قالاتئیالیلار 5
5
مسئح ده آزادلیق
1مسئح بئزی آزادلیق اوچون آزاد الهدی. بونون اوچون برک دایانین و گئنه قوللوغون یوغونا دوشمهیئن.
2باخین، من پولوس، سئزه دیئرم کی، اگر ختنه اولوناسیز، مسئح سئزه هچ فایدالی اولماز. 3ختنه اولونان هر آداما گئنه شهادت ورئرم کی، بوینوندادیر کی شرئعتی کامئل بئر شکئلده یرئنه یتئره. 4سئز کی، ائستهیئرسئز شرئعت وسئلهسی ائنن تبرعه اولوناسیز، مسئحدن محروم اولوبسوز؛ سئز فیضدن دوشوبسوز. 5چونکی بئز، صالحلئک اومئدئنی، موقدّس روحا دایانماق ائنان ائمان واسئطهسی ائنن گؤزلهیئرئک. 6چونکی مسئح عئسادا نه ختنه بئر شیدئر نه ده ختنهسئزلئک. بلکی موهوم ائمان دیر کی، محبّت واسئطهسی ائنن عمل الهیئر.
7یاخشی قاچیردیز، کئم سئزه حقئقتدن ائطاعت الهمکده مانع اولدی؟ 8بو قانع اولماق سئزی دعوت الهیندن دیئل. 9بئر آز مایا بوتون خمئری تورشودور. 10من ربده سئزه اعتئماد الهیئرم کی، آیری بئر جور دوشونمهیهجکسئز. آمّا سئزی چاشدیران، کئم اولور اولسون، اؤز جزاسینی چکهجک. 11آمّا، قارداشلار، اگر من حله ده ختنهلئیی اعلان الهیئرم، بس نه اوچون حله ده عذاب آلتیندایام؟ اِله اولسا ائدی، چارمیخین بودرهمهسی اورتادان قالخیزیلمیشدی. 12کاشکی سئزی چاشدیرانلار اؤزلرئنی خاجه اِله سَیدئلر!
13چونکی قارداشلار، سئز آزادلیغا دعوت اولونوبسوز؛ آنجاق آزادلیغیزی جئسم اوچون فورصت بئلمهیئن، بلکی بئربئرئزه محبّت ائنن قوللوق الهیئن. 14چونکی بوتون شرئعت تک بئر کلمهده یرئنه یتئشئلئر، بوندا کی، «قونشونی اؤزون کئمی سِو.» 15آمّا اگر بئربئرئزی سانجیب اوداسیز، احتئیاطلی اولون کی، اولمایا کی بئربئرئزئن الی ائنن تلف اولاسیز.
روحدا یاشاماق
16آمّا دیئرم: موقدّس روحون واسئطهسی ائنن رفتار الهیئن، او زامان جئسمئن هاوا-هوسلرئنی یرئنه یتئرمزسئز. 17چونکی جئسمئن هاوا-هوسلری موقدّس روحون ضئدّئنهدئر، موقدّس روح دا جئسمئن ضئدّئنه. چونکی بولار بئربئرئنئن ضئدّئنهدئرلر. اِله کی، سئز، ائستهدئیئزی الئیهبئلمهیهسئز. 18آمّا اگر موقدّس روحدان هئدایت اولونورسوز، شرئعت آلتیندا دیئلسئز.
19جئسمئن عمللری بلّیدئر: عئفّتسئزلئک، ناپاکلیق، هرزهلئک؛ 20بوتپرستلئک، جادوگرلئک، دوشمنلئک، داعوالار، حسد، قضب، جرّی-بحث، نئفاق، تفرئقهلر، 21پاخیلّیق، کفلئلئک، عیاشلیق و بونا بنزهر شیلردئر. سئزه اوّللرده ائخطار وردئیئم کئمی، ائندی ده قاباقجادان ائخطار ورئرم کی، بولاری الهینلر تارینین پادشاهلیغینی مئراث آلمایاجاقلار.
22آمّا روحون ثمرهسی محبّت، شادلیق، صولح و سالاماتلیق، صبر، مهرئبانلیق، یاخشیلیق، وفادارلیق، 23حلئملئک و اؤزونه حاکئم اولماقدیر. بو کئمی شیلرئن ضئدّئنه هچ شرئعت یوخدور. 24و اولار کی، مسئح عئسایا عاییددیرلار، جئسمی، شهوتلر و هاوا-هوسلری ائنن چارمیخا چکئبلر. 25اگر موقدّس روح ائنان یاشاییریق، موقدّس روح ائنان دا رفتار الهیک. 26بئربئرئمئزه میدان اوخومایاق، بئربئرئمئزی موبارئزهیه چاغیرمایاق، بئربئرئمئزه پاخیلّیق اله مهیک.
Currently Selected:
قالاتئیالیلار 5: CAB
Highlight
Copy
Compare
Share
Want to have your highlights saved across all your devices? Sign up or sign in
@ 2024 Korpu Company
