۱سمویئل 13
13
شاعولون صبئرسئزلئیی
1شاعول پادشاه اولان زامان اوتوز یاشیندا ائدی#13.1 «اوتوز» کلمهسی عئبرانی متنده یوخدور و ائسرایئلئن اوستونده قیرخ#13.1 «قیرخ» کلمهسی عئبرانی متنده یوخدور ائکی ائل پادشاهلیق اتدی. 2شاعول اؤزو اوچون اوچ مئن نفر ائسرایئللی سچدی. بونلاردان ائکی مئن نفر مئکماسدا و بِیتائل تپهلرئنده شاعولون یانیندا قالدیلار، مئن نفر ده بِنیامئنئن گئبعا شهرئنده یوناتانین یانیندا ائدئلر. شاعول خالقین قالان حئصّهسئنی اؤز چادیرلارینا گؤندَردی. 3یوناتان گئبعاداکی فئلئسطلیلرئن کشئک دستهسئنی مغلوب اتدی. فئلئسطلیلر بونو اشئتدئلر. شاعول بوتون اؤلکهده کَرهنای چالدیریب ددی: «عئبرانئلر اشئتسئنلر.» 4ائسرایئللیلرئن هامیسی اشئتدئلر کی، شاعول فئلئسطلیلرئن کشئک دستهسئنی مغلوب ادئب و فئلئسطلیلر ائسرایئلدن ائیرهنئرلر. سونرا خالق شاعولون اطرافیندا ییغیلماق اوچون گئلگالا چاغیریلدی. 5فئلئسطلیلر ائسرایئلله ووروشماق اوچون ییغیلدیلار. اوتوز مئن دؤیوش عاراباسی، آلتی مئن آتلی و دهنز ساحئلئندهکی قوم قدر جاماعات چیخیب بِیتآوِنئن شرقئنده، مئکماسدا اوردوگاه قوردولار.
6ائسرایئللیلر مَضئقهیه دوشدوکلرئنی گؤردولر، چونکی خالق ائضطئراب ائچئنده ائدی. او واخت خالق ماغارالاردا، مِشهلئکلرده، قایالاردا، یِرآلتی آنبارلاردا و قویولاردا گئزلَندی. 7عئبرانئلردن بعضئلری اوردون چاییندان جاد و گئلعاد تورپاغینا کچمئشدئلر. لاکئن شاعول حله ده گئلگالدا ائدی و بوتون خالق قورخودان اَسه-اَسه اونون دالینجا گدئردی.
8شاعول سمویئلئن تعیئن اتدئیی واختا قدر یدّی گون گؤزلهدی، لاکئن سمویئل گئلگالا گلمهدی، اونا گؤره ده خالق شاعولون یانیندان داغیلماغا باشلادی. 9شاعول ددی: «یاندیرما قوربانینی و باریش قوربانینی یانیما گتئرئن.» و یاندیرما قوربانینی تقدئم اتدی. 10یاندیرما قوربانینین تقدئمی قورتاراندا سمویئل گلئب چاتدی و شاعول سالاملاشماق اوچون اونون پئشوازینا چیخدی. 11آمّا سمویئل ددی: «سن نه ادئبسن؟» شاعول ددی: «گؤردوم کی، اطرافیمداکی خالق داغیلیر، سن ده تعیئن اتدئیئن گون گلمهدئن و فئلئسطلیلر مئکماسدا ییغیلیرلار، 12ددئم کی، ائندی فئلئسطلیلر گئلگالا، اوستومه گلهجکلر، آمّا من حله ربّئن راضیلیغینی آلمامیشام. اونا گؤره ده اؤزومو مجبور ادئب، یاندیرما قوربانینی تقدئم اتدئم.» 13سمویئل شاعولا ددی: «آغیلسیزلیق ادئبسن، تارین ربّئن سنه وردئیی امره عمل اتمهیئبسن. بله اولماسایدی، رب ائسرایئل اوستونده سنئن پادشاهلیغینی ابدی ساخلایاجاق ائدی. 14لاکئن ائندی پادشاهلیغین داوام اتمیهجک. رب اؤزو اوچون، اؤز اورهیئنه یاتان بئر آدام تاپیب. و رب بو آدامی خالقینا باشچی تعیئن ادئب. چونکی سن ربّئن وردئیی امرلری ساخلاماییبسان.» 15بوندان سونرا سمویئل گئلگالی ترک ادئب بِنیامئنلیلرئن گئبعا شهرئنه گتدی. شاعول یانیندا اولان خالقی سایدی: تقرئبن آلتی یوز نفر ائدئلر.
16شاعول، اوغلو یوناتان، و یانیندا اولان خالق بِنیامئنلیلرئن گئبعا شهرئنده ائدئلر. فئلئسطلیلر ده مئکماسدا اوردوگاه قورموشدولار. 17فئلئسطلیلرئن اوردوگاهیندان غارَتچی هوجومچولار اوچ دستهیه بؤلونوب چیخدیلار: بئر دسته عوفرا یولونا، شوآل تورپاغینا طرف گتدی، 18آیری دسته بِیتخورون یولونا طرف گتدی. او بئری دسته ده سرحد یولونا یؤنَلدی کی، چؤل سمتئنده صِبوعئم درهسئنه باخیردی.
19بوتون ائسرایئل اؤلکهسئنده بئر نفر ده اولسون، دمئرچی یوخ ائدی. فئلئسطلیلر دمئشدئلر کی، «قوی عئبرانئلر قیلینج یا دا نئزه دوزَلتمهسئنلر.» 20بلهجه بوتون ائسرایئللیلر کوتانلارینی، کَرکئلرئنی، بالتالارینی و اوراقلارینی ائتئلتمک اوچون فئلئسطلیلرئن یانینا گلئردئلر. 21کوتانین و کَرکئنئن ائتئلتمه قئیمتی شِکِلئن اوچده ائکئسی #13.21 تقرئبن ۸ گرم ائدی. چَنگلئن، بالتالارین و بئزلر ائتئلتمه قئیمتی شِکِلئن اوچده بئری. 22اونا گؤره ده موحارئبه زامانی شاعوللا یوناتانین یانیندا اولان خالقین اَلئنده قیلینج و نئزه یوخ ائدی، بو سئلاحلار آنجاق شاعولون و اوغلو یوناتانین اَلئنده وار ائدی.
23فئلئسطلیلرئن کشئک دستهسی مئکماس کچئدئنه چیخدی.
Currently Selected:
۱سمویئل 13: SAB
Highlight
Copy
Compare
Share
Want to have your highlights saved across all your devices? Sign up or sign in
@ 2022 Korpu Company
