Popular Bible Verses from یوحنّا روایت 14

Share

سئزئن اوچون باریش قویورام؛ اؤز باریشیمی سئزه ورئرم. منئم سئزه وردئیئم، دونیانین سئزه وردئیی کئمی دیئل. اوره‌یئز اوزولمه‌سئن. قورخمایین.

عئسا اونا ددی: «یول، حقئقت و حیات منم؛ هچ کس گؤیده کی آتانین یانینا گله بئلمز، مگر من واسئطه اولام.

اوره‌یئز اوزولمه‌سئن. تارییا ائمانیز اولسون؛ منه ده ائمانیز اولسون.

آمّا تسلّی وِرَن، همن موقدّس روح کی، آتا منئم آدیمدا گؤندَ‌ره‌جک، او، سئزه هر شیی اؤیرده‌جک و سئزه ددئیئم هر شیی سئزه خاطیرلاداجاق.

منی سِوَن او آدامدیر کی، حؤکملرئمی ساخلاییر و اولاری یرئنه یتئرئر. منی سِوَن، آتام طرفئندن سوئله‌جک و من ده اونی سوئب اؤزومی اونا ظاهئر الئیه‌جه‌یم.»

و من آتادان خاهئش الئیه‌جه‌یم و او سئزه باشقا بئر تسلّی ورن وره‌جک کی، ابده کئمی سئز ائنن قالسین. یعنی حقئقت روحی کی، دونیا اونی قبول الئیه‎ بئلمئر، چونکی نه اونی گؤرور، نه ده اونی تانی ‎ییر؛ آمّا سئز اونی تانی‌ییرسیز، چونکی او سئز ائنن قالیر و سئزده اولاجاق.

و منئم آدیمدا هر نه ائسته‌یه‌سئز، اونی الئیه‌جه‌یم کی، آتا اوغولدا جلال تاپسین. منئم آدیمدا مندن هر نه ائسته‌یه‌سئز، الئیه‌جه‌یم.»

«اگر منی سوئرسئز، حؤکملرئمی یرئنه یتئررسئز.

گؤیده کی آتامین اِوئنده چوخ اوتاق وار. اولماسایدی، سئزه دئیردئم. اونا گؤره گدئرم سئزئن اوچون یر حاضیرلایام.

و اگر گدئب سئزئن اوچون بئر یر حاضیرلاسام، گئنه گلئب سئزی اؤز یانیما آپارارام کی، من اولان یرده سئز ده اولاسیز.

توماس اونا ددی: «یارب، بئز حتّا بئلمئرئک سن هارایا گدئرسن، یولی نجه بئلَک؟»