اِفِسوسلولارا 5
5
تارییا اوخشار اولون
1پس، عزئز اوشاقلار کئمی تارییا اوخشار اولون 2و محبّتده رفتار اِله یئن، نجه کی، مسئح ده بئزی سِودی و اؤزونی بئزئم اوچون تارییا خوش عطئرلی بئر هدئیّه و قوربان تقدئم الهدی.
3آمّا سئزئن آرازدا عئفّتسئزلئیئن، هر جور ناپاکلیق، یا دا طاماحین حتّا آدی بله ذئکر اولونماسین، نجه کی، موقدّسلره یاراشمیر. 4بیادبلئک و هرزه دانیشماق، یا دا یاوا شوخلوقلار دا اولماسین. بولار یاراشماز؛ عکسئنه، شوکور الهیئن. 5چونکی بونی یقئن ائنن بئلئرسئز کی، مسئح و تارینین پادشاهلیغیندا عئفّتسئز، یا دا ناپاک، یا دا بوتپرست اولان طاماحکار آدام مئراثا مالئک دیئل. 6هچ کئم سئزی بوش سؤزلر ائنن آلداتماسین، چونکی بو شیلره گؤره دئر کی تارینین قضبی ائطاعتسئزلئیئن اوغوللاری اوستونه گلئر. 7بونا گؤره اولارین شرئکی اولمایین.
8چونکی بئر زامانلار قارانلیق ائدئز، آمّا ائندی ربده ائشیقسیز. پس ائشیق اؤولادلاری کئمی رفتار الهیئن. 9چونکی ائشیغین ثمرهسی هر جور یاخشیلیق، صالحلئک و حقئقتده گؤرولور. 10اللشئن کی، اؤیرنهسئز ربّی نه راضی الهیئر. 11قارانلیغین ثمرهسئز ائشلرئنده شرئک اولمایین، عکسئنه اولاری ائفشا اِله یئن. 12چونکی اولارین گئزلئجه الهدئیی ائشلری بارهده دانیشماق دا عاییبدیر. 13آمّا هر نه کی ائشیغین واسئطهسی ائنن ائفشا اولونور، آشکارا گؤزه گؤرونور. 14چونکی گؤزه گؤرولن هر شی ائشیقدیر، بونا گؤره دیئر کی:
«ای یاتان، اویان،
اؤلولردن دئرئل،
مسئح سنه پارلایاجاق.»
15پس نه جور رفتار الهدئیئزه دئقّت اِله یئن، حئکمتسئز آداملار کئمی یوخ، حئکمتلیلر کئمی، 16هر فورصتدن ائستئفاده اِله یئن، چونکی بو گونلر شرئر گونلردئر. 17بونا گؤره ده عاغیلسیز اولمایین، آمّا آنلایین کی، ربّئن ائرادهسی نهدئر. 18شراب ائنان کفلی اولمایین؛ کی عیاشلیقا باعئث اودور؛ بلکی موقدّس روح ائنان دولون. 19بئربئرئزه مزمورلار، ماهنیلار و روحانی نغمهلر اوخویون. اورهیئزده ربّه ترنّوم الهیئب، اوخویون. 20هر شی اوچون دائم ربّئمئز عئسا مسئحئن آدیندا تارییا و آتایا شوکور اِله یئن.
21مسئحه الهدئیئز حؤرمتدن اؤتری بئربئرئزه موطئع اولون.
اَرلر و آروادلار
22ای آروادلار، ربّه موطئع اولان کئمی اؤز اَرلرئزه موطئع اولون. 23چونکی اَر، آروادین باشیدیر، نجه کی، مسئح کئلئسانین باشیدیر و بدنئن نئجات ورنی او، اؤزودور. 24آمّا نجه کی، کئلئسا مسئحه موطئعدئر، آروادلار دا گرک هر شیده اَرلرئنه موطئع اولسونلار.
25ای اَرلر، آروادلاریزی سوئن، نجه کی، مسئح ده کئلئسانی سِودی و اؤزونی اونون اوچون فدا الهدی. 26اله کی، اونی تارینین کلامینین سویی ائنن یویوب تمئزلهسئن و اونی تقدئس الهسئن. 27و بو یولدان کئلئسانی بوتون شؤوکتی ائچئنده اؤزونه تقدئم الهسئن کی، اوندا لکه، قیریشیق و یا بولار کئمی شیلر اولماسین، بلکی موقدّس و عیبسئز اولسون. 28پس اَرلر ده گرک آروادلارینی سِوسئنلر، نجه کی، اؤز بدنلرئنی سِوئرلر. آروادینی سِوَن، اؤزونی سِوئر. 29چونکی هچ کئم هچ واخت اؤز بدنئندن نئفرت اله مهیئب، بلکی اونی یدئردئر و اونا یاخشی یتئشئر. نجه کی، مسئح ده کئلئسایا بله الهیئر. 30چونکی بئز اونون بدنئنئن عوضولرئیئک. 31بونا گؤره ده کئشی اؤز آتا-آناسیندان آیریلاجاق، اؤز آروادینا یاپیشاجاق و اولار بئر بدن اولاجاقلار. 32بو سئرّ بؤیوکدور - آمّا من مسئح و کئلئسانی گؤز قاباغینا آلیب دیئرم. 33هر حالدا، سئزئن آرازدا اولان هر کس ده اؤز آروادینی اؤزی کئمی سِوسئن و آرواد دا اَرئنه احتئرام الهسئن.
Currently Selected:
اِفِسوسلولارا 5: CAB
Highlight
Copy
Compare
Share
Want to have your highlights saved across all your devices? Sign up or sign in
@ 2024 Korpu Company
