مرقوس روایت 12
12
شرور باغبانلار مثلی
1عئسا مثللر ائنن اولار ائنان دانیشماغا باشلادی: «بئر آدام اوزوم باغی اکدی و اونون اطرافینا دووار چکدی. اوزومی سیخماق اوچون ائچئنده بئر حوووض قازیب، باغدا بئر بورج ده تئکدی و سورا باغی باغبانلارا ائجارهیه ورئب، اؤزگه بئر مملکته گتدی. 2محصول زامانی باغبانلارین یانینا بئر قول گؤندَردی کی، باغین میوه سئندن اولاردان آلسین. 3آمّا باغبانلار قولی توتوب دؤیدولر و الیبوش قایتاردیلار. 4باغ صاحئبی گئنه آیری بئر قول گؤندَردی. آمّا اولار بو قولون باشینی یارالاییب، تحقئر الهدئلر. 5باغ صاحئبی باشقا بئرئنی ده گؤندَردی. اونی دا اؤلدوردولر. آیری بئر چوخ قول گؤندَردی. اولارین بعضئسئنی دؤیدولر، بعضئسئنی ده اؤلدوردولر. 6باغ صاحئبئنئن عزئز بئر اوغلی وار ائدی. ”اوغلوما حؤرمت الئیهجکلر“ دیئب، آخیردا اونی باغبانلارین یانینا گؤندَردی. 7آمّا باغبانلار بئربئرلرئنه ددئلر: ”وارئث بودور! گلئن اونی اؤلدورَک کی، مئراث بئزَه قالسین.“ 8اونی دا توتوب اؤلدوردولر و اوزوم باغیندان اِشئیه آتدیلار. 9ائندی اوزوم باغینین صاحئبی نه اِلئیهجک؟ گلهجک، او باغبانلاری هلاک الهیئب، اوزوم باغینی اؤزگه باغبانلارا ورهجک. 10مگر بو یازینی اوخوماییبسیز کی،
”بنّالارین ردّ الهدئکلری داش،
بئنانین اصلی داشی اولوب.
11بو ربّئن ائشی ائدی،
و گؤزوموزده حیرتلی گؤرونور!“»
12اولار اَللَشدئلر عئسانی بئر نحو ائنن توتسونلار، چونکی باشا دوشدولر کی، بو مثلی اولارین بارهسئنده دیئر. آمّا خالقدان قورخدوقلاری اوچون اونی بوراخیب گتدئلر.
قیصره باج ورمک
13سورا فرئسئلردن و هئرودچولاردان بعضئلرئنی عئسانین یانینا گؤندَردئلر کی، اونون اؤز سؤزی ائنن اونی تورا سالسینلار. 14اولار گلئب عئسایا ددئلر: «اوستاد، بئلئرئک کی، سن صادئق بئر آدامسان و هچ کسدن قورخون یوخدور، چونکی آداملار آراسیندا فرق قویمادان تارینین یولونی دوزلئک ائنن اؤیرَدئرسن. روم ائمپراطورینا خراج ورمک بئزه جائزدئر یا یوخ؟» 15عئسا اولارین ائکیاوزلویونی بئلئب، اولارا ددی: «منی نه اوچون ائمتاحان الهیئرسئز؟ بئر دئنار گتئرئن گؤروم.» 16اونا بئر دئنار گتئردئلر. عئسا اولارا ددی: «اونون اوستونده اولان شَکئل و آد کئمئندئر؟» اولار جاواب وردئلر: «ائمپراطورون.» 17عئسا اولارا ددی: «او زامان ائمپراطورون مالینی ائمپراطورا، تارینین مالینی دا تارییا ورئن.» اولار اونون سوزلرئندن حیرتدن مات قالدیلار.
قئیامت حاقّیندا سوآل
18«اوندان سورا صادوقی فئرقهسئنئن عالئملری عئسانین یانینا گلدئلر. صادوقئلر اؤلولرئن دئرئلمهسئنی ائنکار الهیئردئلر. اولار عئسادان سوروشدولار: 19«اوستاد! موسا پیغمبر بئزئم اوچون یازیب کی، اگر بئر کئشئنئن اِولی قارداشی اؤلسه و آروادینین اوشاقی اولماسا، گرک صاغ قالان قارداش اونون دول آروادینی آلیب، اؤلن قارداشینا نسئل قویا. 20ائندی، یِدّی قارداش وارائدی؛ بئرئنجئسی بئر آرواد آلدی و اوشاقسیز اؤلدی. 21ائکئنجی قارداش او آروادی آلدی و او دا اؤولادسیز اؤلدی. اوچونجوسی ده بله. 22اله بوجور یدّی قارداشین هچ بئرئنئن اوشاقلاری اولمادی. هامیدان سورا آرواد دا اؤلدی. 23بونا گؤره اؤلولر دئرئلَنده او آرواد اولاردان هانسینین آروادی اولاجاق؟ چونکی او، یِدّی سئنئن ده آروادی اولوب.»
24عئسا اولارا ددی: «سئزئن سهو الهدئیئزئن سببی ده اله بودور، چونکی نه موقدّس کئتابی آنلاییرسیز، نه ده تارینین قودرتئنی. الهدیئل؟ 25چونکی اؤلولردن دئرئلن واخت نه اِولهنئرلر نه ده اَره گدئرلر، بلکی گؤیدهکی ملکلر کئمی اولورلار. 26آمّا اؤلولردن دئرئلمه مطلبئنه گلئنجه، مگر موسانین کئتابیندا، آلوولانان بوتا حاقّینداکی روایتده، اوخوماییبسیز کی، تاری اونا دیئر: ”من ائبراهئمئن تاریسی، ائسحاقین تاریسی و یعقوبون تاریسییام؟!“ 27تاری اؤلولرئن تاریسی یوخ، دئرئلرئن تاریسیدیر. سئز چوخ سهو الهیئرسئز.»
لاپ بؤیوک حؤکم
28تؤورات موعلّئملرئندن بئری یاخینلاشیب، اولارین بحثلرئنه قولاق آسدی و عئسانین اولارا یاخشی جاواب وردئیئنی اِشئدنده، عئسادان سوروشدی: «حؤکملرئن لاپ موهومی هانسیدیر؟» 29عئسا جاواب وردی: «حؤکملرئن لاپ موهومی بودور: ”اشئت ای ائسرایئل! رب تاریمیز واحئددئر. 30رب تارینی بوتون اورهیئندن، بوتون جانیندان، بوتون فئکرئندن، و بوتون قووّتئن ائنن سِو.“ 31ائکئنجی حؤکم بودور: ”قونشونی دا اؤزون کئمی سِو.“بولاردان بؤیوک حؤکم یوخدور.» 32تؤورات موعلّئمی عئسایا ددی: «چوخ گؤزل، اوستاد! دوغری ددئن کی، تاری واحئددئر و اونا تای یوخدور. 33و اونی بوتون اوره یئندن، بوتون فهمئندن و بوتون قووّتئندن سومک، و قونشونی دا اؤزون کئمی سومک بوتون یاندیرما هدئیّهلر و قوربانلاردان ارزئشلیدئر.» 34عئسا اونون عاغیلّی جاواب وردئیئنی گؤرنده اونا ددی: «سن تارینین پادشاهلیغیندان اوزاق دیئلسن.» آرتیق هچ کس اوندان بئر شی سوروشماغا جورعت الهمهدی.
مسئح کئمئن اوغلودور؟
35عئسا معبدده تعلئم ورئب بله ددی: «تؤورات موعلّئملری نجه دئیه بئلئرلر کی، مسئح داوود پادشاهین اوغلودور؟ 36داوود اؤزی موقدّس روحدان ائلهام آلیب ددی؛
”رب منئم ربّئمه ددی:
صاغیمدا اوتور،
او زاماناجاق کی، من دوشمنلرئنی آیاقلارینین آلتینا سالام.“
37داوود پادشاه اؤزی، اونی رب چاغیردیغینا گؤره، او، نه جور داوودون اوغلی اولار؟!» اورداکی بؤیوک جاماعات عئسانین سؤزلرئنه شادلیق ائنان قولاق آسیردی.
تؤورات موعلّئملرئندن اؤزوزی گؤزلهیئن
38عئسا تعلئملرئنده اولارا بله ددی: «تؤورات موعلّئملرئندن اؤزوزی گؤزلهیئن. اولار، اوزون عَبالاردا گَزمهیی، میدانلاردا سالام آلماغی، 39عئبادتگاهلاردا باش کورسولری و قوناقلیقلاردا یوخاری یِرلرده اوتورماغی سِوئرلر. 40اولار بئر یاندان دول آروادلارین اِولرئنی اودورلار و او بئری یاندان اؤزلرئنی گؤرسدمک اوچون، اوزون-اوزون دوعالار الهیئرلر. بو آداملارین جزاسی لاپ چوخ آغیر اولاجاق.»
دول آروادین هدئیّهسی
41عئسا معبدئن هدئیّه صاندیغینین قاباغیندا اوتوروب، خالقین نجه صاندیغا پول آتدیغینا باخیردی. بئر چوخ وارلی آداملار چوخ پول آتیردیلار. 42اولاردان سورا بئر دول آرواد گلئب، ائکی قارا پول صاندیغا آتدی. 43عئسا شاگئردلرئنی یانینا چاغیریب ددی: «دوغروسونی سئزه دیئرم، بو کاسیب دول آرواد صاندیغا پول آتانلارین هامیسیندان چوخ آتدی. 44چونکی اولارین هامیسی اؤز وارلارینین چوغلوغوندان هَدئیّه وردئلر، آمّا بو آرواد کاسیبلیغینا باخماییب، بوتون وارینی یعنی کِچئنمک اوچون اَلئنده نه وارائدی، وِردی.»
Currently Selected:
مرقوس روایت 12: CAB
Highlight
Share
Copy
Want to have your highlights saved across all your devices? Sign up or sign in
@ 2024 Korpu Company
