یوحنّا روایت 14
14
عئسا، تارییا گدن یول
1اورهیئز اوزولمهسئن. تارییا ائمانیز اولسون؛ منه ده ائمانیز اولسون. 2گؤیده کی آتامین اِوئنده چوخ اوتاق وار. اولماسایدی، سئزه دئیردئم. اونا گؤره گدئرم سئزئن اوچون یر حاضیرلایام. 3و اگر گدئب سئزئن اوچون بئر یر حاضیرلاسام، گئنه گلئب سئزی اؤز یانیما آپارارام کی، من اولان یرده سئز ده اولاسیز. 4منئم گدهجه یئم یِرئن یولونی سئز بئلئرسئز.» 5توماس اونا ددی: «یارب، بئز حتّا بئلمئرئک سن هارایا گدئرسن، یولی نجه بئلَک؟» 6عئسا اونا ددی: «یول، حقئقت و حیات منم؛ هچ کس گؤیده کی آتانین یانینا گله بئلمز، مگر من واسئطه اولام. 7اگر منی تانیسایدیز، منئم گؤیده کی آتامی دا تانییاردیز. ائندئدن بله اونی تانیییرسیز و اونی گؤروبسوز.» 8فئلئپوس ددی: «یارب، آتانی بئزه گؤرسد، اله بو بئزئم اوچون کئفایت اِله ر.» 9عئسا اونا ددی: «فئلئپوس، بو قدر سئز ائنن اولان حالدا سن منی حله ده تانیماییبسان؟ منی گؤرن آتانی گؤروب، نجه آتانی بئزه گؤرسد دیئرسن؟ 10ائنانمیرسان کی، من آتادایام و آتا مندهدئر؟ سئزه ددئیئم سؤزلری اؤزومدن دمئرم، بلکی بو، منده ساکئن اولان آتادیر کی، اؤز ائشلرئنی گؤرور. 11ائنانین کی، من آتادایام و آتا دا مندهدئر. هچ اولماسا، او ائشلره گؤره ائنانین.
12دوغروسونی سئزه دیئرم، من الهدئیئم ائشلری، منه ائمان گتئرن آدام دا اِلئیهجک و حتّا بولاردان لاپ بؤیوک ائشلر ده اِلئیهجک، چونکی من آتانین یانینا گدئرم. 13و منئم آدیمدا هر نه ائستهیهسئز، اونی الئیهجهیم کی، آتا اوغولدا جلال تاپسین. 14منئم آدیمدا مندن هر نه ائستهیهسئز، الئیهجهیم.»
موقدّس روحون وعده ورئلمهسی
15«اگر منی سوئرسئز، حؤکملرئمی یرئنه یتئررسئز. 16و من آتادان خاهئش الئیهجهیم و او سئزه باشقا بئر تسلّی ورن ورهجک کی، ابده کئمی سئز ائنن قالسین. 17یعنی حقئقت روحی کی، دونیا اونی قبول الئیه بئلمئر، چونکی نه اونی گؤرور، نه ده اونی تانی ییر؛ آمّا سئز اونی تانیییرسیز، چونکی او سئز ائنن قالیر و سئزده اولاجاق.
18سئزی یتئم بوراخمایاجاغام؛ سئزئن یانیزا گلهجهیم. 19بئر آز مودّتدن سورا، دونیا آرتیق منی گؤرمهیهجک، آمّا سئز منی گؤرهجکسئز. من یاشادیغیم اوچون سئز ده یاشایاجاقسیز. 20او گون آنلایاجاقسیز کی، من آتامدایام و سئز مندهسئز و من سئزدهیم. 21منی سِوَن او آدامدیر کی، حؤکملرئمی ساخلاییر و اولاری یرئنه یتئرئر. منی سِوَن، آتام طرفئندن سوئلهجک و من ده اونی سوئب اؤزومی اونا ظاهئر الئیهجهیم.»
22یهودا نه او ائسکاریوتلی یهودا، عئسایا ددی: «یارب، نه اولوب کی، اؤزونی آرتیق دونیایا یوخ، بئزه ظاهئر الئیهجکسن؟» 23عئسا جاواب ورئب اونا ددی: «منی سِون آدام، منئم سؤزومی یرئنه یتئرر و آتام اونی سِوَر و بئز اونون یانینا گلئب اونونان ساکئن اولاریق. 24منی سِومهین آدام، منئم سؤزلرئمی یرئنه یتئرمز؛ اشئتدئیئز بو سؤزلر منئم اؤزومدن دیئل، بلکی منی گؤندَرَن آتاداندیر.
25«یانیزدا اولاندا بولاری سئزه ددئم. 26آمّا تسلّی وِرَن، همن موقدّس روح کی، آتا منئم آدیمدا گؤندَرهجک، او، سئزه هر شیی اؤیردهجک و سئزه ددئیئم هر شیی سئزه خاطیرلاداجاق. 27سئزئن اوچون باریش قویورام؛ اؤز باریشیمی سئزه ورئرم. منئم سئزه وردئیئم، دونیانین سئزه وردئیی کئمی دیئل. اورهیئز اوزولمهسئن. قورخمایین. 28اشئتدئز کی، سئزه ددئم: ”گدئرم آمّا گئنه یانیزا گلهجهیم.“ اگر منی سِوسَیدئز، آتامین یانینا گدهجهیئمدن سوئنردئز، چونکی آتا مندن بؤیوکدور. 29و ائندی بونی، باش ورمه مئشدن سئزه دیئرم کی، باش وردئیی زامان ائناناسیز. 30آرتیق سئز ائنن دانیشماق اوچون چوخ فورصت قالماییب، چونکی بو دونیانین حؤکمداری گلئر. اونون منئم اوستومده هچ بئر قودرتی یوخدور؛ 31آمّا اونون اوچون کی، دونیا بئلسئن من آتانی سوئرم، آتانین منه امر الهدئکلر یرئنه یتئرئرم. دورون بوردان گدک.
Currently Selected:
یوحنّا روایت 14: CAB
Highlight
Copy
Compare
Share
Want to have your highlights saved across all your devices? Sign up or sign in
@ 2024 Korpu Company
