Popular Bible Verses from روملو‌لارا 12

Share

و بو دونیایا بنزه‌مه‌یئن، بلکی فئکرئزئن تمئزلنمه‌‌سی‌ ائنن دیئشئلئن کی، تارینین یاخشی، قبول اولان و کامئل ائراده‌سئنئن نه اولدوغونی بئلئب، یرئنه یتئره‌سئز.

بونون اوچون ای قارداشلار، تارینین مرحمتئنئن خاطئرئنه سئزه یالواریرام کی، بدنلرئزی تارییا دئری، موقدّس، و قبول اولان قوربان کئمی تقدئم اله‌یئن کی، بو سئزئن عئبادتئزدئر.

اومئدده سِوئنئن، دارلیغا دؤزون، دوعایا باغلی قالین.

پئسلئیه مغلوب اولمایین، پئسلئیه یاخشیلیق ائنان قالئب گلئن.

قارداشلیق سوگئسی‌ ائنن بئربئرئزه وفالی اولون، حؤرمت اله‌مکده بئر‌بئرئزی اؤتون.

قویون محبّت رئیاسیز اولسون. پئسلئکدن ائکراه اله‌یئن، یاخشیلیغا یاپیشین.

اگر مومکوندور، اَلئزدن گلدئیی قدر بوتون آداملار ائنان صولح و سالاماتلیق ائچئنده یاشایین.

ای عزئزلر، قئصاص آلمایین، بلکی اونی تارینین قضبئنه تاپشیرین، چونکی یازیلیب: «رب دیئر: قئصاص منئمدئر، عوضئنی من وره‌جه‌یم.

قیرتده دالا دوشمه‌یئن، روحدا قاینایین و ربّه قوللوق اله‌یئن.

چونکی منه باغیشلانان فیض‌ ائنن سئزئن هر بئرئزه دیئرم کی، اؤزوزی حدّئندن آرتیق بؤیوک سایمایین. بلکی هر کس تارینین اونا وردئیی ائمان اؤلچوسونه گؤره، اؤز دوشونجه‌لرئنده دوغری اولسون.

هچ کئمه پئسلئک عوضئنه پئسلئک اله مه‌یئن. بوتون ائنسانلارین گؤزونده یاخشی اولان شیلره احتئرام قویون.

بئربئرئز ائنن همفئکئر اولون؛ تکبّورلی اولمایین، بلکی آلچاقلار ائنان دا دوستلوق اله‌یئن. اؤزوزی عالئم سایمایین.

آمّا اگر دوشمنئن آجدیر، اونا یمک ور، اگر سوسوزدور، اونا سو ائچئرت. چونکی بونی اله‌مک ائنن اونون باشینا کؤز کؤمور ییغیرسان.»

سئزه عذاب ورنلره برکت ورئن؛ قارغیش یوخ، خیئر-دوعا ورئن. سوئنَنلر‌ ائنن سوئنئن، آغلایانلار ائنان آغلایین.

موقدّسلرئن احتئیاجلارینی رفع اله‌مکده شرئک اولون، قوناق سِون اولون.

چونکی نجه کی، بئزئم بئر بدنئمئزده چوخلی عوضولر وار، آمّا اولارین هامیسینین ائشی بئر دیئل، اوجور بئز ده چوخ اولان حالدا، مسئحده بئر بدنئک و هامیمیز بئربئرئمئزه عوضولرئک.