۱سمویئل 14
14
یوناتانین بؤیوک قَلَبهسی
1بئر گون شاعولون اوغلو یوناتان اؤز سئلاحدارینا کی، جاوان ائدی، ددی: «گل او تایدا اولان فئلئسطلیلرئن کشئک دستهسئنه کِچک.» لاکئن بونو آتاسینا بئلدئرمهدی. 2شاعول گئبعا کناریندا مئقرونداکی نار آغاجی آلتیندا اوتورموشدو. یانینداکی خالق تقرئبن آلتی یوز نفر اولاردی. 3شئلودا ربّئن کاهئنی، عِلی اوغلو پئنِخاس اوغلو ائکابودون قارداشی اَخئطوبون اوغلو اَخئیا، اِفود گِیئنمئشدی. یوناتانین گتدئیئندن خالقین خبری یوخ ائدی.
4فئلئسطلیلرئن کشئک دستهسئنه گتمَک اوچون، یوناتانین کچمک ائستهدئیی کِچئدلر ائکی تئز قایانین آراسیندا ائدی. قایانین بئرئنئن آدی بوصِص، او بئرئنئن آدی دا سِنّه ائدی. 5قایانین بئری شئمال طرفدن مئکماسا، او بئری قایا دا جنوب طرفدن گئبعایا باخیردی. 6یوناتان سئلاحداری جاوانا ددی: «گل بو ختنهسئزلرئن کشئک دستهسئنه کِچک، بلکه رب بئزئم اوچون بئر ائش گؤردو. چونکی آدامین آز یا دا چوخ اولماسی ربّئن قورتولوشونا مانع اولا بئلمز.» 7سئلاحداری اونا ددی: «اورهیئنده نه وارسا، ات. گت، باخ، من ده سنئن اورهیئنئن ائستهیئنه مووافئق، سَنئنلهیم.» 8او واخت یوناتان ددی: «باخ، بو آداملارا طرف گدئب، اؤزوموزو اونلارا گؤرسدهجَیئک. 9اگر بئزه دِسهلر: ”دایانین بئز سئزئن یانینیزا گَلَک“، او زامان یِرئمئزده دوروب اونلارین یانینا چیخماریق. 10لاکئن اگر دِسهلر: ”یانیمیزا چیخین“، او زامان یِرئمئزدن دوروب اونلارین یانینا چیخاریق، چونکی رب اونلاری بئزه تسلئم ادئب و بو بئزئم اوچون علامت اولاجاق.»
11او زامان کی، ائکئسی ده اؤزلرئنی فئلئسطلیلرئن کشئک دستهسئنه گؤرستدئلر، فئلئسطلیلر ددئلر: «باخ، عئبرانئلر گئزلَندئکلری دِشئکلردن چیخیرلار.» 12عسگرلر یوناتانا و اونون سئلاحدارینا باغیریب ددئلر: «یانیمیزا چیخین، سئزه بئر شی دئیهجَیئک.» یوناتان سئلاحدارینا ددی: «دالیمجا گل، چونکی رب اونلاری ائسرایئله تسلئم ادئب.» 13یوناتان، اونون دالینجا سئلاحداری، اَل و آیاقلاری ائله یوخاری دیرماشدیلار. یوناتان فئلئسطلیلری قیریب تؤکدو، آرخادان سئلاحداری دا اونلاری اؤلدوروب ائشلرئنی بئتئرئردی. 14بو ائلک دؤیوشده یاریم ساحه تورپاقدا #14.14 یاریم ساحه تورپاغی ائکی گامیش بئر گونده شوخوملایا بئلردئلر. تقرئبن هِکتارین بِشده بئری اونلار. یوناتانلا سئلاحداری ائیئرمی نفره قدر قیردیلار. 15اوردوگاها، چؤله، بوتون خالق آراسینا ولوله دوشدو. کشئکچی عسگرلر و غارَت هوجومچولاری آراسینا اِله بئر اَسمَجه دوشدو کی، اِله بئل بؤیوک زلزله اولموشدو. 16شاعولون بِنیامئنده اولان گئبعا شهرئندهکی گؤزَتچئلری باخاندا گؤردولر کی، فئلئسطلی قوشونو داغیلیب اورایا-بورایا قاچیر.
17شاعول یانیندا اولان خالقا ددی: «ائندی سایین، گؤرون بئزدن کئم یوخدور.» سایدیقلاری زامان یوناتانلا سئلاحداری اولمادی. 18شاعول اخئیایا ددی: «تارینین ساندیغینی بورایا گتئرئن.» چونکی او واختلار تارینین ساندیغی ائسرایئللیلرئن یانیندا ائدی.
19شاعول کاهئنله دانیشارکَن، فئلئسطلیلرئن اوردوگاهیندان گورولتو گتدئکجه چوخالیردی، اونون اوچون ده شاعول کاهئنه ددی: «اَل ساخلا!» 20شاعول و یانیندا اولان بوتون خالق ییغیلیب دؤیوش میدانینا گتدئلر. باخ، فئلئسطلیلردن هر بئری، قیلینجی اؤز فئلئسطلی یولداشینا چکئردی. چوخ بؤیوک بئر ائغتئشاش اولموشدو.
21اوّلجهدن فئلئسطلیلر طرفئنه کِچَن عئبرانئلر، فئلئسطلیلرله برابر اوردوگاها گلمئشدئلر. اونلار دا شاعولون و یوناتانین یانیندا اولان ائسرایئللیلرله بئرلَشدئلر. 22اِفرایئمئن داغلیق بؤلگهسئنده گئزلهنَن بوتون ائسرایئللیلر ده، فئلئسطلیلرئن قاچدیغینی اشئتدئکده، دؤیوش میدانیندا فئلئسطلیلری قووماغا باشلادیلار. 23بلهجه او گون رب ائسرایئلی قورتاردی و دؤیوش بِیتآوِندن او طرفه کچدی.
24ائسرایئللیلر او گون چوخ فئشار آلتیندا قالمیشدیلار. چونکی شاعول خالقا آند ائچدئرئب دِمئشدی: «آخشاما قدر دوشمنلرئمدن قئصاص آلانا قدر کئم چؤرک یِسه، لعنت اولسون!» خالقدان هچ کئم دئلئنه هچ نه وورمادی. 25بوتون خالق مِشهیه گتدی و تورپاق اوستونده اولان بال شانیسینا راست گلدئلر. 26خالق مِشهده بال شانیسینا راست گلنده، شانیدان بال سوزولوردو، لاکئن هچ کس اَلئنی آغزینا آپارمادی، چونکی خالق آنددان قورخوردو. 27لاکئن یوناتان آتاسینین خالقا آند ائچدئردئیئنی اشئتمهمئشدی. اونا گؤره ده، اَلئندهکی دَیَنهیی اوزادیب اوجونو شانی بالینا باتیردی و اَلئنی آغزینا آپاردی. و گؤزلرئنه ائشیق گلدی.
28او واخت جاماعات آراسیندان بئر نفر ددی: «آتان خالقا بَرک آند ائچدئرئب کی، ”بو گون کئم چؤرک یِسه، اونا لعنت اولسون!“» خالق آرتیق طاقتدن دوشموشدو. 29یوناتان ددی: «آتام اؤلکهیه عذاب ورئب. باخین، بو بالدان بئر آز داددیم، گؤر نجه گؤزلرئم ائشیقلاندی! 30اگر بو گون دوشمنلردن اَله کچئردئلَن یمکلری خالق دویونجا یِمئش اولسایدی، گؤر نهلر اولاردی! چونکی فئلئسطلیلرئن اؤلدورولمهسی ائندئیه کئمی اِله ده بؤیوک اولماییب.»
31همئن گون ائسرایئللیلر مئکماسدان اَیّالونا قدر فئلئسطلیلری قیردیلار. خالق چوخ یورغون ائدی. 32خالق دوشمن مالی اوستونه دوشوب قویون-کِچئلری، اؤکوزلری، و بوزوولاری یِرئندهجه کَسدئلر و اونلاری قانلی-قانلی یدئلر. 33بونو شاعولا خبر وردئلر: «باخ، خالق اَتی قانلی-قانلی یئیهرَک ربّئن ضئدّئنه گوناه ادئر.» شاعول ددی: «خیانت ادئبسئنئز، بو گون منی بؤیوک بئر داش آلتیندا اَزئن.» 34شاعول سؤزونه داوام وردی: «خالقین آراسینا گدئب اونلارا دیئن: ”هر کس اؤکوزونو یا دا قویونونو یانیما گتئرسئن. اونو بورادا کَسئب یِسئن. اَتی قانلی-قانلی یئیهرَک ربّئن ضئدّئنه گوناه اتمهیئن.“» بلهجه بوتون خالق او گجه اؤکوزونو اؤز اَلی ائله اورایا گتئرئب کَسدی. 35شاعول ربّه بئر قوربانگاه دوزَلتدی. بو اونون رب اوچون قوردوغو ائلک قوربانگاه ائدی.
36شاعول ددی: «فئلئسطلیلرئن دالینجا گجه ائکَن دوشَک کی، سحر آچیلانا قدر اونلاری تالان اِدَک و اونلاردان هچ کئمی صاغ بوراخمایاق.» اونا ددئلر: «گؤزونده نه خوشدور، ات.» لاکئن کاهئن ددی: «گلئن بورایا، تارینین حوضورونا یاخینلاشاق.» 37شاعول تاریدان سوروشدو: «آیا فئلئسطلیلرئن دالینجا دوشوم؟ آیا اونلاری ائسرایئللیلره تسلئم ادهجکسن؟» لاکئن تاری او گون اونا جاواب ورمهدی. 38شاعول ددی: «ای بوتون خالقین باشچیلاری، بورایا یاخینلاشین. آراشدیریب گؤرون بو گون بو گوناه نجه باش ورئب. 39چونکی ائسرایئلی قورتاران، وار اولان ربّه آند اولسون، بو ائشده اوغلوم یوناتان تقصئرکار اولسا بِله، گرک اؤلومه ورئلسئن.» لاکئن خالق آراسیندان اونا جاواب ورن اولمادی. 40شاعول بوتون ائسرایئللیلره ددی: «سئز بئر طرفده، من و اوغلوم دا آیری بئر طرفده دوراق.» خالق شاعولا ددی: «گؤزونده نه خوشدور، ات.» 41شاعول ائسرایئلئن تاریسی ربّه ددی: «حقئقتی اوزه چیخارت!» پوشک شاعوللا یوناتانا دوشدو. خالق تمئزه چیخدی. 42شاعول ددی: «منئمله اوغلوم یوناتان آراسیندا دا پوشک آتین.» پوشک یوناتانا دوشدو. 43شاعول یوناتانا ددی: «نه ادئبسن، منه بئلدئر!» یوناتان اونا ددی: «آنجاق اَلئمده اولان دَیَنهیئن اوجو ائله بئر آز بال دادمیشام، بونا گؤره مگر اؤلمهلییَم؟» 44شاعول ددی: «یوناتان، تاری منه بِلهسئنی و بوندان بَتَرئنی اتسئن! سن حقئقتن اؤلمهلیسن.» 45خالق شاعولا بله ددی: «ائسرایئلده بله بؤیوک قورتولوش گتئرن یوناتان مگر گرک اؤلسون؟ اصلا! وار اولان ربّه آند اولسون، اونون باشیندان بئر توک بِله، یِره دوشمهیهجک. چونکی بو گون او، تارینین کؤمهیی ائله ائش گؤردو.» بلهجه، خالق یوناتانی خئلاص اتدی و او اؤلمهدی.
46شاعول داها فئلئسطلیلری تعقئب اتمهیئب گری قاییتدی و فئلئسطلیلر اؤز یِرلرئنه قاییتدیلار.
47بلهجه، شاعول ائسرایئل اوستونده پادشاه اولاندان سونرا اطرافداکی بوتون دوشمنلرئنئن ضئدّئنه یعنی موآبلیلارین، عَمّونلولارین، اِدوملولارین، صوبا پادشاهلارینین و فئلئسطلیلرئن ضئدّئنه دؤیوشدو. هانسی طرفه دؤنوردو، اونلارین باشینا بلا گتئرئردی. 48او شوجاعت گؤرسهدئب عَمالِقلئلری مغلوب اتدی و ائسرایئلی تالان ادنلرئن اَلئندن قورتاردی.
49شاعولون اوغوللاری یوناتان، یئشوهی و مِلکئشوعه ائدی. ائکی قیزیندان بؤیوکونون آدی مِرَب، کئچئیئنئن آدی دا مئکَل ائدی. 50شاعولون آروادینین آدی اَخئماعاص قیزی اَخئنوعَم ائدی. قوشونونون باشچیسی دا عَمئسی نِرئن اوغلو آبنِر ائدی. 51شاعولون آتاسی قئش، و آبنِرئن آتاسی نِر، اَبیاِلئن اوغولو ائدی.
52شاعولون عؤمرو بویو فئلئسطلیلرئن ضئدّئنه شئدّتلی دؤیوشلر ده اولدو و او، گوجلو یا دا جسور بئر آدام گؤرَن زامان اونو اؤز یانینا گؤتوروردو.
Currently Selected:
۱سمویئل 14: SAB
Highlight
Copy
Compare
Share
Want to have your highlights saved across all your devices? Sign up or sign in
@ 2022 Korpu Company
