روملولارا 12
12
یاشایان قوربانلار
1بونون اوچون ای قارداشلار، تارینین مرحمتئنئن خاطئرئنه سئزه یالواریرام کی، بدنلرئزی تارییا دئری، موقدّس، و قبول اولان قوربان کئمی تقدئم الهیئن کی، بو سئزئن عئبادتئزدئر. 2و بو دونیایا بنزهمهیئن، بلکی فئکرئزئن تمئزلنمهسی ائنن دیئشئلئن کی، تارینین یاخشی، قبول اولان و کامئل ائرادهسئنئن نه اولدوغونی بئلئب، یرئنه یتئرهسئز.
3چونکی منه باغیشلانان فیض ائنن سئزئن هر بئرئزه دیئرم کی، اؤزوزی حدّئندن آرتیق بؤیوک سایمایین. بلکی هر کس تارینین اونا وردئیی ائمان اؤلچوسونه گؤره، اؤز دوشونجهلرئنده دوغری اولسون. 4چونکی نجه کی، بئزئم بئر بدنئمئزده چوخلی عوضولر وار، آمّا اولارین هامیسینین ائشی بئر دیئل، 5اوجور بئز ده چوخ اولان حالدا، مسئحده بئر بدنئک و هامیمیز بئربئرئمئزه عوضولرئک. 6چونکی بئزه ورئلن فیضه گؤره، جوربهجور روحانی عطالاریمیز وار؛ اگر بئرئنئن عطاسی نبئلئکدئر، ائمانینین اؤلچوسونه گؤره ائشلدسئن. 7اگر خئدمتدئر، خئدمتی ائنن. اگر موعلّئمدئر، تعلئمی ائنن. 8اگر نصئحت وِرَندئر، نصئحتی ائنن. اگر احسان الهیندئر، سخاوت ائنن. اگر رهبرلئک الهیندئر، قیرت ائنن. اگر مرحمت گؤرسهدندئر، اوزو-آچیقلیق ائنان بو ائشی الهسئن.
حقئقی ائماندارین نئشانهلری
9قویون محبّت رئیاسیز اولسون. پئسلئکدن ائکراه الهیئن، یاخشیلیغا یاپیشین. 10قارداشلیق سوگئسی ائنن بئربئرئزه وفالی اولون، حؤرمت الهمکده بئربئرئزی اؤتون. 11قیرتده دالا دوشمهیئن، روحدا قاینایین و ربّه قوللوق الهیئن. 12اومئدده سِوئنئن، دارلیغا دؤزون، دوعایا باغلی قالین. 13موقدّسلرئن احتئیاجلارینی رفع الهمکده شرئک اولون، قوناق سِون اولون.
14سئزه عذاب ورنلره برکت ورئن؛ قارغیش یوخ، خیئر-دوعا ورئن. 15سوئنَنلر ائنن سوئنئن، آغلایانلار ائنان آغلایین. 16بئربئرئز ائنن همفئکئر اولون؛ تکبّورلی اولمایین، بلکی آلچاقلار ائنان دا دوستلوق الهیئن. اؤزوزی عالئم سایمایین.
17هچ کئمه پئسلئک عوضئنه پئسلئک اله مهیئن. بوتون ائنسانلارین گؤزونده یاخشی اولان شیلره احتئرام قویون. 18اگر مومکوندور، اَلئزدن گلدئیی قدر بوتون آداملار ائنان صولح و سالاماتلیق ائچئنده یاشایین. 19ای عزئزلر، قئصاص آلمایین، بلکی اونی تارینین قضبئنه تاپشیرین، چونکی یازیلیب: «رب دیئر: قئصاص منئمدئر، عوضئنی من ورهجهیم. 20آمّا اگر دوشمنئن آجدیر، اونا یمک ور، اگر سوسوزدور، اونا سو ائچئرت. چونکی بونی الهمک ائنن اونون باشینا کؤز کؤمور ییغیرسان.» 21پئسلئیه مغلوب اولمایین، پئسلئیه یاخشیلیق ائنان قالئب گلئن.
Currently Selected:
روملولارا 12: CAB
Highlight
Copy
Compare
Share
Want to have your highlights saved across all your devices? Sign up or sign in
@ 2024 Korpu Company
