟ ائندی داها خَزئنهدارلارینیزدان اؤزونوز اوچون گوموش آلمایین، اونو معبدئن اوچوقلارینین تعمئری اوچون ورئن.» 8کاهئنلر راضی اولدولار کی، نه خالقدان گوموش آلسینلار، نه ده معبدئن اوچوقلارینی اؤزلری تعمئر اتسئنلر.
9کاهئن یِهویاداع بئر ساندیق گؤتوردو و اونون قاپاغیندا دَلئک آچدی. اونو قوربانگاهین یانینا، ربّئن معبدئنه گئرَن یرده صاغ طرفه قویدو. قاپیدا کشئک چَکَن کاهئنلر ربّئن معبدئنه گتئرئلَن گوموشون هامیسینی اورایا قویوردولار. 10ساندیقدا چوخلو گوموش اولدوغونو گؤرنده، پادشاهین مئرزهسی و باش کاهئن گلئب ربّئن معبدئنده اولان گوموشو ساییب توربالارا دولدوروردولار. 11چکئلَن گوموشو ربّئن معبدئنئن ائشئنه نظارت ادن ریئسلره ورئردئلر. اونلار دا بونو ربّئن معبدئنده ائشلهیَن دولگَرلره، اوستالارا، 12بَنّالارا، داشیونانلارا، ربّئن معبدئنئن اوچوقلارینی تعمئر اتمک اوچون تخته و یونولموش داشلار ساتین آلان آداملارا ورئردئلر و معبدئن بوتون تعمئر ائشلرئنه خرجلهیئردئلر. 13آنجاق ربّئن معبدئنه گتئرئلمئش گوموشدن معبد اوچون گوموش کاسالار، پئلته ماشالار، لَیَنچهلر، کَرهنایلار و قیزیل یا دا گوموش قابلار دوزَلدئلمئردی. 14چونکی گوموشو ائش گؤرَنلره ورئردئلر و اونونلا ربّئن معبدئنی تعمئر ادئردئلر. 15ائش گؤرَنلره ورمک اوچون اَللرئنه گوموش وردئکلری آداملاردان حساب ائستهمئردئلر، چونکی اونلار صداقتله چالیشیردیلار. 16تقصئر تقدئملرئنئن و گوناه تقدئملرئنئن گوموشو ربّئن معبدئنه گتئرئلمهدی، چونکی او، کاهئنلرئن ائدی.
17او واخت اَرام پادشاهی خَزااِل گلدی و گَته هوجوم ادئب اورانی آلدی. سونرا او، یؤنَلدی کی، اورشلئمه هوجوم اتسئن. 18یهودا پادشاهی یوآش، آتالاری اولان یهودا پادشاهلاری یِهوشافاطین، یِهورامین و اَخَزیانین تقدئس اتدئیی بوتون شیلری، اؤزونون تقدئس اتدئیی شیلری، ربّئن معبدئنئن و سارایین خزئنهلرئندن تاپیلان بوتون قیزیلی گؤتوروب، اَرام پادشاهی خَزااِله گؤندَردی. او دا اورشلئمدن گری چکئلدی.
19یوآشین قالان ائشلری و اتدئیی هر شی بارهده مگر یهودا پادشاهلارینین سالنامهلر کئتابیندا یازیلماییبدیر؟ 20اعیانلاری قالخیب اونون ضئدّئنه قصد حاضیرلادیلار و سئللایا اِنَن یولداکی بِیتمئلّودا یوآشی ووردولار. 21اونو اؤلدورَنلر اعیانلاری شئمعات اوغلو یوزاکار و شومِر اوغلو یِهوزاباد ائدی. یوآش اؤلدو و اونو داوودون شهرئنده، آتالارینین یانیندا باسدیردیلار. اونون یرئنه اوغلو اَمَصیا پادشاه اولدو.
Currently Selected:
۲پادشاهلار 12: SAB
Highlight
Copy
Compare
Share
Want to have your highlights saved across all your devices? Sign up or sign in
@ 2022 Korpu Company
