مرقوس روایت 13
13
گلهجک بارهده
1عئسا معبددن چیخاندا شاگئردلرئندن بئری اونا ددی: «اوستاد باخ! نه بؤیوک داشلار، نه عظمتلی عئمارتلر!» 2عئسا اونا ددی: «بو بؤیوک عئمارتلری گؤرورسن؟ داش- داش اوسته قالمایاجاق، هر شی ییخیلاجاق.»
3عئسا، زیتون داغیندا، معبدئن قاباغیندا اوتورموشدی کی، پطروس، یعقوب، یوحنّا، و آندریاس آیریجا اوندان سوروشدولار: 4«بئزه ده گؤرک بو ددئکلرئن نه زامان اولاجاق؟ بو ائشلرئن باش ورمهسی واختینین یاخینلاشما علامتی نهدئر؟» 5عئسا دا اولارا ددی: «آییق اولون کی، هچ کس سئزی یولدان چیخارتماسین. 6چونکی بئر چوخلاری منئم آدیمدا گلئب دئیهجکلر ”او منم“ و چوخ آداملاری یولدان چیخارداجاقلار. 7جنگلر و موحارئبهلر خبرلرئنی اشئتدئیئز زامان، اورهیئز اوزولمهسئن. بوتون بولار گرک یرئنه یتئشه، آمّا آخیر زامان حله یتئشمهیئب. 8چونکی مئلّت مئلّتئن، مملکت مملکتئن ضئدّئنه قالخاجاق. موختلئف یِرلرده زلزلهلر اولاجاق، آجلیق دوشهجک، بولار دوغوم سانجیلارینین باشلانماسیدیر.
9آمّا سئز آییق اولون. سئزی محکمهلره ورهجکلر، عئبادتگاهلاردا دؤیولهجکسئز و منه گؤره، سئز والئلر و پادشاهلار حوضوروندا دوراجاقسیز کی، اولارا شهادت اولسون. 10اوّل گرک ائنجئلئن خوش خبری بوتون مئلّتلره اعلان اولا. 11سئزی توتوب تسلئم الهدئکلری زامان، نه دئیهجهیئزئن بارهسئنده نئگاران اولمایین. او ساعاتدا سئزه نه ورئلسه، اونی دیئن. چونکی دانیشان سئز دیئلسئز بلکی تارینین موقدّس روحودور. 12قارداش قارداشی و آتا اؤولادینی اؤلومه تسلئم اِلئیهجک. اؤولادلار آتا-آنالارینین ضئدّئنه قالخاجاقلار و اولاری اؤلدوردهجکلر. 13منئم آدیما گؤره هامی سئزدن نئفرت اِلئیهجک. آمّا آخیرا کئمی دایانان نئجات تاپاجاق.
14دانیال پیغمبرئن یازدیغی کئمی، خارابالیق گتئرن ائیرنج شیئن لایئق اولمایان یرده دوردوغونی گؤردویوز زامان، یهودئیه وئلایتئنده اولانلار داغلارا قاچسینلار. 15دام اوستونده اولان، بئر شی گؤتورمک اوچون آشاغی انئب اِوئنه گئرمهسئن. 16اِلهبوجور اکئن یرئنده اولان آدام دا عاباسینی گؤتورمک اوچون اِوه دؤنمه سئن. 17او گونلرده بویلی اولانلارین و اوشاق اَمئزدئرن آروادلارین، وای حالینا! 18دوعا الهیئن کی، قاچماغیز قیشا راست گلمسئن. 19چونکی او گونلرده اله بؤیوک موصئبت اولاجاق کی، تارینین یاراتدیغی دونیانین باشلانیشیندان ائندئیه کئمی بله بئر شی نه اولوب، نه ده اولاجاق. 20اگر رب او گونلری قیسالتماسایدی، هچ بئر ائنسان نئجات تاپا بئلمزدی. آمّا سچئلمئش اولانلارین خاطئرئنه گؤره، او گونلر قیسالدیلاجاق. 21اگر او زامان بئر کس سئزه دسه: ”باخ، مسئح بوردایر.“ و یا ”باخ، اوردادیر!“، اونا ائنانمایین. 22چونکی یالان اولان مسئحلر و یالان اولان پیغمبرلر ظوهور الئیهجکلر و اله علامتلر و مؤجوزهلر گؤرسدهجکلر کی، مومکون اولسا، سچئلمئشلری ده یولدان چیخاردسینلار. 23آمّا سئز دئقّتلی اولون! سئزه هر شیی قاباقدان خبر وردئم.
24”آمّا او گونلرده او موصئبتدن سورا،
گون قارالاجاق،
آی ائشیغینی ورمهیهجک.
25اولدوزلار گؤیدن دوشهجکلر،
و گؤیلرئن قودرتلری تئترهیهجک.“
26او زامان خالق ائنسان اوغلونی گؤرهجکلر کی بولودلار ائچئنده قودرت و بؤیوک بئر جلال ائنان گلئر. 27ائنسان اوغلی او واخت ملکلرئنی گؤندَرهجک و اؤز سچدئکلرئنی دؤرد طرفدن، یرئن اوجوندان گؤیون اوجونا قدر، ییغاجاق.
28ائندی، انجئر آغاجیندان اؤیرهنئن. خوللاری تزهلهنئب یارپاق آچاندا بئلئرسئز کی، یای آرتیق یاخیندیر. 29اِله بوجور دا، سئز بو شیلرئن باش وردئیئنی گؤرنده، بئلئن کی، او یاخیندیر، قاپیدادیر. 30دوغروسونی سئزه دیئرم؛ بو شیلرئن هامیسی یِرئنه یتئشمهیئنجه بو نسئل آرادان گتمهیهجک. 31گؤی و یِر آرادان گِدهجک، آمّا منئم سؤزلرئم آرادان گتمهیهجک.
مسئحئن گلهجهیی بارهده
32آمّا هچ کس او گون و او ساعاتی بئلمئر، نه گؤیون ملکلری، نه ده اوغول. آتادان باشقا هچ کئم بئلمئر. 33دئقّتلی و اویاق اولون! چونکی او واختین نه زامان اولدوغونی بئلمئرسئز. 34بو، سفره گدن بئر آدامین وضعئنه بنزهر. اِوئندن آیریلان واخت، اِوئنئن ائختئیارینی نؤکرلرئنه ورئب، هرهیه اؤز ائشئنی تاپشیردی و قاپیچییا دا امر الهدی کی، اویاق قالسین. 35سئز ده اویاق قالین، چونکی اِو صاحئبئنئن نه واخت گلهجهیئنی بئلمئرسئز. بئلمئرسئز آخشام گلهجک و یا گجه یاریسی، خوروزلارین بانلادیغی واخت گلهجک و یا سحر. 36یوخسا قفلتن گلئب، سئزی یوخودا تاپار. 37سئزه ددئکلرئمی هر کسه دیئرم: اویاق قالین.»
Currently Selected:
مرقوس روایت 13: CAB
Highlight
Share
Copy
Want to have your highlights saved across all your devices? Sign up or sign in
@ 2024 Korpu Company
