اِفِسوسلولارا 1
1
1پولوسدان، کی تارینین ائرادهسی ائنن مسئح عئسانین حوارئسی دئر،
اِفِسوس شهرئنده اولان و مسئح عئسایا وفالی اولان موقدّسلره:
2آتامیز تاریدان و رب عئسا مسئحدن سئزه فیض و سالاماتلیق اولسون.
مسئحده کی روحانی برکتلر
3موتبارک اولسون تاری و ربّئمئز عئسا مسئحئن آتاسی کی، بئزی مسئحده هر جور روحانی برکت ائنن گؤیده کی یرلرده موبارک الهیئب. 4نجه کی، دونیانین بئناسیندان قاباق بئزی مسئحده سچدی کی، بئز اونون حوضوروندا موقدّس و لکهسئز اولاق. 5محبّتده او، اؤز ائرادهسئنئن خوشلوغونا گؤره، عئسا مسئحئن واسئطهسی ائنن، قاباقدان بئزی اؤز اوغولی اولماغا موقدّر الهدی. 6اِله کی، عزئز اوغلوندا بئزه باغیشلادیغی عئزّتلی فیضی سئتایئش اولونسون. 7مسئحده اونون قانینین واسئطهسی ائنن نئجاتیمیز وار، کی بو اونون فیضئنئن دؤولتلئیئنه گؤره، خاطالارین باغیشلانماسی دیر کی، 8بوتون حئکمت و بصئرتده، اونی بئزئم اوستوموزه بول-بول تؤکدی. 9تاری مسئحده نئیّت الهدئیی اؤز خوشلوغونا گؤره، ائرادهسئنئن سئرّئنی بئزه بئلدئردی، 10اله کی، او موعیّن اولان کامئل واخت یتئشنده اؤز نقشهسئنی یرئنه یتئره. بو نقشه بودور کی گؤیده و یرده اولان شیلرئن هامیسینی مسئحده بئرلَشدئرسئن.
11مسئحده بئز ده اونا وارئث اولدوق، چونکی اونون نئیّتئنه گؤره کی بوتون شیلری اؤز ائرادهسئنئن مصلحتئنده یرئنه یتئرئر، قاباقدان موعیّن اولموشدوق. 12اِله کی، مسئحه ائلک اومئد باغلامیش اولان بئزلر، اونون جلالینین حمدی اوچون اولاق. 13اوندا، سئز ده حقئقت کلامینی، نئجاتیزین خوش خبرئنی اشئدئب ائناندیقدا، وعدهنئن موقدّس روحی ائنن مسئحده مؤهورلَندئز کی، 14مئراثیمیزین بیعانه سی دئر؛ بله کی، تارییا عایید اولانلار خئلاص اولونسونلار، اله کی اونون جلالی سئتایئش اولونسون.
شوکور الهمک و دوعا
15بونا گؤره من ده، رب عئسایا اولان ائمانیزی و بوتون موقدّسلره اولان محبّتئزی اشئدئب، 16سئزئن اوچون شوکور الهمکدن و سئزی دوعالاریمدا یادا گتئرمکدن دایانمیرام. 17اِله کی، ربّئمئز عئسا مسئحئن تاریسی، عئزّتلی آتا، سئزه اؤز معرئفتئنده حئکمت و وحی روحونی ورسئن. 18و اورهیئزئن گؤزلرئنی ائشیقلاندیرسین کی، بئلهسئز اونون دعوتئنئن اومئدی و اونون مئراثینین عئزّتلی دؤولتلئیی موقدّسلرده نهدئر. 19و بئلهسئز ده کی اونون قودرتئنئن حدسئز عظمتی، بئز ائمان گتئرنلره نهدئر. بولار اونون قووّتلی قودرتئنئن ائشلمهسیدئر کی، 20مسئحی اؤلولردن دئرئلدنده و گؤیده کی یرلرده اؤز صاغیندا اوتورداندا، اوندا ظاهئر الهدی؛ 21هر ریئسلئکدن، ائقتئداردان، قودرتدن، حاکئمئیّتدن، و هر آددان بؤیوک، نه فقط بو عصرده، بلکی گلهجک عصرده ده. 22هر شیی اونون آیاقلاری آلتینا قویوب، اونی بوتون شیلرئن باشی اولان کئمی کئلئسایا وردی کی، 23اونون بدنیدئر: اونون دولولوغی کی، هامینی هامیدا دولدورور.
Currently Selected:
اِفِسوسلولارا 1: CAB
Highlight
Copy
Compare
Share
Want to have your highlights saved across all your devices? Sign up or sign in
@ 2024 Korpu Company
