۲قورئنتلیلره 13
13
اؤزوزی ائمتاحان الهیئن
1بو اوچونجی دفهدئر کی، سئزئن یانیزا گلئرم: «هر سؤز ائکی و یا اوچ شاهئدئن آغزی ائنن تصدئق اولوناجاق.» 2من ائکئنجی دفه کی اوردا حاضیر ائدئم، او آداملارا کی گوناها باتمیشدیلار و قالان آداملارین هامیسینا دمئشم و ائندی ده قایئب اولان حالدا هامیزا دیئرم کی، اگر گئنه یانیزا گلسم، هچ کسدن کچمه یه جه یم. 3اوندان اؤتری کی، مسئحئن منئم واسئطم ائنن دانیشدیغینا دلئل آختاریرسیز. او، سئزئن قاباغیزدا ضعئف دیئل، بلکی سئزئن آرازدا قووّتلیدئر. 4چونکی او، ضعئفلئکده چارمیخا چکئلدی، آمّا تارینین قودرتی ائنن یاشاییر. بئز ده اوندا ضعئفئک، آمّا تارینین سئزده اولان قودرتی ائنن اونونان یاشایاجاغیق.
5اؤزوزی ائمتاحان الهیئن، گؤرون آیا ائمانداسیز. اؤزوزی یوخلایین. مگر درک اله مئرسئز کی، عئسا مسئح سئزدهدئر؟! مگر بو کی، دوغرودان ائمتاحاندا مردود اولاسیز! 6اومئدئم وار کی، بئزئم ائمتاحاندا مردود اولمادیغیمیزی باشا دوشهجکسئز. 7آمّا تارییا دوعا الهیئرئک کی، سهو بئر ائش گؤرمهیهسئز. بونون اوچون یوخ کی، بئز حاقلی گؤرونک. بونون اوچون کی، سئز صحئح اولانی یرئنه یتئرهسئز، حتّا اگر بئز حاقلی گؤرونمهیک. 8چونکی بئز حقئقتئن ضئدّئنه هچ بئر ائش گؤره بئلمهرئک، بلکی حقئقتئن یولوندا گؤره بئلهرئک. 9چونکی بئز ضعئف، آمّا سئز قووّتلی اولاندا بئز سوئنئرئک. دوعا دا الهیئرئک کی، سئز کامئللَشهسئز. 10من قایئب اولاندا بولاری اونا گؤره یازیرام کی، اوردا حاضیر اولدوغوم زامان، ربّئن منه وردئیی قودرتی ائنن سئز ائنن، ییخماق اوچون یوخ، بلکی بئنا الهمک اوچون برک رفتار اله مهیئم.
ختم کلام
11نهایت، قارداشلار! سوئنئن، کامئللَشئن، تسلّی تاپین، همفئکئر اولون، صولح و سالاماتلیق ائچئنده یاشایین، کی محبّت و صولح و سالاماتلیق تاریسی سئز ائنن اولاجاق.
12بئربئرئزی موقدّس اؤپوش ائنن سالاملایین. 13بوتون موقدّسلر سئزه سالام گؤندَرئرلر.
14رب عئسا مسئحئن فیضی، تارینین محبّتی و موقدّس روحون رفاقتی سئزئن هامیز ائنان اولسون.
Currently Selected:
۲قورئنتلیلره 13: CAB
Highlight
Copy
Compare
Share
Want to have your highlights saved across all your devices? Sign up or sign in
@ 2024 Korpu Company
