Popular Bible Verses from اِفِسوسلولارا 6

Share

چونکی بئزئم موبارئزه‌مئز جئسم و قانین ضئدّئنه یوخ، بلکی ریاستلرئن، قودرتلرئن، بو قارانلیق دونیانین حؤکمدارلارینین و گؤیده کی یرلرده اولان شرئر روحانی قووّه‌لرئنئن ضئدّئنه‌دئر.

بوتون دوعا و یالواریشدا، همئشه موقدّس روحدا دوعا اله‌یئن و بونی گؤز قاباغیندا ساخلاییب، بوتون موقدّسلر اوچون بوتون ائستئقامت و یالواریش‎ ائنان آییق اولون.

تارینین بوتون سئلاحلارینی گیئنئن کی، ائبلئسئن حئیله‌لری قاباغیندا مؤحکم دایانا بئله‌سئز.

بونا گؤره تارینین بوتون سئلاحلارینی گؤتورون کی، شرئر گونده موقاوئمت اله‌مه‌یه قادئر اولاسیز و هر شیی اله‌یندن سورا مؤحکم دایاناسیز.

و بولارین هامیسیندان علاوه، ائمان قالخانینی اَله آلین کی، اونونان او شرئر اولانین بوتون آلوولی اوخلارینی سؤندورمه‌یه قادئر اولاسیز. نئجات دَبئلقه‌سئنی و موقدّس روحون قیلینجینی دا کی، تارینین سؤزی دئر، گؤتورون.

بوندان اؤتری ده مؤحکم دایانین. بِلئزه حقئقت بِل‎باغینی باغلایین و صالحلئک زئرهئنی ده سئنه‌‌زه تاخین. صولح و سالاماتلیق ائنجئلئنئن حاضیرلیق باشماغینی آیاغیزا گِیئن.

نهایت، ربده قودرتلی، اونون دا قووّتئنده گوجلی اولون.

«آتا و آنانا حؤرمت اله» کی بو وعده‌لی اولان بئرئنجی حؤکمدور: «اله کی سعادت سنه یار اولسون و یر اوزونده عؤمرون اوزون اولسون.»

اؤولادلار، ربده اؤز والئدینلرئزدن ائطاعت اِله یئن، چونکی بو دوزدور.