اِفِسوسلولارا 6
6
عایئله ائچنده
1اؤولادلار، ربده اؤز والئدینلرئزدن ائطاعت اِله یئن، چونکی بو دوزدور. 2«آتا و آنانا حؤرمت اله» کی بو وعدهلی اولان بئرئنجی حؤکمدور: 3«اله کی سعادت سنه یار اولسون و یر اوزونده عؤمرون اوزون اولسون.»
4ای آتالار، سئز ده اؤولادلاریزی قضبلَندئرمهیئن، بلکی اولاری ربّئن تربئیه و تعلئمی ائنن بؤیودون.
قوللار و آغالار
5ای قوللار، یر اوستونده کی آغالاریزا اورهیئزئن صافلیغیندا قورخی و لرزه ائنن موطئع اولون، نجه کی، مسئحه موطئعسئز. 6ائنسانلاری راضی اله مک ائستهینلر کئمی گؤزه خوش گؤرونن خئدمتلر ائنن یوخ، بلکی مسئحئن قوللاری کئمی کی، اورَکدن تارینین ائرادهسئنی یرئنه یتئرئرلر. 7خوش نئیّت ائنن ائنسانلارا یوخ، ربّه قوللوق الهین کئمی خئدمت اِله یئن. 8بئلئن ده کی، یاخشی ائش گؤرن هر کس ربدن عوضئنی آلاجاق، ائستر قول اولسون، ائستر آزاد.
9ای آغالار، سئز ده قوللاریز ائنان اله اوجور رفتار اِله یئن. قورخوتماقدان اَل گؤتورون و بئلئن کی، هم اولارین آغاسی هم ده سئزئن آغاز گؤیدهدئر و او، هچ کسدن طرفدارلیق اله مز.
ربّئن سئلاحلاری
10نهایت، ربده قودرتلی، اونون دا قووّتئنده گوجلی اولون. 11تارینین بوتون سئلاحلارینی گیئنئن کی، ائبلئسئن حئیلهلری قاباغیندا مؤحکم دایانا بئلهسئز. 12چونکی بئزئم موبارئزهمئز جئسم و قانین ضئدّئنه یوخ، بلکی ریاستلرئن، قودرتلرئن، بو قارانلیق دونیانین حؤکمدارلارینین و گؤیده کی یرلرده اولان شرئر روحانی قووّهلرئنئن ضئدّئنهدئر. 13بونا گؤره تارینین بوتون سئلاحلارینی گؤتورون کی، شرئر گونده موقاوئمت الهمهیه قادئر اولاسیز و هر شیی الهیندن سورا مؤحکم دایاناسیز. 14بوندان اؤتری ده مؤحکم دایانین. بِلئزه حقئقت بِلباغینی باغلایین و صالحلئک زئرهئنی ده سئنهزه تاخین. 15صولح و سالاماتلیق ائنجئلئنئن حاضیرلیق باشماغینی آیاغیزا گِیئن. 16و بولارین هامیسیندان علاوه، ائمان قالخانینی اَله آلین کی، اونونان او شرئر اولانین بوتون آلوولی اوخلارینی سؤندورمهیه قادئر اولاسیز. 17نئجات دَبئلقهسئنی و موقدّس روحون قیلینجینی دا کی، تارینین سؤزی دئر، گؤتورون. 18بوتون دوعا و یالواریشدا، همئشه موقدّس روحدا دوعا الهیئن و بونی گؤز قاباغیندا ساخلاییب، بوتون موقدّسلر اوچون بوتون ائستئقامت و یالواریش ائنان آییق اولون.
19منئم اوچون ده دوعا اِله یئن، اله کی هر واخت آغزیمی دانیشماغا آچیرام، او سؤز منه عطا اولونسون اِله کی، ائنجئلئن سئرّئنی جسارت ائنن اعلان الهیم، 20کی بونون اوچون ده زنجئلرده باغلی اولان بئر اِلچییَم! دوعا اله یئن کی من اعلان الهدئکده اله جسارت ائنن دانیشیم کی، اله اوجور گرک دانیشام.
ختم کلام
21آمّا منئم وضعئیّتئم بارهده و بوردا نجه کچئرتدئیئم حاقّیندا، عزئز قارداش و ربّئن وفالی خئدمتچئسی تئخئکوسدان خبر آلا بئلرسئز، او هر شیی سئزه بئلدئرهجک. 22و اونی اله بو نئیّت اوچون سئزئن یانیزا گؤندَرمئشم کی، سئز بئزئم احوالاتیمیزدان خبردار اولاسیز و او، سئزئن اورَکلرئزه تسلّی ورسئن.
23آتا تاری و رب عئسا مسئحدن قارداشلارا ائمان ائنان بئرلئکده صولح و سالاماتلیق و محبّت اولسون. 24فیض بوتون او آداملار ائنان اولسون کی، ربّئمئز عئسا مسئحی اؤلومسوز محبّت ائنن سِوئرلر.
Currently Selected:
اِفِسوسلولارا 6: CAB
Highlight
Copy
Compare
Share
Want to have your highlights saved across all your devices? Sign up or sign in
@ 2024 Korpu Company
