مرقوس روایت 16
16
عئسانین اؤلولردن دئرئلمهسی
1شنبه گونی کچندن سورا، مجدللی مریم، یعقوبون آناسی مریم، و سالومه عطئرلر آلدیلار کی، گدئب عئسانی عطئرلهسئنلر. 2و هفتهنئن اَوّلکی گونی، سحر چوخ تِزدن، گون چیخان واخت مقبرهیه ساری گلدئلر. 3و آرالاریندا دیئردئلر: «گؤرهسن قبئرئن آغزینداکی داشی بئزئم اوچون کئم دئیئرلهدهجک؟» 4آمّا باخاندا، داشی بئر یانا دئیئرلنمئش گؤردولر. او داش چوخ بؤیوک بئر داش ائدی. 5مقبرهیه گئردئلر و صاغ طرفده آغ پالتار گیئنمئش بئر جاوانی اوتورموش گؤرَنده حیرت الهدئلر. 6جاوان اولارا ددی: «قورخمایین! سئز چارمیخا چکلئمئش ناصئرهلی عئسانی آختاریرسیز. او دئرئلئب، بوردا دیئل. باخین، اونی قویدوقلاری یر بورادیر. 7ائندی گدئن اونون شاگئردلرئنه و پطروسا دیئن کی، او سئزدن قاباق جلئله گدئر. ددئیی کئمی اونی اوردا گؤرهجکسئز.» 8اولار مقبرهدن چیخیب قاچدیلار، چونکی تئترهمه و حیرت اولاری بوروموشدی. قورخدوقلاریندان هچ کسه بئر شی دمهدئلر.
9هفتهنئن اوّلکی گونی سحر تِزدن، عئسا دئرئلندن سورا اوّلده اؤزونی مجدللی مریمه گؤرستدی. عئسا مریمدن یدّی ائبلئس روح قووموشدی. 10مریم گدئب عئسا ائنن اولانلارا خبر وردی. اولار یاس توتوب آغلاییردیلار. 11آمّا عئسانین دئری اولوب اونا گؤروندویونی اِشئدنده ائنانمادیلار.
12بو شیلردن سورا، عئسا اولاردان ائکئسئنه، آیری بئر شکئلده کنده گدن واخت گؤروندی. 13بولار قاییدیب شاگئردلره خبر وردئلر، آمّا اولار بولارا دا ائنانمادیلار.
14و اوندان سورا عئسا اؤزونی او اونبئر شاگئرده، اولار سوفره باشیندا اولاندا ظاهئر الهدی و اولاری ائمانسیزلیقلاری و داش اورَکلی اولدوقلاری اوچون دانلادی. چونکی اولارین سؤزلرئنه کی اؤلولردن دئرئلندن سورا اونی گؤرموشدولر، ائنانمامیشدیلار. 15عئسا اولارا ددی: «بوتون دونیایا گدئن و بو خوش خبری بوتون خالقا اعلان الهیئن. 16ائمان گتئرئب تعمئد قوسلی آلان نئجات تاپاجاق؛ آمّا ائمان گتئرمهین محکوم اولاجاق. 17بو علامتلر ائمان گتئرنلر ائنن اولاجاق: منئم آدیم ائنان ائبلئس روحلاری قوواجاقلار و تزه دئللر ائنن دانیشاجاقلار. 18ائلانلاری اَللری ائنن توتاجاقلار. اؤلدورن زَهَر ده ائچسهلر، اولارا زئیان یتئشمهیهجک. ناخوشلار اوستونه اللرئنی قویاجاقلار و اولار صاغالاجاقلار.»
19رب عئسا اولار ائنان صؤحبت الهیندن سورا گؤیه قالخدی و تارینین صاغیندا اوتوردی. 20شاگئردلر ده گدئب، تارینین سؤزونی هر یرده اعلان الهیئردئلر. رب اولار ائنان ائدی و کلامی آرخادان گلن مؤجوزهلر ائنن تصدئق الهیئردی.
Currently Selected:
مرقوس روایت 16: CAB
Highlight
Share
Compare
Copy
Want to have your highlights saved across all your devices? Sign up or sign in
@ 2024 Korpu Company
