قالاتئیالیلار 6
6
بئربئرئزئن یوکلرئنی داشییین
1قارداشلار، اگر بئر آدام بئر خاطا اوسته توتولسا بله، سئز روحانئلر اونی حلئملئک روحی ائنن ائصلاح الهیئن. و اؤزوزه دئقّت الهیئن کی، اولمایا کی سئز اؤزوز ده وسوسهیه دوشهسئز. 2بئربئرئزئن یوکلرئنی داشییین و بله یولدان مسئحئن شرئعتئنی یرئنه یتئرئن. 3چونکی اگر بئر کس، بئر زاد اولمایان حالدا، اؤزونی بئر زاد بئلسه، اؤزونی آلدادیر. 4قوی هر کس اؤز ائشئنی ائمتاحانا چکسئن. او واخت فخر الهمهیی آیری بئر آدامدا یوخ، آنجاق اؤزونده اولاجاق. 5چونکی هر کس اؤز یوکونی داشییاجاق.
6کلامی تعلئم آلان، بوتون یاخشی شیلرده، کلامی اونا تعلئم ورهنی شرئک الهسئن.
7آلدانمایین، تارینی مسخره الهمک اولماز. چونکی ائنسان نهیی اَکسه، اونی دا بئچهجک. 8چونکی اؤز جئسمی اوچون اَکَن، جئسمدن فسادلیق بئچهجک. آمّا روح اوچون اَکَن، روحدان ابدی حیات بئچهجک. 9یاخشیلیق الهمکده یورولمایاق. چونکی اگر سوستالماساق، واختیندا بئچهرئک. 10دمهلی، نه قدر فورصتئمئز وار دیر، هامییا، خوصوصَن ائمانلیلار عایئلهسئنه یاخشیلیق الهیک.
ختنه اولماق یوخ، بلکی تزه خئلقت
11گؤرون اؤز اَلئم ائنن نه بؤیوک حرفلر ائنن سئزه یازیرام! 12جئسمده یاخشی گؤرونمک ائستهینلر اللشئرلر کی، سئزی ختنه الهمهیه مجبور الهسئنلر. بو ائشی آنجاق اوندان اؤتری اله یئرلر کی، مسئحئن چارمیخی اوچون عذابا دوشمهسئنلر. 13چونکی حتّا ختنه اولونانلارین اؤزلری ده شرئعتی رئعایت الهمئرلر. آمّا سئزئن ختنه اولونماغیزی ائستهیئرلر کی، سئزئن جئسمئزه فخر الهسئنلر. 14آمّا مندن ائراق اولسون کی، ربّئمئز عئسا مسئحئن چارمیخیندان باشقا آیری بئر شیه فخر الهیئم. او چارمیخین واسئطهسی ائنن دونیا منئم اوچون چارمیخا چکئلئب، من ده دونیا اوچون. 15چونکی نه ختنهلئک، نه ده ختنهسئزلئک بئر شیدئر، بلکی موهوم اولان تزه خئلقت دئر. 16بو قایدا ائنن رفتار الهینلره و تارینین ائسرایئلئنه صولح و سالاماتلیق و رحمت اولسون.
17بوندان سورا، قوی هچ کئم منه اذئیّت ورمهسئن. چونکی من رب عئسانین یارا نئشانهلرئنی بدنئمده داشیییرام.
18قارداشلار، ربّئمئز عئسا مسئحئن فیضی سئزئن روحوز ائنان اولسون. آمئن.
Currently Selected:
قالاتئیالیلار 6: CAB
Highlight
Copy
Compare
Share
Want to have your highlights saved across all your devices? Sign up or sign in
@ 2024 Korpu Company
