قالاتئیالیلار 4
4
1ائندی بونی دیئرم کی، مادام کی، وارئث اوشاقدیر، هر شیئن صاحئبی اولسا دا، قول ائنان هچ فرقی یوخدور. 2او، آتاسینین تعیئن الهدئیی واختا قدر، قیّوملارین و وکئللرئن اَلی آلتیندادیر. 3اِله اوجور ده بئز، اوشاق اولاندا دونیانین ائبتئدائی شیلرئنئن آلتیندا اسئر ائدئک. 4آمّا اوندا کی تعیئن اولان زامان باشا چاتدی، تاری آرواددان دوغولموش و شرئعت آلتیندا دونیایا گلمئش اؤز اوغلونی گؤندَردی کی، 5شرئعت آلتیندا اولانلاری آلیب قورتارسین، اله کی بئز اوغوللوغا نایئل اولاق. 6و اوغوللار اولدوغوز اوچون، تاری اؤز اوغلونون روحونی بئزئم اورَکلرئمئزه گؤندَرئب کی، نئدا اله یئر: «آبّا! آتا!» 7بونا گؤره، سئز آرتیق قول یوخ، اوغولسوز. و اگر اوغولسوز، تارینین واسئطهسی ائنن وارئثسئز ده.
پولوس قالاتئیالیلار اوچون نئگاران دیر
8آمّا تارینی تانیمادیغیز زامان، اِلهلرئن قولی ائدئز کی، طبئعتن تاری دیئللر. 9آمّا ائندی کی، تارینی تانیییرسیز، یا دا داها دوغروسی تاری سئزی تانیییر، نجه اولور کی، گئنه ضعئف و دَیَرسئز ائبتئدائی شیلره قاییدیرسیز و اولارین قولی اولماغا جان آتیرسیز؟ 10گونلری، آیلاری، فصئللری و ائللری رئعایت الهیئرسئز. 11قورخورام کی، سئزه بوش یره زحمت چکمئش اولام.
12قارداشلار، سئزه یالواریرام کی منئم کئمی اولون، چونکی من ده سئزئن کئمی اولموشام. سئز منه هچ بئر حاقسیزلیق اله مهیئبسئز. 13آمّا بئلئرسئز کی، بدنئمئن ضعئفلئیی اوزوندن ائنجئلی ائلک دفه سئزه اعلان الهدئم. 14و بدنئمده اولان ائمتاحانا سئز حقارت ائنن باخمادیز، ردّ ده اله مهدئز. بلکی منی تارینین بئر ملهیی کئمی قبول الهدئز، اله بئل کی، مسئح عئسانین اؤزونی قبول الهیئرسئز. 15پس هاردادیر سئزئن او شور و شوقوز؟ چونکی سئزئن حاقّیزدا شهادت ورئرم کی، اگر مومکون اولسایدی، گؤزلرئزی چیخاردیب منه وِرَردئز. 16مگر حقئقتی سئزه ددئیئم اوچون دوشمنئز اولموشام؟
17اولار قیرت ائنن سئزی آختاریرلار، آمّا یاخشی نئیّت ائنن یوخ. آنجاق سئزی آییرماق ائستهیئرلر کی، سئز اولاری قیرت ائنن آختاراسیز. 18یاخشی نئیّت ائنن هر زامان قیرتلی اولماق یاخشیدیر، آنجاق من یانیزدا اولاندا یوخ. 19اؤولادلاریم کی، مسئح سئزده شکئل تاپانا قدر گئنه دوغوم آغریسینی چکئرم، 20آرزی الهیئردئم کی، ائندی یانیزدا اولوب سؤزومون سسئنی دیئشدئرَیدئم. چونکی سئزئن حاقّیزدا چاشیب قالمیشام.
هاجر ائنن سارا
21منه دیئن، سئزلر کی، شرئعت آلتیندا اولماغی ائستهیئرسئز، مگر شرئعته قولاق آسمیرسیز؟ 22چونکی یازیلیب، ائبراهئمئن ائکی اوغلی وار ائدی؛ بئری کنئز آرواددان دوغولموشدی و او بئرئسی آزاد آرواددان. 23آمّا کنئز آرواددان دوغولان اوغول، جئسمه گؤره دوغولدی و آزاد آرواددان دوغولان اوغول وعدهیه گؤره.
24بو، مثَل ائنن دانیشماقدیر، چونکی بو ائکی آرواد، ائکی عهددئرلر؛ بئری سئنا داغینداندیر کی، قوللوق الهمک اوچون اوشاقلار دوغور. او، هاجردئر. 25ائندی بو هاجر عرب بؤلگه سئنده اولان سئنا داغیدیر و اورشلئمئن ائندئکی واختینا بنزهیئر، چونکی او، اؤولادلاری ائنن اسئرلئکدهدئر. 26آمّا یوخاریدا اولان اورشلئم آزاددیر کی، بئزئم آنامیزدیر. 27چونکی یازیلیب:
«ای سونسوز دوغمایان آرواد،
سوئنه سوئنه اوخی!
ای دوغوم آغریسینی چکمهین،
جار چک و نئدا اله!
چونکی ترک اولونموش آروادین اؤولادلاری،
اَری اولان آروادین اؤولادلاریندان چوخ اولور.»
28و سئز، قارداشلار، ائسحاق کئمی وعدهنئن اؤولادلاریسیز. 29آمّا نجه او زامان جئسمه گؤره دوغولان، موقدّس روحا گؤره دوغولانا عذاب ورئردی، ائندی ده بلهدئر. 30آمّا موقدّس یازی نه دیئر؟ «کنئز آرواد و اونون اوغلونی قوو، چونکی کنئز آروادین اوغلی، آزاد آروادین اوغلی ائنن وارئث اولمایاجاق.» 31بونا گؤره، قارداشلار، بئز کنئز بئر آروادین یوخ، آزاد آروادین اؤولادلاریییق.
Currently Selected:
قالاتئیالیلار 4: CAB
Highlight
Copy
Compare
Share
Want to have your highlights saved across all your devices? Sign up or sign in
@ 2024 Korpu Company
