روملولارا 13
13
حاکئمئیّته تابع اولماق
1هرکس حؤکومت منصبلرئنه تابع اولسون، چونکی اِله بئر حؤکومت یوخدور کی، تاری طرفئندن اولماسین و مؤوجود اولان حؤکومتلر ده تاری طرفئندن تعیئن اولونوب. 2بونا گؤره ده حؤکومته ضئدّ دوران، تارینین تعیئن الهدئیئنه ضئدّ دورور و ضئدّ دورانلار اؤزلرئنه محکومئیّت گتئرهجکلر. 3چونکی یاخشی رفتار الهینلر حاکئملردن قورخمورلار، آمّا پئس رفتار الهینلر اولاردان قورخورلار. ائستهیئرسن کی، حؤکومتدن قورخمایاسان؟ یاخشی ائش گؤر و او، سنی تعرئفلهیر. 4چونکی او سنئن خیئرئن اوچون تارینین خئدمتچئسیدئر. آمّا اگر پئس ائش گؤرهسن، قورخ! چونکی او، بوش یره قیلینج داشیمیر؛ او تارینین خئدمتچئسی و ائنتئقام آلاندیر کی، پئس ائش گؤرهنه تارینین قضبئنی گتئرئر. 5بو سببدن آنجاق قضبه گؤره یوخ، بلکی وئجدانین خاطئرئنه گؤره ده تابع اولماق لازیمدیر.
6مالیاتی دا بونا گؤره ورئرسئز؛ چونکی حاکئملر تارینین خئدمتچئسیدئرلر و اؤزلرئنی بو ائشه وقف الهیئبلر. 7هرکسه حاقّینی ورئن؛ اگر باجدیر، باجی؛ اگر مالیاتدیر، مالیاتی؛ اگر قورخودور، قورخونی؛ اگر احتئرامدیر، احتئرامی.
محبّت شرئعتئن یرئنه یتئرئلمهسیدئر
8بئربئرئزی سومکدن باشقا هچ کئمه بورجلی اولمایین، چونکی اؤزگهنی سِوَن شرئعتی یرئنه یتئرئب. 9چونکی «زئنا اله مه»، «آدام اؤلدورمه»، «اوغورلوق الهمه»، «طاماحکارلیق اله مه» و بوندان باشقا نه امر وار، بو کلامدا خولاصه اولور: «قونشونی اؤزون کئمی سِو.» 10محبّت قونشویا پئسلئک اِله مز، اونا گؤره ده محبّت شرئعتئن یرئنه یتئرئلمهسیدئر.
11و بونی الهیئن، چونکی زامانی بئلئرسئز کی، سئزئن یوخودان اویانماغیزین واختی آرتیق گلدی؛ چونکی ائندی خئلاص ائمان گتئردئیئمئز واختدان داها یاخیندیر. 12گجه کچئب و گوندوز عنقرئب یتئشئر؛ اونا گؤره ده قارانلیق ائشلرئنی بوراخاق و نور سئلاحینا گیئنک. 13گوندوز ائشیغیندا اولانلار کئمی دوز رفتار اله یک؛ عیش-عئشرت و کفلئلئک ائنن یوخ، عئفّتسئزلئک و عیاشلیق ائنان یوخ، داعوا و حسد ائنن یوخ. 14آمّا رب عئسا مسئحی گِیئن و جئسمه اِله تداروک گؤرمهیئن کی، شهوتلرئنی یرئنه یتئرسئن.
Currently Selected:
روملولارا 13: CAB
Highlight
Copy
Compare
Share
Want to have your highlights saved across all your devices? Sign up or sign in
@ 2024 Korpu Company
