۱پادشاهلار 21
21
نابوطون اوزوم باغی
1یئزرِعِلده، سامئره پادشاهی اَخابین سارایینین یانیندا یئزرِعِللی نابوت آدلی بئرئنئن بئر اوزوم باغی وار ائدی. 2بئر گون اَخاب نابوتلا دانیشیب اونا ددی: «اوزوم باغینی منه ور کی، اورانی اؤزوم اوچون بوستان ادئم، چونکی ساراییما یاخیندیر. من اونون عوضئنه سنه داها یاخشی باغ ورهرم، یا دا اگر مایئلسن، اونون دَیَرئنی سنه پوللا ورهرم.» 3لاکئن نابوت اَخابا ددی: «رب مندن ائراق اتسئن کی، آتالاریمین مئراثینی سنه ورئم!» 4اَخاب سارایینا قاشقاباقلی و قضبلی گلدی، چونکی یئزرِعِللی نابوت اونا دمئشدی کی، «آتالاریمین مئراثینی سنه ورمهرم.» او، یاتاغی اوستونه اوزانیب اوزونو چِوئردی و یمک یِمهدی.
5آروادی ائزِبِل یانینا گلئب اوندان سوروشدو: «نئیه قانین قارادیر، هچ یمک ده یِمئرسن؟» 6او جاواب وردی: «من یئزرِعِللی نابوتلا دانیشیب اونا ددئم: ”اوزوم باغینی پوللا منه سات، یا دا ائستیهسن، اونون عوضئنده سنه باشقا اوزوم باغی ورهرم.“ آمّا او جاواب وردی: ”اوزوم باغیمی سنه ورمهرم.“» 7آروادی ائزِبِل اوندان سوروشدو: «سن ائسرایئل اوستونده بلهجه پادشاهلیق ادئرسن؟ قالخ یمک یِه، اورهیئنی سیخما. یئزرِعِللی نابوتون اوزوم باغینی من سنه ورهرم.» 8او، اَخابین آدیندان مکتوبلار یازدی و اونلاری اَخابین مؤهورو ائله مؤهورلهدی. نابوتون شهرئنده اونونلا بئرلئکده یاشایان آغساقّاللارا و اعیانلارا مکتوبلار گؤندَردی. 9ائزِبِل مکتوبلاردا بله یازدی: «اوروج اعلان ادئن و نابوتو خالقین آراسیندا یوخاری باشدا اَیلَشدئرئن. 10ائکی نفر دَیَرسئز آدامی اونون قاباغیندا اوتوردون و اونلار اونون ضئدّئنه شاهئدلئک ادئب دسئنلر: ”سن هم تارییا، هم ده پادشاها لعنت اتدئن.“ سونرا اونو باییرا چیخاردین و اؤلَنه قدر داشا باسین.»
11نابوتون یاشادیغی شهرئن آداملاری، اورادا یاشایان آغساقّاللار و اعیانلار ائزِبِلئن اونلارا گؤندَردئیی مکتوبلاردا یازدیغی کئمی اتدئلر. 12اونلار اوروج اعلان اتدئلر و نابوتو خالقین آراسیندا یوخاری باشدا اَیلَشدئردئلر. 13ائکی نفر دَیَرسئز آدام گلئب اونون قاباغیندا اوتوردو. اونلار خالقین قاباغیندا نابوتون ضئدّئنه شاهئدلئک ادئب ددئلر: «نابوت هم تارینی، هم ده پادشاهی لعنتلهدی.» سونرا اونو شهرئن باییرینا چیخارتدیلار و داشا باسیب اؤلدوردولر. 14اونلار ائزِبِله خبر گؤندَرئب ددئلر: «نابوت اؤلَنهجک داشا باسیلیب.» 15ائزِبِل نابوتون داشا باسیلیب اؤلدویونو اشئدنده اَخابا ددی: «قالخ یئزرِعِللی نابوتون اوزوم باغینی کی، ائستمهدی اونو سنه پوللا ورسئن، اؤزونه مولک گؤتور، چونکی نابوت صاغ دیئل، اؤلوب.» 16اَخاب نابوتون اؤلدویونو اشئدنده، قالخدی کی، یئزرِعِللی نابوتون اوزوم باغینا گتسئن و اورانی اؤزونه مولک گؤتورسون.
اَخابین نسلی بارهده ائلیانین پیغمبرلئیی
17او واخت تئشبِلی ائلیایا ربّئن بو سؤزو نازئل اولدو: 18«قالخ سامئرهده ائسرایئل پادشاهی اَخابین پئشوازینا گت. او، نابوتون اوزوم باغیندادیر. گدئب کی، اورانی اؤزونه گؤتورسون. 19سن اونونلا دانیشیب اونا دِه کی، رب بله دیئر: ”آدام اؤلدوروب اؤزونه مولک ده گؤتورورسن؟“ سونرا اونا دِه کی، رب بله دیئر: ”نابوتون قانینی ائتلر هارادا یالادیلار، سنئن قانینی دا اورادا یالایاجاقلار.“»
20اَخاب ائلیادان سوروشدو: «ای دوشمنئم، نهایت منی ده تاپدین؟» او جاواب وردی: «سنی ده تاپدیم، چونکی سن ربّئن گؤزونده اؤزونو شرارت اتمهیه ساتیبسان. 21”باخ، سنئن اوستونه بلا گتئرهجیم، سنی یاندیریب محو ادهجیم. ائسرایئلده اَخابین نسلئندن هر اِرکَک جئنسئنی ائستر قول اولسون، ائستر آزاد، کَسئب آتاجاغام. 22من سنئن اِوئنی نِباط اوغلو یَروبعامین اِوی کئمی، اَخئیا اوغلو بَعشانین اِوی کئمی ادهجیم. چونکی سن ائسرایئله گوناه اتدئرمکله منی قضبلَندئردئن.“» 23رب ائزِبِل بارهده دانیشیب ددی: «یئزرِعِل دووارینین ائچهرئسئنده، ائزِبِلی ائتلر یئیهجکلر. 24اَخابین نسلئندن شهرده اؤلهنی ائتلر، چؤلده اؤلهنی ده گؤیلرئن قوشلاری یئیهجک.»
25حقئقتن، اَخاب کئمی ربّئن گؤزونده شرارت اتمهیه اؤزونو ساتان حله اولمامیشدی. چونکی آروادی ائزِبِل اونو بونا تحرئک ادئردی. 26اَخاب اِمورلولارین اتدئیی کئمی بوتلره پِیرَو اولماقدا چوخ ائیرنج ائشلر اتدی. رب اِمورلولاری ائسرایئل اؤولادلارینین قاباغیندان قووموشدو.
27اَخاب بو سؤزلری اشئدنده پالتارینی جیریب اَینئنه چول گِیدی. او، اوروج توتوب چولدا یاتدی و یاواش قدملرله گتدی. 28او واخت تئشبِلی ائلیایا ربّئن بو سؤزو نازئل اولدو: 29«گؤرورسن اَخاب منئم حوضورومدا نجه اؤزونو آلچالدیب؟ قاباغیمدا اؤزونو آلچالتدیغی اوچون من بو بلانی اونون دؤورونده گؤندَرمیهجیم، آمّا اوغلونون دؤورونده بو بلانی اونون اِوئنه گؤندَرهجیم.»
Currently Selected:
۱پادشاهلار 21: SAB
Highlight
Copy
Compare
Share
Want to have your highlights saved across all your devices? Sign up or sign in
@ 2022 Korpu Company
