اِفِسوسلولارا 3
3
پولوس، قیری-یهودئلرئن واعئظی
1بو سببدن من پولوس، کی سئز قیرییهودئلر اوچون مسئح عئسانین زئندانئسییم،
2گومان الهیئرم کی سئز تارینین سئزئن اوچون منه امانت وردئیی فیضی بارهسئنده اشئدئبسئز 3کی، وحی واسئطهسی ائنن او سئرّ منه بئلدئرئلدی، نجه کی، بوندان قاباق قیساجا سئزه یازدیم. 4اونا گؤره ده، بونی اوخویاندا منئم مسئحئن سئرّئنده اولان بصئرتئمی آنلایا بئلرسئز. 5بو سئرّ اؤزگه نسئللرده ائنسان اوغوللاری اوچون آشکار اولمامیشدی، نجه کی، ائندی موقدّس روحدا اؤز موقدّس حوارئلر و نبئلرئنه آشکار الهیئب. 6کی، قیرییهودئلر ده ائنجئلئن واسئطهسی ائنن مسئح عئسادا همن مئراثین وارئثی، همن بدنئن عوضوی، و همن وعدهنئن شرئکیدئرلر.
7من ده تارینین قودرتئنئن ائشئنه گؤره، منه باغیشلانمیش تارینین فیض عطاسینا گؤره، اونون خئدمتچئسی اولدوم. 8گرچی من بوتون موقدّسلرئن لاپ کئچئیییم، بو فیض منه عطا اولوندی کی، مسئحئن قئیاسا گلمهین دؤولتلرئنی قیرییهودئلره اعلان الهیئم. 9و آیدینلاشدیریم کی، هر شیی یارادان تاریدا ازلدن گئزلنمئش سئرّئن ترتئبی نهدئر. 10اِله کی، تارینین قات-قات حئکمتی کئلئسانین واسئطهسی ائنن گؤیلرئن یرلرده اولان ریئسلر و قودرت صاحئبلرئنه بئلدئرئلسئن. 11بو ابدی هدفه گؤره ائدی کی، تاری اونی ربّئمئز مسئح عئسادا یرئنه یتئردی. 12بئز مسئحده، اونا اولان ائمان واسئطهسی ائنن، جورعت و یقئن ائنن تارییا یاخینلاشا بئلرئک. 13بونا گؤره سئزدن خاهئش الهیئرم کی، سئزئن یولوزدا چکدئیئم زحمتلره گؤره، اورهیئز اوزولمهسئن، چونکی اولار سئزئن عئزّتئزدئر.
روحدا قووّت آلماق اوچون دوعا
14بو سببدن آتانین حوضوروندا دئز چؤکورم کی، 15گؤیده و یرده هر عایئله اوندان آدلانیر. 16اِله کی، اؤز جلالینین دؤولتئنه گؤره سئزه عطا الهسئن کی، باطئنی ائنساندا اونون اؤز روحونون واسئطهسی ائنن قودرتلهنئب، قووّت آلاسیز. 17و بله ده مسئح، ائمان واسئطهسی ائنن، سئزئن اورَکلرئزده ساکئن اولسون و سئز محبّتده کؤک سالیب، بونؤوره قویولاسیز، 18بله کی، بوتون موقدّسلر ائنن بئرلئکده مسئحئن محبّتئنئن نه قدر گنئش، اوزون، اوجا و درئن اولدوغونی باشا دوشه بئلهسئز، 19و معرئفتدن چوخ بؤیوک اولان مسئحئن محبّتئنی بئلهسئز کی، سئز تارینین بوتون دولولوغی ائنن دولاسیز.
20ائندی جلال اولسون اونا کی، قادئردئر او قودرته گؤره کی، بئزئم ائچئمئزده ائشلهییر، بوتون ائستهدئیئمئز و یا گومان الهدئیئمئزدن داها آرتیق، بوللوقدا عمل الهسئن. 21اونا کئلئسادا و مسئح عئسادا بوتون نسئللر بویونجا جلال اولسون. آمئن.
Currently Selected:
اِفِسوسلولارا 3: CAB
Highlight
Copy
Compare
Share
Want to have your highlights saved across all your devices? Sign up or sign in
@ 2024 Korpu Company
