قالاتئیالیلار 1
1
1ائنسانلار طرفئندن یوخ، ائنسانلارین واسئطهسی ائنن ده یوخ، بلکی عئسا مسئح و اونی اؤلولردن دئرئلدن آتا تاری واسئطهسی ائنن حواری تعیئن اولونان پولوسدان
2و من ائنن اولان بوتون قارداشلاردان،
قالاتئیانین کئلئسالارینا:
3آتامیز تاریدان و رب عئسا مسئحدن سئزه فیض و سالاماتلیق اولسون. 4او کی، آتامیز تارینین ائرادهسئنه گؤره، اؤزونی بئزئم گوناهلاریمیز اوچون فدا الهدی کی، بئزی ائندئکی شر دؤورانیندان قورتارسین. 5اونا ابده کئمی جلال اولسون. آمئن.
آنجاق بئر ائنجئل
6تعجّوب اِله یئرم کی، سئز بو تزلئک ائنن مسئحئن فیضئنده سئزی چاغیرانی ترک الهیئب، آیری بئر ائنجئله دؤنورسوز. 7اصلئنده آیری بئر ائنجئل یوخدور؛ آنجاق بعضی آداملار وار کی، سئزی چاشدیریب مسئحئن ائنجئلئنی تحرئف الهمک ائستهیئرلر. 8آمّا حتّا اگر بئز و یا گؤیدن گلن بئر ملک، سئزه اعلان الهدئیئمئز ائنجئله ضئدّ بئر شی اعلان الهسه، اونا لعنت اولسون! 9اوّلده ددئیئمئز کئمی، ائندی ده دیئرم؛ کئم سئزه قبول الهدئیئز ائنجئلئن ضئدّئنه باشقا بئر ائنجئل اعلان الهسه، اونا لعنت اولسون!
10ائندی من کئمی راضی الهمک ائسته یئرم، ائنسانلاری، یوخسا تارینی؟ یا دا مگر ائنسانلاری خوشلاندیرماق ائستهیئرم؟ اگر من حله ده ائستهسیدئم کی، ائنسانلاری خوشلاندیریم، مسئحئن قولی اولمازدیم.
تاری پولوسی چاغیریر
11قارداشلار، ائستهیئرم بئلهسئز کی، سئزه اعلان الهدئیئم ائنجئل ائنسان قاییردیغی دیئل. 12چونکی من اونی نه ائنساندان آلدیم، نه ده بئری منه اؤیرَتدی؛ بلکی اونی عئسا مسئحئن بئر وحیی ائنن آلدیم.
13چونکی سئز یهودئلئکده اولان قاباقکی احوالاتیمی اشئدئبسئز کی، نجه شئدّتلی بئر شکئلده تارینین کئلئساسینا عذاب ورئردئم و اللشئردئم کی، اونی آرادان آپاریم. 14و یهودئلئکده اؤز عئرقئمدن اولان یاشیدلاریمی نجه اؤتوب، اجدادلاریمین رسم-روسوملارینا حدّئندن آرتیق قیرتلی ائدئم. 15آمّا او واخت کی، آنامین رحئمئندن منی سچن و اؤز فیضی ائنن دعوت الهین تاری روا گؤردی کی، 16اؤز اوغلونی منده ظاهئر اله سئن، اله کی، من اونی قیرییهودئلرئن آراسیندا اعلان اله یئم، من هچ کس ائنن مصلحتلشمهدئم. 17اورشلئمه، مندن قاباق حواری اولانلارین یانینا دا گتمهدئم. بلکی عربئستانا گتدئم و گئنه دمشقه قاییتدیم.
18اوچ ائل کچندن سورا، اورشلئمه گتدئم کی، کئفا ائنن تانیش اولوم و اونونان اون بش گون قالدیم. 19آمّا او بئری حوارئلردن هچ بئرئنی گؤرمهدئم مگر ربّئن قارداشی یعقوبی. 20سئزه هر نه کی، یازیرام، تارینین حوضوروندا سئزه ائطمئنان ورئرم کی، یالان دمئرم. 21سورا، سورئیه و قئلئقئیه منطقهلرئنه گتدئم. 22او زامان حله ده مسئحئن یهودئیهده اولان کئلئسالاری منی شخصن تانیمیردیلار؛ 23آنجاق اولار دائم اشئدئردئلر کی، «بئر زامان بئزه عذاب ورن آدام، ائندی اؤزی اله او ائمانی اعلان الهیئر کی، بئر زامانلار اونی محو الهمهیه اللشئردی.» 24و مندن اؤتری تارییا حمد الهیئردئلر.
Currently Selected:
قالاتئیالیلار 1: CAB
Highlight
Copy
Compare
Share
Want to have your highlights saved across all your devices? Sign up or sign in
@ 2024 Korpu Company
