لوقا روایت 3
3
یحیا ربّئن یولونی حاضیرلاییر
1روم ائمپراطوری، تئبرئیوسون حؤکمرانلیغینین اون بِشئنجی ائلئنده، او زامان کی، پونطئیوس پئلاط یهودئیه وئلایتئنئن والئسی ائدی، هئرود جلئل وئلایتئنئن حاکئمی ائدی، اونون قارداشی فئلئپوس ائتورایا و تئراخونئتئس وئلایتلرئنئن حاکئمی ائدی، لئسانئیاس آبئلئنئیا وئلایتئنئن حاکئمی ائدی، 2و حنّا ائنن، قیافا دا لاپ بؤیوک کاهئنلر ائدئلر، تارینین کلامی چؤلده، زکریانین اوغلی یحیایا گلدی. 3یحیا، اوردون چایینین اطرافیندا کی، منطقهلرئن هامیسینی گَزئب آداملارا اعلان الهیئردی کی، گوناهلارینین باغیشلانماسی اوچون، تؤوبه الهیئب تعمئد قوسلی آلسینلار. 4نجه کی، اِشَعیا پیغمبرئن سؤزلرئنئن کئتابیندا یازیلیب:
«بئر آدام چؤلده جار چکئر:
”ربّئن یولونی حاضیرلایین،
اونون یوللارینی دوز الهیئن.
5بوتون دره لر دولاجاق، بوتون داغ-تپه آلچالاجاق،
اَیری یوللار دوز اولاجاق، کله-کؤتور یوللار هامار اولاجاق.
6و بوتون بشر تارینین نئجاتینی، گؤرهجکلر.“»
7یحیا، تعمئد آلماق اوچون اونون یانینا گلن جاماعاتا، دیئردی: «ای افعئلر نسئلی! سئزی کئم آییق سالدی کی گلهجک قَضبدن قاچاسیز؟! 8اله ائشلر گؤرون کی گؤرسنسئن، دوغرودان دا تؤوبه الهیئبسئز. اؤز اؤزوزه دمهیئن ”بئزئم آتامیز، ائبراهئم پیغمبر دئر“. چونکی بونی سئزه دیئرم، تاری قادئردئر کی، بو داشلاردان ائبراهئمه اؤولاد یاراتسین. 9حتّا اله ائندی ده بالتا، آغاجلارین کؤکونه یاتیب. هر آغاج یاخشی ثمره ورمسه، کَسئلئب اودا آتیلار.»
10جاماعات یحیادان سوروشدی: «بئز نه الهیک؟» 11یحیا جاواب ورئب ددی: «ائکی کؤینهیی اولان آدام، بئرئنی اونا ورسئن کی، کؤینهیی یوخدور. یِمهیی اولان آدام دا، بوجور الهسئن.» 12باج ییغانلار دا، تعمئد آلماق اوچون، اونون یانینا گلئب ددئلر: «اوستاد، بئز نه الهیک؟» 13یحیا اولارا ددی: «موعیّن اولونموش اندازه دن آرتیق، خَراج آلمایین.» 14سربازلار دا یحیادان سوروشدولار: «بئز نه الهیک؟» اولارا ددی: «زورائنان، هچ کئمدن پول آلمایین. یالاندان بؤهتان وورمایین. آلدیغیز موزده قانع اولون.»
15اله او حالدا کی خالقین گؤزی یولدا ائدی و هر کس یحیانین حاقّیندا اؤز اورهیئنده فئکئرلهشئردی کی گؤرهسن یحیا، وعده ورئلن مسئحدئر یا یوخ؛ 16یحیا هامیسینا جاواب ورئب ددی: «من سئزی سو ائنن تعمئد وِرئرم، آمّا او کی مندن قودرتلیدئر گلئر. او کی، من اونون باشماغینین باغینی دا آچماغا لایئق دِیئلم. او، سئزی تارینین موقدّس روحی و اود ائنان تعمئد ورهجک. 17اونون شَنهسی اَلئندهدئر اله کی اؤز خرمنئنی سووروب، بوغدانی آنبارینا ییغسین. آمّا سامانی سؤنمهین اود ائنان یاندیراجاق.»
18اِله بوجور یحیا، بئر چوخ آیری نصئحتلر ائنن، خالقا بو خوش خبری اعلان الهیئردی. 19آمّا هئرود حاکئم چونکی، اؤز قارداشینین آروادی هئرودئیاس ائنان اِولَنمئشدی و بوتون پئس ائشلری اوچون ده کی گؤرموشدی، یحیانین طرفئندن دانلاق آلتیندا ائدی، 20هئرود، یحیانی زئندانا سالیب، پئس ائشلرئنه بو پئس ائشی ده آرتیردی.
عئسانین تعمئد قوسلی
21او واخت کی خالقین هامیسی، تعمئد آلیردیلار، عئسا دا تعمئد آلمیشدی و دوعا الهیئردی کی گؤیلر آچیلدی و 22تارینین موقدّس روحی، جئسمانی شَکئلده گؤیرچئن کئمی، عئسانین اوستونه اِندی و گؤیدن بئر سَس گلئب ددی: «سن منئم عزئز اوغلومسان، سندن چوخ راضییام.»
23عئسا، اؤز خئدمتئنه باشلادیغی زامان، اوتوز یاشلاریندا ائدی. خالق اونی یوسئفئن اوغلی بئلئردی و یوسئف عئلینئن اوغلی ائدی. 24عئلی متّا اوغلی، متّا دا لاوی اوغلی، لاوی ده مِلکی اوغلی، مِلکی ده یانّای اوغلی، یانّای دا یوسئف اوغلی ائدی 25یوسئف ماتاتئیا اوغلی، ماتاتئیا دا عاموس اوغلی، عاموس دا ناحوم اوغلی، ناحوم دا حِسلی اوغلی، حِسلی ده ناقّای اوغلی ائدی، 26ناقّای ماآت اوغلی، ماآت دا ماتاتئیاس اوغلی، ماتاتئیاس دا شئمعی اوغلی، شئمعی ده یوسئک اوغلی، یوسئک ده یهودا اوغلی ائدی 27یهودا یوحنّا اوغلی، یوحنّا دا رئسّا اوغلی، رئسّا دا زِروبّابئل اوغلی، زِروبّابئل ده سِعلتی ال اوغلی، سِعلتی اِل ده نِیری اوغلی ائدی، 28نِیری مِلکی اوغلی، مِلکی ده آدّی اوغلی، آدّی ده کوسام اوغلی، کوسام دا اِلمادام اوغلی، اِلمادام دا عئر اوغلی ائدی 29عئر یوسیا اوغلی، یوسیا دا اِلئعِزِر اوغلی، اِلئعِزِر ده یورئم اوغلی، یورئم ده ماتّات اوغلی، ماتّات دا لاوی اوغلی ائدی، 30لاوی شمعون اوغلی، شمعون دا یهودا اوغلی، یهودا دا یوسئف اوغلی، یوسئف ده یونام اوغلی، یونام دا اِلیاقئم اوغلی ائدی، 31اِلیاقئم مئلئیا اوغلی، مئلئیا دا مئنّا اوغلی، مئنّا دا ماتّاتا اوغلی، ماتّاتا دا ناتان اوغلی، ناتان دا داوود پادشاهین اوغلی ائدی، 32داوود یَسّه اوغلی، یَسّه ده عوبئد اوغلی، عوبئد ده بوعَز اوغلی، بوعَز ده سلمون اوغلی، سلمون دا نخشون اوغلی ائدی، 33نخشون عَمئناداب اوغلی، عَمئناداب دا آدمئن اوغلی، آدمئن ده آرنی اوغلی، آرنی ده خِصرون اوغلی، خِصرون ده پِرِص اوغلی، پِرِص ده یهودا اوغلی ائدی، 34یهودا یعقوب اوغلی، یعقوب دا ائسحاق اوغلی، ائسحاق دا ائبراهئم اوغلی، ائبراهئم ده تِرَخ اوغلی، تِرَخ ده ناخور اوغلی ائدی، 35ناخور سِروگ اوغلی، سِروگ ده ریو اوغلی، ریو ده فالِک اوغلی، فالِک ده عِبَر اوغلی، عِبَر ده سِلَع اوغلی ائدی، 36سِلَع کئنان اوغلی، کئنان دا اَرفَکشَد اوغلی، اَرفَکشَد ده سام اوغلی، سام دا نوح اوغلی، نوح دا لِمِک اوغلی ائدی، 37لِمِک مَتوشِلَخ اوغلی، مَتوشِلَخ ده خَنوخ اوغلی، خَنوخ دا یارِد اوغلی، یارِد ده مَهَللهلِل اوغلی، مَهَللهلِل ده کئنان اوغلی ائدی، 38کئنان اَنوش اوغلی، اَنوش دا سِت اوغلی، سِت ده آدم اوغلی، آدم ده تارینین اوغلی ائدی.
Currently Selected:
لوقا روایت 3: CAB
Highlight
Share
Compare
Copy
Want to have your highlights saved across all your devices? Sign up or sign in
@ 2024 Korpu Company
